Տանիք

Վիքիպեդիայից՝ ազատ հանրագիտարանից
Գերմանիայի Նյորդլինգեն քաղաքի տանիքները
Խոտով ծածկված տանիք Ֆարերյան կղզիներում

Տանիք, շենքի (կառույցի) կտուրի վերին պատվածք, որն անմիջականորեն ենթարկվում է մթնոլորտային ազդեցություններին։ Կազմված է վերին ջրամեկուսիչ շերտից (թիթեղ, կղմինդր, ասբեստացեմենտային թերթ, ռուբերոիդ, տոլ) և կրող կոնստրուկցիաների վրա հենված հիմնաշերտից (կավարամած, հոծ տախտակամած, ցեմենտի սվաղ)։

Տանիքները լինում են ձեղնահարկով և առանց ձեղնահարկի։ Տարբերվում են ըստ օգտագործվող տանիքանյութերի։ Փաթթոցային և մածիկային տանիքանյութեր օգտագործելիս անհրաժեշտ է կտուրի հիմնական կոնստրուկցիան պաշտպանել շենքի (կառույցի) ներսի գոլորշիների խտուծքից։ Հարթ, փոքր թեքություն ունեցող կամ կորաձև վերնածածկը նախապես մածիկապատում են կամ մածիկով ամրացնում (փակցնում)։ Փաթթոցանյութի մեկ կամ երկու շերտ, հավասարաչափ ծածկում ցեմենտավազային շաղախի սվաղով։ Վերջինի ամրանալուց հետո միայն փռում են ջրամեկուսիչ շերտը («գորգը»), այնուհետև՝ պաշտպանական ևս մի շերտ։

Հատավոր տանիքանյութերն ուղղակի ամրակցում են թեք կտուրի կավարամածին կամ տախտակամածին։ Տանիքը պետք է լինի թեթև, ամուր ու դիմացկուն, պատրաստման և շահագործման տեսակետից տընտեսողաբեր, համապատասխանի հրդեհային անվտանգության պայմաններին։

Գրականություն[խմբագրել | խմբագրել կոդը]

  • Авторский коллектив д-р. арх. проф. М. С. Туполев, доц. А. Н. Шкинев, проф. А. Н. Попов, канд. арх. доц. А. А. Попов, канд. техн. наук доц. Ю. Л. Сопоцько, канд. арх. доц. Т. И. Кириллова, канд. арх. В. Н. Карцев, канд. арх. О. В. Коретко, инж. И. А. Браунсдорфер, канд. техн. наук В. В. Беспалов, инж. В. М. Кунин Конструкции гражданских зданий / под редакцией М. С. Туполева, научный редактор - арх. Г. А. Довжик. — Москва։ Издательство литературы по строительству, 1968. — 239 с.
  • С. И. Вайдман, Л. Ф. Теверовский, Д. В. Яковлев Строительные конструкции. — Ленинград։ Издательство литературы по строительству, 1970. — 344 с.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։