Տակդիր
Տակդիր (խոսակցական լեզվով՝ պամպերս) ներքնազգեստի տեսակ, որը նախատեսված է մեզի ներծծման համար, որպեսզի արտահագուստը չկեղտոտվի։ Հիմնականում կիրառվում է երեխաների, տիեզերագնացների, մոնտաժողների, օդաչուների, լեռնագնացների, ջրասուզակների, անկողնային հիվանդների կողմից[1]։
Տակդիրների տեսակները[խմբագրել | խմբագրել կոդը]
Ըստ նյութի տեսակի՝ տակդիրները լինում են․
- Կտորից
- Միանգամյա օգտագործման՝ հիմքը՝ ցելյուլոզա, ներծծող նյութը՝ գերներծծող․
- Կպչուկով
- Առանց կպչուկի
- Բազմանգամյա օգտագործման. և՛ հիմքը, և՛ ներծծող նյութը կտորից են, հիմնականում մի քանի շերտով[3]․
- Կոճակագամով[4]
- Առանց կոճակագամի
- Ներդրուկով, որի դեպքում որպես հիմք հանդիսանում է ներքնազգեստը և գերներծծող նյութը։
- Համակցված՝ հիմքը կտորից է, ունի նաև գերներծծող մաս։
Օգտագործման ձև[խմբագրել | խմբագրել կոդը]
Սովորաբար տակդիրն իրենից ներկայացնում է կտորի կամ թանզիֆի եռանկյունաձև կարվածք, որոնք իրար վրա շարված են մի քանի շերտով[5]։ Հիմնականում կիրառվում է փոքր երեխաների խնամքի համար։ Տակդիրն այնպես են հագցնում երեխային, որ նրա եռանկյունաձև հատվածը համապատասխանի երեխայի գոտկային հատվածին, իսկ միջանկյալ մասն անցնի երեխայի ոտքերի միջով։ Տակդիրն ամրացվում է կպչուկների օգնությամբ։ Մեկ այլ տարբերակով տակդիրն ամրացնում են գնդասեղի օգնությամբ՝ որովայնի շրջանում։ Վարտիք տակդիրներն ամրացվում են կպչուկների օգնությամբ և հագնում են՝ որպես սովորական վարտիք, որոշների վրա կան ցուցիչներ, որոնք ցույց են տալիս, թե երբ պետք է փոխվի տակդիրը։
Տակդիրի խնամք[խմբագրել | խմբագրել կոդը]
Բազմանգամյա օգտագործման տակդիրի խնամքը ժամանակակից պայմաններում շատ հեշտ է։ Այն լվացվում է, որի ընթացքում մաքրվում է մեզն ու կեղտը։ Կարելի է այն լվանալ և ձեռքով և լվացքի մեքենայով՝ սովորական լվացքի փոշիով։ Մի շարք հեղինակներ խորհուրդ են տալիս օգտագործել հատուկ օրգանական լվացքի փոշիներ։ Կարևոր է , որ լվանալուց հետո այն լավ պարզաջրվի։ Լվացքի մեքենայով լվանալիս պետք է գոնե կրկնակի պարզաջրել։ Լվանալուց հետո տակդիրները պետք է չորացնել սովորական պայմաններում։ Երկրորդ խնդիրը միկրոկենսաբանական մաքրությունն ապահովելն է։ Այս խնդիրը լուծվում է տակդիրն արդուկով երկու կողմից լավ արդուկելով՝ բարձր ջերմաստիճանով։
Բարուրային մաշկաբորբ[խմբագրել | խմբագրել կոդը]
Մանկական պրակտիկայում տակդիրների մի շարք տեսակների կիրառումից հաճախակի են հանդիպում մաշկի կարմրություն և բորբոքում, հիմնականում աճուկի հատվածում։ Պատճառը մեզի հետ շփումն է։ Այս երևույթն անվանում են մաշկաբորբ։ Բուժման հիմնական մեթոդն այն է, որ հնարավորինս նվազեցնում են մաշկի շփումը մեզի հետ, օգտագործում են որակյալ միանգամյա տակդիրներ։ Կիրառում են նաև մաշկի վերականգնողական միջոցներ (խոնավացում, յուղում են վնասված հատվածը)։
Ծանոթագրություններ[խմբագրել | խմբագրել կոդը]
- ↑ «Подгузники»։ vash.market (ru-RU)։ Վերցված է 2019-12-17
- ↑ D. Savinov (2016)։ «Daggers-«inserts» of pazyryk culture of the Altai Mountains»։ Teoriya i praktika arkheologicheskikh issledovaniy (1): 19–30։ ISSN 2307-2539։ doi:10.14258/tpai(2016)1(13).-02
- ↑ «7 мифов о многоразовых подгузниках»։ littlepirate.ru (ռուսերեն)։ Վերցված է 2019-12-17
- ↑ «Многоразовый детский подгузник из хлопка.»։ bezupakovkisochi.ru (ռուսերեն)։ Արխիվացված է օրիգինալից 2019-12-17-ին։ Վերցված է 2019-12-17
- ↑ «Как сделать подгузник»։ proroditelstvo.ru։ Վերցված է 2019-12-17