Տիկին Տուտլի Պուտլի

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Տիկին Տուտլի Պուտլի
անգլ.՝ Madame Tutli-Putli
Տեսակտիկնիկային մուլտֆիլմ և կարճամետրաժ մուլտիպլիկացիոն ֆիլմ
Ժանրթրիլեր[1] և դրամա
ՌեժիսորՔրիս Լավիս
ՀնչյունավորումLaurie Maher?
ՊրոդյուսերMarcy Page?
ԵրաժշտությունSet Fire to Flames?
ԵրկիրFlag of Canada (Pantone).svg Կանադա
Լեզուանգլերեն
ԸնկերությունԿանադայի ազգային կինոխորհուրդ
ԴիստրիբյուտորԿանադայի ազգային կինոխորհուրդ
Տևողություն18 րոպե
Թվականմայիսի 19, 2007[2]
ԱռաջադրումՕսկար լավագույն անիմացիոն կարճամետրաժ ֆիլմի համար
ՊարգևներAcademy of Canadian Cinema and Television Award for Best Animated Short?
nfb.ca/webextension/madame-tutli-putli/?lg=en

Տիկին Տուտլի Պուտլի (ֆր.՝ Madame Tutli-Putli), կանադական կարճամետրաժ տիկնիկային մուլտիպլիկացիոն ֆիլմ, որի ռեժիսորները Քրիս Լավիսը և Մացեկա Շերբովսկին են: 2008 թվականին այն առաջադրվեց Օսկարի մրցանակի՝ Լավագույն անիմացիոն կարճամետրաժ ֆիլմ անվանակարգում։ Մինչ այդ՝ 2007 թվականին Ասնիում կայացած Անիմացիոն ֆիլմերի համաշխարհային փառատոնում առաջադրվել էր գլխավոր մրցանակի[3]:

Ֆիլմի պրեմիերան տեղի է ունեցել 2007 թվականի մայիսի 19-ին։ Այն ցուցադրվել է 46-րդ Կաննի կինոփառատոնի շրջանակներում անցկացված «Քննադատության շաբաթ» մրցութային ծրագրում։

Սյուժե[խմբագրել | խմբագրել կոդը]

Տիկին Տուտլի Պուտլին իր մեծ քանակությամբ անձնական իրերով կանգնած է կառամատույցում և սպասում է գնացքին, որոնք զբաղեցնում են կառամատույցի մեծ մասը։ Փոքրիկ ցեցը պտտվում է նրա շուրջը, և շուտով ժամանում է գնացքը:

Հաջորդ տեսարանում Տուտլի Պուտլին արդեն նստած է ամբողջությանբ իրերով լցված կուպեի պատուհանի մոտ: Նրա դիմաց նստած է մի տղամարդ, որն անպարկեշտ ակնարկներ է անում․ տիկինը ճանաչում է երբեմնի հանրահայտ թենիսիստին: Նրանց կողքին նստած է մի տղա, որը գիրք է կարդում և մի տարեց տղամարդ, որը քնած է: Վերևի շարքերում ճամպրուկների վրա, իրար հակառակ ուղղություններով նստած են երկու տղամարդ: Նրանք կենտրոնացած նայում են իրենց դիմացի շախմատի տախտակին, բայց հենց որ նրանցից մեկը պատրասվում է քայլ անել, գնացքը ուժեղ ցնցվում է և շախմատի տախտակի դասավորվածությունը փոխվում է: Այդպես այդ խաղը շարունակվում է այնքան ժամանակ, մինչև որ շախմատի քարերը դասավորվում են այնպես, որ նրանցից մեկը հաղթի:

Գիշերը գնացքը անսպասելիորեն կանգնում է անտառում: Տիկին Տուտլի Պուտլին շատ է վախեցնում, երբ ինչ-որ մեկը թռչում է վագոնի վրա՝ ուղիղ իր խցիկի առջև: Հենց այդ պահին գնացքը շարժվում է: Որոշ ժամանակ անց, երեք մարդ, իջնելով տանիքից և կեղտոտ կոշիկներով քայլում են վագոնի միջանցքով և կանաչ գազով խողովակը դնում վագոնի տակ՝ իրենց կողմից բացած անցքում: Գազը լցվում է խցիկ, և տիկինը քնում է:

Երբ տիկին Տուտլի Պուտլին արթնանում է, տեսնում է,որ ինքն արդեն միայնակ է դատարկ խցիկում և իր բոլոր իրերը և ուղեկիցներն անհետացել են, իսկ գնացքը դեռ շարունակում է իր ընթացքը: Նա տեսիլք է ունենում, որտեղ գնացք ներխուժածները կտրում են թենիսիստի որովայնի խոռոչի օրգանները: Սթափվելով, նա դուրս է փախչում խցիկից և վազում վագոնից վագոն, մինչև, հասնելով վագոն-ռեստորան, ընկնում է հատակին: Հանկարծ տիկինը նորից նկատում է ցեցին, որը թռչում էր վագոնում: Նա գնում է ցեցի ետևից այնքան ժամանակ, մինչև ձուլվում պայծառ լույսին, որտեղ նա ինքն է նմանվում թռչող արարածի:

Արտադրություն[խմբագրել | խմբագրել կոդը]

Նկարը դարձավ առաջնելույթ ռեժիսոր Լեվիս Շեբրովսկու համար: Նրա ստեղծման համար տարվել են շատ հետազոտություններ Ալֆրեդ Հիչքոքի աշխատանքներից և նաև տարբեր ֆիլմերից և գրքերից: Բացի դրանից, նրանք շփվել են գնացքներ նստող տարբեր մարդկանց հետ, որոնք պատմում էին նրանց ամենատարբեր պատմությունները: Ֆիլմի համար կատարվող աշպատանքը ձգվել է հինգ տարի՝ 2002 թվականից մինչև 2007 թվականը[4]:

Անիմացիոն ֆիլմի պատմության մեջ առաջին անգամ տիկնիկների աչքերը «կենդանի» էին: Դա արվել է նորարարական անիմացիոն տեխնոլոգիաների համար՝ նկարիչ Ջեյմսոն Ուոքելի կոմմից ով զբաղվում էր ֆիլմերի վիզուալ էֆեկտների ստեղծմամբ[4]:

Ծանոթագրություններ[խմբագրել | խմբագրել կոդը]

  1. http://outnow.ch/Movies/2007/MadameTutliPutli/
  2. Freebase Data DumpsGoogle.
  3. «Courts métrages en compétition» (ֆրանսերեն)։ Վերցված է 6 марта 2014 
  4. 4,0 4,1 «Cannes at 60» (անգլերեն)։ «Звезда Торонто»։ Վերցված է 6 марта 2014 

Արտաքին հղումներ[խմբագրել | խմբագրել կոդը]