Տենարդիտ

Տենարդիտ
Ընդհանուր
Կատեգորիա	միներալների տեսակ
Բանաձև (կրկնվող միավորը)	Na₂SO₄
Նիկել-Շտրունցի դասակարգում	7.AC.25
Շերտի գույն	սպիտակ
Բյուրեղային համակարգ	շեղանկյուն բյուրեղային համակարգ
Ենթակատեգորիա	սուլֆատների կարգ

Տենարդիտ, թենարդիա [ֆրանսիացի քիմիկոս Լ․ ժ․ Թենարի (L․ J․ Th6nard, 1777—1857) անվամբ], միներալ սուլֆատների դասից։ Քիմիական բաղադրությունը՝ Na₂S0₄։ Խառնուրդների ձևով փոքր քանակությամբ պարունակում է K, Mg, Cl, Br, H₂0, CaS0₄։ Բյուրեղագիտական համակարգը ռոմբային է։ Առաջացնում է անգույն թափանցիկ բյուրեղներ, որոնք երկբրգաձև են կամ աղյուսանման։ Բնորոշ են խաչաձև կրկնաբյուրեղները, կատարյալ հերձումը։ Առավել տարածված են կաթի սպիտակ հատիկավոր ագրեգատները։ Հեշտությամբ լուծվում է ջրում, ունի դառնաղի համ։ Կարծրությունը՝ 2—3, խտությունը՝ 2680—2690 կգ/մ²։ Տենարդիտ քեմոգեն միներալ է, առաջանում է չորացող աղաբեր լճերում միրաբիւիաի, էպսոմիաի, գիպսի հետ։ Հայտնի է նաև որպես ֆումարոլային գործունեության արգասիք։ Հանքավայրեր կան ԽՍՀՄ-ում (Թուրքմենստան, Ղազախստան), ԱՄՆ-ում, Կանադայում։ Օգտագործվում է հիմնականում որպես հումք սոդայի արդյունաբերության համար և ապակու արտադրության մեջ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 650)։