Տելենոր

Վիքիպեդիայից՝ ազատ հանրագիտարանից
Տելենոր
նորվ.՝ Telenor
Telenor logo.png
Տեսակ Հեռահաղորդակցություն
Հիմնադրված է 1855 թվական
Վայր Նորվեգիա: Ֆորնեբու, Բերում
Երկիր Նորվեգիա
Տնօրեն Յոն Ֆրեդրիկ Բաքսոս
Գլխավոր անձինք Թորլեիֆ Էնգեր
(տնօրենների խորհրդի ներկայացուցիչ)
Արդյունաբերություն հեռահաղորդակցություն
Հասույթ 11,23 մլրդ. (2008 թ.)[1]
Գործառնական շահույթ €1,75 մլրդ. (2008 թ.)
Զուտ շահույթ €1,73 մլրդ. (2008 թ.)
Աշխատողների թիվ 21,8 հազար
Telenor Serbia, Telenor Hungary, Telenor Denmark, Telenor Bulgaria, Telenor Sweden, DTAC, Telenor Pakistan, Telenor Montenegro, Telenor India, Telenor Maritim Radio, Telenor Myanmar և Telenor Cinclus
Կայք www.telenor.com
Բորսա Օսլոյի ֆոնդային բորսա
Telenor Վիքիպահեստում

Տելենոր (նորվ.՝ Telenor), նորվեգական հեռահաղորդակցային ընկերություն: Հանդիսանում է Նորվեգիայի ամենախոշոր ընկերությունը, բջջային հեռախոսակապի միջազգային շուկայի առաջատար ներդրողներից: Գլխավոր շտաբը տեղակայված է Նորվեգիայի Ակերսհուս ֆյուլքեի Բերում կոմունայի Ֆորնեբու շրջանում (մայրաքաղաք Օսլոյի մոտ):

Պատմություն[խմբագրել | խմբագրել կոդը]

Ընկերությունը հիմնադրվել է 1855 թվականին Telegrafverket անունով և մատուցել է հեռագրական ծառայություններ: 1966 թվականին ընկերությունը թողարկում է ձեռքի կոմպլեկտացիայով բջջային հեռախոսակապի ծառայություններ: 1981 թվականին այն փոխարինում է ավտոմատ հեռախոսային կապով (NMT): Այդ քայլով Նորվեգիան դառնում է Եվրոպայում ավտոմատ հեռախոսային կապի անցած առաջին երկիրը: 1993 թվականից սկսել է զարգացնել GSMկապը: 2004 թվականին շահագործման է հանձնվել 3G (UMTS) ցանցը:

2000 թվականի հոկտեմբերին ընկերությունը մասսամբ սեփականաշնորհվում է և ֆոնդային բորսաներում ստանում է լիստինգ:

Սեփականատերեր և ղեկավարություն[խմբագրել | խմբագրել կոդը]

Տելենորը հանրային կազմակերպություն է, որի հիմնական բաժնետերը Նորվեգիայի կառավարությունն է, որը տնօրինում է բաժնետոմսերի 54 %-ը: Ընկերության բաժնետոմսերը վաճառվում են Օսլոյի և ՆԱՍԴԱՔ ֆոնդային բորսաներում: 2006 թվականի դեկտեմբերի 6-ին շուկայական կապիտալիզացիան կազմել է $22,8 միլիարդ:

Ընկերության տնօրենների խորհրդի ներկայացուցիչն է Տորլեֆ Էնգերը (Thorleif Enger), իսկ գործադիր տնօրենը՝ Յոն Ֆրեդրիկ Բաքսոսը (Jon Fredrik Baksaas):

Գործունեություն[խմբագրել | խմբագրել կոդը]

Ընկերության հիմնական բիզնես գործունեությունը հանդիսանում է բջջային հեռախոսակապի ծառայություններ մատուցելը: Տելենորը ղեկավարում է բջջային օպերատորներ Նորվեգիայում, Բուլղարիայում, Շվեդիայում, Դանիայում (Telenor Denmark), Հունգարիայում, Սերբիայում, Չերնոգորիայում, Մալազիայում (DiGi.Com), Բանգլադեշում (GrameenPhone), Պակիստանում, Հնդկաստանում, Թալիանդում: 2004 թվականի տվյալների համաձայն Տելենորի դուստր ընկերությունները ունեցել են 22,1 միլիոն բաժանորդ:

Բջջային կապի ծառայություններ մատուցելուն զուգահեռ Տելենորը զբաղվում է նաև սկանդինավյան երկրներում հեռուստահեռարձակման և համացանցային ծառայություններ մատուցելով:

Ընկերության աշխատակիցների ընդհանուր թվաքականը 21,8 հազար մարդ է: Ընկերության 2008 թվականի եկամուտը աճել է 5,1 %-ով և կազմել €11,23 միլիարդ, զուտ շահույթը նվազել է 21,6 %-ով և կազմել €1,73 միլիարդ:[1]

Միջազգային ակտիվներ[խմբագրել | խմբագրել կոդը]

Տելեկոր ընկերության 2009թ.-ի գործունեության աշխարհագրությունը
Տելեկոր Շվեդիա ընկերության գլխավոր գրասենյակը Ստոկոհոլմում
Երկիր Օպերատոր Բնօրինակ անվանում Կայք
Նորվեգիա Նորվեգիա Տելենոր Նորվեգիա Telenor telenor.no
Շվեդիա Շվեդիա Տելենոր Շվեդիա Telenor telenor.se
Դանիա Դանիա Տելենոր Դանիա Telenor telenor.dk
Սերբիա Սերբիա Տելենոր Սերբիա Теленор telenor.rs
Չեռնոգորիա Չեռնոգորիա Տելենոր Մոնտենեգրո Теленор telenor.me
Հունգարիա Հունգարիա Տելենոր Հունգարիա Telenor telenor.hu
Բուլղարիա Բուլղարիա Տելենոր Բուլղարիա Теленор telenor.bg
Բանգլադեշ Բանգլադեշ Գրամենֆոն গ্রামীণফোন grameenphone.com
Թաիլանդ Թաիլանդ ԴՏԱՍ ดีแทค dtac.co.th
Մալայզիա Մալայզիա Դիգի Տելեկոմունիկացիոն digi digi.com.my
Պակիստան Պակիստան Տելենոր Պակիստան ٹیلی نار telenor.pk
Հնդկաստան Հնդկաստան Տելենոր Հնդկաստան Telenor telenor.in
Մյանմա Մյանմա Տելենոր Մյանմար တယ်လီနော telenor.com.mm

Հետաքրքիր փաստեր[խմբագրել | խմբագրել կոդը]

1994 թվականին Յոն Սթեֆենսոն ֆոն Թեչները (Jon Stephenson von Tetzchner) և Գեիր Իվարսյոյը (Geir Ivarsøy), հանդիսանալով Տելեվարկետ (ներկայիս Տելենոր) ընկերության աշխատակիցներ, ստեղծել են Օպերա դիտարկիչը:

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]