Վաչե Ավագյան

Ավագյան Վաչե Արշակի;
Ծնվել է	1931 մայիսի 29
Ծննդավայր	ԽՍՀՄ, Հայկական ԽՍՀ, Նորաշեն
Մահացել է	օգոստոսի 30, 2010 (տարիքը 79)
Քաղաքացիություն	ԽՍՀՄ և Հայաստան
Ազգություն	Հայ
Կրոն	Հայ Առաքելական Եկեղեցի
Կրթություն	Տիմիրյազևի անվան գյուղատնտեսական ակադեմիա
Կոչում	պրոֆեսոր և թղթակից անդամ
Գիտական աստիճան	կենսաբանական գիտությունների դոկտոր (1976) և Կենսաբանական գիտությունների թեկնածու (1962)
Մասնագիտություն	գենետիկ
Ամուսին	Լյուդմիլա Ավագյան
Ծնողներ	մայր՝ Սաթենիկ Ավագյան; հայր՝ Արշակ Ավագյան
Պարգևներ և ; մրցանակներ	և
Անդամություն	Լենինի անվան ՀամԳԳԱ
Հարազատներ	եղբայր Արտավազդ Ավագյան ; եղբայր Հրանտ Ավագյան
Երեխաներ	Ռուզաննա Ավագյան, Ռոբերտ Ավագյան, Սամվել Ավագյան

Վիքիպեդիայում կան հոդվածներ Ավագյան ազգանունով այլ մարդկանց մասին։

Վաչե Արշակի Ավագյան (1931, մայիսի 29, Նորաշեն, Տավուշի մարզ - 2010, օգոստոսի 30), կենսաբանական գիտությունների դոկտոր, պրոֆեսոր։

Կենսագրություն[խմբագրել | խմբագրել կոդը]

Վաչե Ավագյանը ծնվել է Հայկական ԽՍՀ-ի Շամշադինի շրջանի (այժմ՝ ՀՀ Տավուշի մարզ) Նորաշեն գյուղում 1931 թվականի մայիսի 29-ին։

Կրթություն[խմբագրել | խմբագրել կոդը]

1948 թվականին ոսկե մեդալով ավարտել է շրջկենտրոն Բերդի միջնակարգ դպրոցը։ Դպրոցն ավարտելուց հետո ընդունվում է Հայկական գյուղատնտեսական ինստիտուտի ագրոնոմիական ֆակուլտետը։ Մեկ տարի անց՝ 1949 թվականին տեղափոխվում է Մոսկվա՝ ուսումը շարունակելու Տիմիրյազևի անվան գյուղատնտեսական ակադեմիայում, որն էլ գերազանցությամբ ավարտում է 1954 թվականին^[1]։

Կարիերա[խմբագրել | խմբագրել կոդը]

1954-1956 թթ - Ղազախստանի Կոկչետավի մարզի Շարիկյան ՄՏԿ-ի գլխավոր գյուղատնտես։ 1956 թ-ին պարգևատրվել է «За освоение целинных земель» մեդալով։
1956-1959 թթ - ՀՀ Տավուշի մարզի Նորաշեն գյուղի սերմնաբուծական տնտեսության սերմնաբույծ գյուղատնտես։ Երկու անգամ արժանացել է ՀԽՍՀ գերագույն խորհրդի պատվոգրի (1958, 1960)։
1962-1980 թթ - ՀՀ ԳԱ փորձարարական կենսաբանության ինստիտուտի ռադիացիոն գենետիկայի լաբորատորիայի ավագ գիտ. աշխատող (1962-1964), լաբորատորիայի վարիչ (1964-1968), բույսերի մուտագենեզի լաբորատորիայի վարիչ (1968-1980)։
1980-1987 թթ - ԽՍՀՄ գյուղ.նախարարության բնության պահպանության Համամիութենական ինստիտուտի (Մոսկվա) Հայաստանի բնության պահպանության բաժանմունքի վարիչ։
1987-1994 թթ - ՀՀ գյուղ.նախարարության սերմարտադրության ԳԱՄ-ի գլխավոր տնօրեն, Երկրագործության ինստիտուտի տնօրեն և նույն ինստիտուտի ագրոէկոլոգիայի և գենետիկական մոնիտորինգի բաժնի վարիչ։
1994-2010 թթ - Երկրագործության և բույսերի պաշտպանության գիտական կենտրոնի Ագրոէկոլոգիայի բաժնի վարիչ։
1994-1999 թթ - «Ագրոգիտասփյուռ» ձեռնարկության փոխտնօրեն։
1999-2001 թթ - ՀԳԱ-ի «Ագրոգիտասփյուռ» դեպարտամենտի առաջատար մասնագետ։
2002-2010 թթ - ՀԳԱ-ի պրոֆեսոր։

Գիտական աստիճաններ և կոչումներ[խմբագրել | խմբագրել կոդը]

1962 թ - Կենսաբանական գիտությունների թեկնածու։
1976 թ - Կենսաբանական գիտությունների դոկտոր։
1982 թ - Պրոֆեսոր (գենետիկա)
1991 թ - Ռուսաստանի Գյուղատնտեսական գիտությունների ակադեմիայի թղթակից-անդամ (նախկին ВАСХНИЛ)^[2]