Տափերական

Տափերական
Գյուղ
	Տափերական
Երկիր	Հայաստան
Մարզ	Արարատի
Շրջան	Արարատի շրջան
Գյուղ	Տափերական
Համայնքի ղեկավար	Միհրան Մանասերյան
Հիմնադրված է	1932 թ.
Մակերես	8,83 կմ²
ԲԾՄ	835 մետր
Պաշտոնական լեզու	Հայերեն
Բնակչություն	3128 մարդ (2011)
Ազգային կազմ	Հայեր,
Կրոնական կազմ	Հայ Առաքելական եկեղեցի
Ժամային գոտի	UTC+4
Փոստային ինդեքս	0628
	Տափերական (Հայաստան)
	Տափերական (Արարատի մարզ)
	Տափերական Վիքիպահեստում

Տափերական (նախկինում՝ Կիրովի անվան սովխոզ, N2 սովխոզ կամ Կիրովի սովխոզ), գյուղ Հայաստանի Հանրապետության Արարատի մարզի Արարատի տարածաշրջանում, Արտաշատ քաղաքից 5-6 կմ հարավ-արևելք։ Վերանվանվել է Տափերական 1991 թ. ապրիլի 3-ին^[2]։ Անվանումը կապված է պատմական աղբյուրներում հիշատակվող Արաքս գետի Տափերական կամրջի հետ, որը գտնվել է Արտաշատ մայրաքաղաքի մոտ;

Պատմություն[խմբագրել | խմբագրել կոդը]

Հիմնադրվել է 1930-ական թ.։ Գյուղի տարածքը պատկանել է (Յուվա) Շահումյան գյուղին։ Սովետական Հայաստանի երկրորդ սովխոզը հիմնադրվել է այստեղ, հետո Շահումյանի կոլտնտեսությունը «Կիրովի» անվամբ կոչելուց հետո, N2 սովխոզը 1939 թ.ին վերանվանվում է Կիրովի սովխոզ և հանդես է գալիս որպես առանձին սովետական տնտեսություն, որն էլ 1968թ.ին շրջանների վերաձևավորումից հետո մտնում է Արարատի շրջանի կազմի մեջ։ 1946 թ. գյուղում հաստատվեցին Պարսկաստանից հայրենադարձվածները։^[փա՞ստ]

Բնակչություն[խմբագրել | խմբագրել կոդը]

Ըստ Հայաստանի 2011 թ. մարդահամարի արդյունքների՝ Տափերականի մշտական բնակչությունը կազմել է 3128, առկա բնակչությունը՝ 2927 մարդ^[1], բնակչության փոփոխությունը ժամանակի ընթացքում` ստորև^[3].

Տարի	1939	1959	1970	1979	1989	2001	2011
Բնակիչ	645	2321	2956	3003	3495	3708	3128^[1]

Տնտեսություն[խմբագրել | խմբագրել կոդը]

1970 թ-ին գյուղն ունեցել է 600 տնտեսություն։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Համայնքի հողերի հիմնական մասն օգտագործվում են որպես վարելահողեր, պտղատու և խաղողի այգիներ։ Զբաղվում են այգեգործությամբ, խաղողագործությամբ, դաշտավարությամբ, բանջարաբուծությամբ։ Մշակում են ջերմասեր բանջարաբոստանային կուլտուրաներ, ինչպես նաև հացահատիկ։ Զբաղվում են կաթնամսատու անասնապահությամբ, թռչնաբուծությամբ։^[փա՞ստ]

Համայնքի հիմնախնդիրների մեջ կարևորվում է ոռոգման ջրի հիմնախնդիրը, գյուղամիջյան ճանապարհների վերանորոգումը, մանկապարտեզի վերանորոգումը։^[փա՞ստ]

2015 թ-ին գյուղն ունի 660 տնտեսություն^[փա՞ստ]

Հասարակական կառույցներ[խմբագրել | խմբագրել կոդը]

Գործում է դպրոց, մանկապարտեզ, բուժկետ, կապի հանգույց։ Համայնքում կան 3 խաղողի վերամշակման ձեռնարկություններ, ալրաղաց, հացի թխման 3 ձեռնարկություն։^[փա՞ստ]