Տաթևիկ Ավետիսյան
- Վիքիպեդիայում կան հոդվածներ Ավետիսյան ազգանունով այլ մարդկանց մասին։
Տաթևիկ Ավետիսյան | |
---|---|
Ծնվել է | մարտի 20, 1977 (47 տարեկան) |
Ծննդավայր | Ստեփանակերտ, ԼՂԻՄ, ԽՍՀՄ |
Քաղաքացիություն | Հայաստան |
Կրթություն | Փանոս Թերլեմեզյանի անվան գեղարվեստական ուսումնարան (1997) |
Մասնագիտություն | քանդակագործ, բանաստեղծուհի և գրող |
Tatevik Avetisyan Վիքիպահեստում |
Տաթևիկ Արարատի Ավետիսյան (մարտի 20, 1977, Ստեփանակերտ, ԼՂԻՄ, ԽՍՀՄ), հայ քանդակագործ, բանաստեղծուհի։
Կենսագրություն[խմբագրել | խմբագրել կոդը]
Տաթևիկ Ավետիսյանը ծնվել է 1977 թվականին Լեռնային Ղարաբաղի Հանրապետության Ստեփանակերտ քաղաքում։ 1978 թվականին տեղափոխվել է Հայաստան, ապրում և ստեղծագործում է Արմավիրի մարզի Արմավիր քաղաքում։
Սովորել է Արմավիր քաղաքի արվեստի դպրոցում, 1992-1997 թվականներին՝ Փանոս Թերլեմեզյանի անվան գեղարվեստի ուսումնարանի դեկորատիվ-կիրառական արվեստի բաժնում։
1992 թվականին «Դպրություն» ամսագրում տպագրվել է Մեսրոպ Մաշտոցին նվիրված նրա բանաստեղծությունը։ Հոդվածներ, բանաստեղծություններ է տպագրել տարբեր ամսագրերում։
«Հայոց արիասիրտ թագուհին» խորագրով թեմայի շուրջ գծանկարել է Փառանձեմ թագուհուն։
2003 թվականին ընդունվել է Արմավիրի «Արարատ» համալսարանի դպրոցական բաժինը։ Որպես ջոկատավար, խմբավար, աշխատել է Արմավիրի թիվ 7 դպրոցում, Արցախի դպրոցներում, Լաչինի Քարեգահ գյուղում։
Քանդակներ[խմբագրել | խմբագրել կոդը]
- «Սպասում» կամ «Երազող կինը»[1]
- «Հրեշտակ»
- «Զղջում և մերժում»
- «Հոգեվիճակ»
- «Հոգնած ուսանողուհին»
- «Ծովափին»
- «Պարող աղջիկը»
- «Տարազով աղջիկը»
- «Ախ Թամար»
- «Կոմիտաս»
- «Աստղիկ դիցուհու դիմաքանդակ»
Ցուցահանդեսներ[խմբագրել | խմբագրել կոդը]
- 1996 Լեռնային Ղարաբաղի Հանրապետություն
- 2004 Արմավիր
- 2006 Նարեկացի արվեստի միություն
Մեջբերումներ Տաթևիկ Ավետիսյանից[խմբագրել | խմբագրել կոդը]
Արվեստի ամեն աշխատանք գեղեցիկ է և աչքին շոյելի, եթե ճիշտ է ներկայացվում հատկապես լույսի պարզ քողի տակ… Եթե նույնիսկ չես կարող հասկանալ աբստրակցիան, բայց եթե նայելիս այն անցնում է հոգուդ խորանով՝ ուրեմն գնահատելի է և արժեքավոր, ուրեմն բուն նպատակին է հասել արվեստի գործը։