Տանձենի Թամամշյանի

Վիքիպեդիայից՝ ազատ հանրագիտարանից
Jump to navigation Jump to search
Տանձենի թամամշյանի
Դասակարգում
Թագավորություն  Բույսեր (Plantae)
Տիպ/Բաժին Անոթավոր բույսեր (Tracheophyta)
Ենթատիպ Սերմնավոր բույսեր (Spermatophytina)
Կարգ Վարդածաղկավորներ (Rosales)
Ընտանիք Վարդազգիներ (Rosaceae)
Տրիբա Maleae
Ցեղ Տանձենի (Pyrus)
Տեսակ Տանձենի թամամշյանի (P. tamamschianae)
Միջազգային անվանում
Pyrus tamamschianae
Կարգավիճակ
Հատուկ պահպանության կարգավիճակ՝ Status iucn3.1 EN hy.svg
Վտանգված տեսակ

Տանձենի Թամամշյանի (լատ.՝ Pyrus tamamschianae), վարդազգիների ընտանիքի, տանձենի ցեղի բույս։

Նկարագրություն[խմբագրել | խմբագրել կոդը]

Փոքր ծառ է՝ 2-3 մ բարձրությամբ և 8-12 սմ բնի տրամագծով։ Բնի և բազմամյա ճյուղերի կեղևը կարմրա-դարչնագույն է, մոխրավուն խավով։ Ճյուղերը և ընձյուղները կարճացած են, փշազուրկ։ Տերևները կլորավուն են, 2-4 սմ երկարությամբ և 2-3 սմ լայնությամբ, կարճ սրածայր կամ բութ գագաթով, երկու կողմից էլ մերկ, վառ կանաչ, վերևի կողմից փայլուն, ներքևից անփայլ, մանր սղոցաեզր կամ ամբողջաեզր։ Տերևակոթունները բարակ են, երկարությամբ տերևաթիթեղին հավասար։ Պտուղների հասունացման ժամանակ բաժակը մնում է, չի թափվում։ Բաժակաթերթիկները սրածայր են, տարածված, մանր աղվամազապատ։ Պտուղը տանձանման է, դեղնականաչավուն, երկար պտղակոթունով։ Տերևները և պտուղները չորացնելիս չեն սևանում։

Տարածվածություն[խմբագրել | խմբագրել կոդը]

Տարածված է միայն Հայաստանում, Գառնի գետի ափերին, Ամենափրկիչ վանքի ավերակների շրջակայքում, միջին լեռնային գոտում, անտառային դերիվատներում, թփուտներում, լեռնալանջերի վրա։ Որպես տիպիկ, հայկական էնդեմ պահպանության և տարածման խիստ կարիք է զգում[1]։

Ծանոթագրություններ[խմբագրել | խմբագրել կոդը]

  1. Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ (338)։