Տամարա Տանսիկկուժինա

Վիքիպեդիայից՝ ազատ հանրագիտարանից
Jump to navigation Jump to search
Տամարա Տանսիկկուժինա
Tamara Tansykkuzina 20100330 Ahsoous.jpg
Անձնական տեղեկություն
Սեռ`իգական
Մասնագիտացում`draughts player
Երկիր`Flag of Russia.svg Ռուսաստան
Ծննդյան ամսաթիվ`դեկտեմբերի 11, 1978(1978-12-11) (40 տարեկան)
Ծննդավայր`Նաբերեժնիե Չելնի, Թաթարստանի Ինքնավար Խորհրդային Սոցիալիստական Հանրապետություն, ՌԽՖՍՀ, ԽՍՀՄ

Տամարա Միխայլովնա Տանսիկկուժինա (ռուս.՝ Тамара Михайловна Тансыккужина, դեկտեմբերի 11, 1978(1978-12-11), Նաբերեժնիե Չելնի, Թաթարստանի Ինքնավար Խորհրդային Սոցիալիստական Հանրապետություն, ՌԽՖՍՀ, ԽՍՀՄ), ռուս շաշկիստ, աշխարհի հնգակի չեմպիոն, միջազգային շաշկու գծով 2014 թվականի Եվրոպայի առաջնության արծաթե մեդալակիր: Միջազգային գրոսմայստեր, Շաշկու Համաշխարհային ֆեդերացիայի կին խաղացողների ներկայացուցիչ, Բաշկորտոստանի Հանրապետության Շաշկու ֆեդերացիայի գործադիր կոմիտեի նախագահ:

Նաբերեժնիե Չելնի քաղաքի շախմատի և շաշկու ակումբի սան (մարզիչներ Ս. Օվեչկին և Մ. Բելկինա): Ներկայումս նրա մարզիչներն են` Յուրի Չերտոկը և Ալեքսեյ Չիժովը: Ընդգրկված է Բաշկորտոստանի Հանրային պալատում:

Կենսագրություն[խմբագրել | խմբագրել կոդը]

8 տարեկանից սկսած հաճախել է Պիոներների տանը գործող շաշկու խմբակ: Տարբեր պատճառներով առաջին տարում նա փոխեց երկու մարզիչների՝ սպորտի վարպետության թեկնածու Ե. Վավիլինին և սպորտի վարպետ Գ. Օխոտնիցկուն: Սերգեյ Օվեչկինը (1985 թվականի ռուսական շաշկու ԽՍՀՄ չեմպիոն) Տամարային սկսել է մարզել 1988 թվականից: 1990 թվականին առաջին անգամ ելույթ ունենալով ռուսական շաշկու ԽՍՀՄ կանանց առաջնությունում՝ Տամարան գրավում է 5-րդ տեղը: 1990 թվականից ապագա չեմպիոնուհու ճակատագրում մեծ դաստիարակչական դեր է կատարել մարզիչ Մ. Բելկինան: 1991 թվականին մարզիչի հետ համատեղ որոշում է կայացվել միջազգային շաշկու անցնելու վերաբերյալ: 1993 թվականին Օվեչկինը տեղափոխվեց Օրյոլ այդպես էլ չտեսնելով արդյունքները: 1994 թվականին մարզիչ Չերտոկայի հրավերով տեղափոխվեց Իշիմբայ: 1995 թվականի կեսերին նա հաղթեց կանանց միջազգային շաշկու առաջնությունում: 1996 թվականի ապրիլին հաղթեց կանանց առաջնությունում: Անկումից հետո՝ 1996-1997 թվականներին, երկրորդ մարզիչ դարձավ Վլադիմիր Միլիշինը: 1997 թվականին հաղթեց ինչպես միջազգային, այնպես էլ ռուսական շաշկու աղջիկների աշխարհի առաջնությունում: 1998 թվականին սկսում է «իր» խաղի որոնումները, որն ուղեկցվում է մի շարք անհաջողություններով կարևոր առաջնություններում (Կանանց ռուսաստանի առաջնություն, 7-րդ տեղ): 1999 թվականը ամենալարվածներից մեկն էր. բացարձակ հաղթանակ Ռուսաստանի առաջնությունում (հիմնական, արագ և կայծակնային ծրագրեր), հիմնական ծրագրով կանանց աշխարհի առաջնությունում առաջին ելույթը (Յակուտսկ, 6-րդ տեղ) և կայծակնային խաղում (Նիդերլանդներ, 2-րդ տեղ): 2000 թվականին չեմպիոնական կոչում նվաճեց Ռուսաստանում և Եվրոպայում: 2001 թվականը դարձավ աստղային Տամարա Տանսիկկուժինայի սպորտային կարիերայում. հաղթելով աշխարհի առաջնությունում՝ նա արժանացավ «միջազգային գրոսմայստերի» կոչման: 2002 թվականից բնակվում է Ուֆայում:

Նա հանդես է եկել Ռուսաստանի Զինված ուժերի սպորտային ակումբի (1996 թվականից), ԲՀ ԲՍՎԴ-ի (1998 թվականից), 1999 թվականից՝ «Բաշնեֆթ»[1] պրոֆեսիոնալ շաշկու ակումբի կազմում:

Կրթություն[խմբագրել | խմբագրել կոդը]

  • Իշիմբայ քաղաքի Ա. Վալիդի անվան Բաշկիրական հանրապետական № 2 գիշերօթիկ գիմնազիա
  • Ստերլիտամակի պետական մանկավարժական ինստիտուտ (2001)
  • ԲՊՀ (2009)

Կոչումներ[խմբագրել | խմբագրել կոդը]

Միջազգային գրոսմայստեր (2001), տղամարդկանց միջազգային վարպետ, Ռուսաստանի գրոսմայստեր (1998)

Տիտղոսներ[խմբագրել | խմբագրել կոդը]

Միջազգային շաշկու աշխարհի միակ չեմպիոնն է Ռուսաստանում (ընդհանուր առմամբ 5 համաշխարհային հաղթանակ` 2001, 2002 (մրցաշար), 2004 (մրցաշար), 2007, 2011): Եվրոպայի (2000, 2008) և Ռուսաստանի (1996, 1999-2000, 2002 (Գուզել Գեորգիևայի հետ միասին), 2005, 2007) չեմպիոնուհի: Դասական շաշկու Ռուսաստանի առաջնության արծաթե մեդալակիր (2001): Ռուսաստանի չեմպիոնուհի (1999), արագ խաղի աշխարհի առաջնության արծաթե մեդալակիր (1999): Ռուսաստանի չեմպիոնուհի (Տատյանա Տետերինայի հետ միասին, 1999), 2000, 2002-2007 (8 անգամ), կայծակնային խաղի Ռուսաստանի առաջնության արծաթե մրցանակակիր (2001):

Կանանց աշխարհի (1997) և Ռուսաստանի (1995) չեմպիոնուհի, միջազգային շաշկու Ռուսաստանի առաջնության չեմպիոնուհի (2000), կանանց ռուսական շաշկու աշխարհի չեմպիոնուհի (1997):

Պարգևներ[խմբագրել | խմբագրել կոդը]

  • Սալավաթ Յուլաևի շքանշան (2001)[2]
  • «ԲՀ նշանավոր մարզիկ» Պատվո նշան (2001)
  • Ռուսաստանի օլիմպիական կոմիտեի և Ֆեյր Փլեյ Կոմիտեի դիպլոմ սպորտում ազնվության, և Ֆեյր Փլեյի ոգով արդար վարքի համար (2006)[3]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]