Տոդես (պարային խումբ)

Տոդես
Ժանրեր	բրեյք դանս և հիփ հոփ
Կայք	todes.ru

«Տոդես» (գերմ.՝ tod^[1], todes - «մահ»), խորհրդային և ռուսական պարային կոլեկտիվ (պաշտոնական անվանումը՝ «Տոդես Բալետ») և պարային արվեստի ուսուցման դպրոց-ստուդիաների ցանց։ Անվանումն առաջացել է գեղասահքի «տոդես» եզրույթից։

Պատմություն[խմբագրել | խմբագրել կոդը]

Որպես պարային խումբ՝ ստեղծվել է 1987 թվականին Լենինգրադում և կազմված էր բրեյք դանսով զբաղվող մարդկանցից։ Այդ ժամանակ բրեյք դանսի հայտնի «Papuga» պարի փառատոնի ժամանակ նրանք ծանոթացել են Ալլա Դուխովայի հետ, որը Ռիգայից բերել էր իր «Էքսպերմենտ» խումբը^[2]։

1980-ականների վերջին, մասնակցելով հավաքական համերգներից մեկին, երգչուհի Սոֆիա Ռոտարուն ուշադրություն է դարձրել «Տոդեսի» բալետի ելույթին և հրավիրել համագործակցության, որը տևել է շուրջ 5 տարի։ Այս շրջանի համերգային ծրագրերում Սոֆիա Ռոտարուն գրեթե բոլոր երգերը կատարել է «Տոդեսի»-ի հետ համատեղ։ Պարարվեստում ներառված էին տարբեր ժանրերի տարրեր՝ տանգոյից մինչև բրեյք։ «Տոդեսի» մասնակցությամբ Ռոտարուի համերգներն ավելի դիտարժան էին դառնում։ Ավելի ուշ Ալլա Դուխովան ասել է, որ հենց Սոֆյա Ռոտարուի հետ համագործակցությամբ է սկսվել «Տոդեսի» հաջող կարիերան։

1992-1998 թվականներին «Տոդեսն» աշխատել է երգիչ Վալերի Լեոնտևի հետ՝ մասնակցելով նրա շոուներին ինչպես Ռուսաստանում, այնպես էլ հյուրախաղերի ժամանակ։

Ներկայումս կոլեկտիվի հիմնական կազմը բաղկացած է 180 մասնակցից։

2000-ական թվականներին «Տոդես ոճով» պար դասավանդելու նպատակով Ալլա Դուխովան բացել է բազմաթիվ «Տոդես» դպրոց-ստուդիաներ Ռուսաստանում և արտերկրում, ներառյալ՝ Մալթայում։ Ներկայումս Ռուսաստանում և այլ երկրներում գործում է 125 ստուդիական դպրոց^[3]։

2014 թվականի մարտին Մոսկվայի խաղաղության պողոտայում բացվել է Ալլա Դուխովայի «TODES» պարի թատրոնը^[4]։

Ծանոթագրություններ[խմբագրել | խմբագրել կոդը]

↑ «Tod — Викисловарь» (ռուսերեն). ru.wiktionary.org. Վերցված է 2016 թ․ ապրիլի 16-ին.
↑ Вячеслав Игнатьев. Рождение «Todes»
↑ «География сети школ TODES». Արխիվացված է օրիգինալից 2020 թ․ հոկտեմբերի 20-ին. Վերցված է 2020 թ․ հունվարի 25-ին.
↑ «О Театре танца Аллы Духовой TODES». Արխիվացված է օրիգինալից 2020 թ․ հունվարի 27-ին. Վերցված է 2020 թ․ հունվարի 25-ին.

Արտաքին հղումներ[խմբագրել | խմբագրել կոդը]

[1] «Tod — Викисловарь» (ռուսերեն). ru.wiktionary.org. Վերցված է 2016 թ․ ապրիլի 16-ին.

[2] Вячеслав Игнатьев. Рождение «Todes»

[3] «География сети школ TODES». Արխիվացված է օրիգինալից 2020 թ․ հոկտեմբերի 20-ին. Վերցված է 2020 թ․ հունվարի 25-ին.

[4] «О Театре танца Аллы Духовой TODES». Արխիվացված է օրիգինալից 2020 թ․ հունվարի 27-ին. Վերցված է 2020 թ․ հունվարի 25-ին.

[1]

[2]

[3]

[4]