Վոն Բին

Վիքիպեդիայից՝ ազատ հանրագիտարանից
Jump to navigation Jump to search
Վոն Բին
Won Bin.jpg
Ծնվել էնոյեմբերի 10, 1977(1977-11-10) (41 տարեկան)
ԾննդավայրՋոնգսոն, Գանգվոն, Հարավային Կորեա
ԿրթությունՅոնգ Ինի համալսարան
ՔաղաքացիությունFlag of South Korea.svg Հարավային Կորեա
ԱզգությունԿորեացիներ
Մասնագիտությունկինոդերասան, մոդել և հեռուստատեսային դերասան
Ամուսին(ներ)Լի Նայոն
wonbinus.co.kr
Siot base.svg Այս էջում կա կորեերեն տեքստ։ Առանց արևելաասիական լեզուների գրերի օժանդակ ծրագրի՝ դուք կարող եք կորեերեն պայմանանշանների փոխարեն տեսնել հարցականներ կամ այլ նշաններ։

Վոն Բին (հանգըլ՝ 원빈, իրական անունը Կիմ Դո Ջին, կորեերեն՝ 김도진, նոյեմբերի 10, 1977(1977-11-10), Ջոնգսոն, Գանգվոն, Հարավային Կորեա ), հարավկորեացի դերասան և մոդել[1]։

Վաղ տարիներ և կարիերայի սկիզբ[խմբագրել | խմբագրել կոդը]

Վոն Բինը ծնվել և մանկությունը անցկացրել է Չոնսոնի հյուսիսում (Գանգվոն)։ Նա տան հինգերորդ և ամենափոքր երեխան է։ Ունի մեկ եղբայր և երեք քույր։ Նրա հայրը աշխատում էր որպես հանքագործ, մայրը՝ ֆերմայում, նրանք երկուսն էլ այժմ անցել են թոշակի։ Ինչպես սովորաբար լինում է երեխաների մոտ, ովքեր ապրել են լեռնային տարածքներում, Վոն Բինը շատ ժամանակ է անցկացրել՝ խաղալով լեռներում, գետի մոտ ընկերների հետ, իսկ հետագայում պատմել է․ «Ես սովորաբար երեկոյան էի տուն վերադառնում սևացած, փոշոտված դեմքով»։ Նա ամաչկոտ և քչախոս է եղել, բնավորության այս գծերը մինչև հիմա մացել են[2]։ Չնայած նրան, որ քչախոս է եղել և չշփվող, միայն թե նա ցույց է տալիս հրաշալի արդյունքներ թեթև ատլետիկայում։ Վոն Բինը սկսում է տեկվանդո պարապել և այժմ նա ունի երրորդ մակարդակի սև գոտի[3]։ Փոքրուց երազել է դառնալ ավտոմեխանիկ, հիմնվելով իր մեքենաների մրցարշավների հանդեպ ունեցած հետաքրքրությունների վրա։ Վոն Բինը ավարտել է Չունչոնի տեխնոլոգիայի և տեխնիկայի ավագ դպրոցը, որտեղ նրան սովորեցրել են, թե ինչպես վերանորոգել մեքենաները և տեխնիկան։

1995 թվականի նոյեմբերին կաբելային հեռուստաընկերությունը փնտրում էր և ընդունում էր նոր դերասանների։ Վոն Բինը մասնակցել է լսումներին և ընդունվել է ավագ դպրոցի վերջին տարում։ Նա սկսել է դերասանական արվեստի դասեր վերցնել ընկերության գլխավոր շենքում և հայտնվել է մի քանի դորամաներում։ Հաջորդ ամիս Վոն Բինը պայմանագիր է կնքել դերասանական գործակալության հետ։

Կարիերա[խմբագրել | խմբագրել կոդը]

Վոն Բինը առաջնաելույթ է կատարել 1997 թվականին օգնական դերում, դա եղել է «Առաջարկություն» դորաման։ «Ուշադրություն, մարշ» (1998) դրամայից հետո նա արձակուրդ է վերցնում և 1998 թվականին ընդունվում Պեկչեի արվեստի համալսարան, որպեսզի սովորի դերասանական արվեստ[4]։ 1999 թվականին Վոն Բինը վերադարձել է էկրաններ «Կվանգի» հեռուստասերիալի գլխավոր դերում, նրան նկատել են, որպես խոստումնալից երիտասարդ դերասան։

Նրա մեծ բեկումը տեղի է ունեցել 2000 թվականին «Կոկջի» և «Աշնանային հեքիաթ» սերիալներում։ «Կոկջի» սերիալում նրա բողոքողի դերը, փոքր որդու, ապացուցել է նրա դերասանական կարողությունները և նրա դերը «Աշնանային հեքիաթ» դրամայում նրա անունը ավելացրեց կորեացի դերասանների Ա ցանկում։ «Աշնանային հեքիաթը» դարձավ հայտնի ամբողջ Ասիայում և նա դարձավ կորեացի հայտնի դերասաններից մեկը ամբողջ Ասիայում։ 2002 թվականին Վոն Բինը դարձավ առաջին կորեացի դերասանը, ով մեծ հայտնիություն ձեռք բերեց Ճապոնիայում, ճապոնա֊կորեական առաջին միասնական «Ընկերներ» դրամայի շնորհիվ, որտեղ նա նկարահանվել է շատ հայտնի ճապոնացի դերասանի՝ Կյոկո Ֆուկադոյի հետ։

Նրա կարիերան դադարեցվել է ծառայության պատճառով։ 2005 թվականին ավարտելով Յոնգինի համալսարանի արվեստի դպրոցը, Վոն ԲԻնը սկսել է իր ծառայությոնը բանակում 2005 թվականի նոյեմբերին և այն անցել է (նրա կամքով) կորեական ապառազմականացված գոտում։ Ծառայությունը այնտեղ համարվում է ամենավտանգավորներից մեկը, քանի որ Հարավային Կորեան դեռ պաշտոնապես գտնվում է պատերազմական իրավիճակում Հյուսիսային Կորեայի հետ[5][6][7]։ 2006 թվականի հունիսի 2-ին բանակը պաշտոնապես հաստատել է, որ Վոն Բինը ավարտել է իր ծառայությունը նախատեսված ժամկետից շուտ։ Զինվորականները որոշումը ընդունել են դերասանի ծնկի երկարատև վնասվածքի պատճառով։ Վոն Բինին վիրահատել են և նա պաշտոնապես ավարտել է իր ծառայությունը 2006 թվականի հունիսի 7-ին։ Վիրահատությունից հետո վերականգնման գործընթաց, որպեսզի բուժվի այդ վնասվածքից, տևել է տարուց ավել։

2007 թվականի սեպտեմրի 6-ին Վոն Բինին նշանակել են ՅՈՒՆԻՍԵՖ-ի բարի կամքի դեսպան[8]։ Նա մասնակցել է տարբեր ծրագրերում և բարեգործական իրադարձությունների, որոնք անցկացվել են Կորեայում ՅՈՒՆԻՍԵՖ-ի համար և նկարահանվել է մի քանի գովազդներում ֆոնդի համար։

2008 թվականի ապրիլին Վոն Բինը վերջապես հաստատել է, որ նրա հաջորդ ծրագիրը կլինի «Մայր» ֆիլմը, որի ռեժիսորն է Պոն Ջունգ Հոն։ Նկարահանումները սկսվել են 2008 թվականի սեպտեմբերին և ավարտվել են 2009 թվականի փետրվարին։ Ֆիլմը ընտրվել է Կաննի կինոփառատոնի Հատուկ հայացքում ցուցադրելու համար։ Վոն Բինը անցել է կարմիր գորգի վրայով ֆիլմի համաշխարհային պրեմերիայի ժամանակ 2009 թվականի մայիսի 16-ին Կաննի կինոփառատոնում[9]։

Վոն Բինի նոր «Մարդը անհայտությունից», դարձել է Հարավային Կորեայի հիթը, որի պրեմերան կայացել է 2010 թվականի օգոստոսին։

Ընտանիք․ կինը՝ Լի Նա Են, մեծ եղբայր և երեք մեծ քույր։

Ֆիլմագրություն[խմբագրել | խմբագրել կոդը]

Ֆիլմեր[խմբագրել | խմբագրել կոդը]

  • 2001 - Ռումբեր և շաղակրատում
  • 2004 - 38-րդ զուգահեռ
  • 2004 - Իմ եղբայրը
  • 2009 - Մայր
  • 2010 - Մարդը անհայտությունից

Հեռուստասերիալներ[խմբագրել | խմբագրել կոդը]

  • 1997 - Առաջարկություն
  • 1998 - Ուշադրություն, մարշ!
  • 1999 - Կվանգի
  • 2000 - Փոքրիկ կայարան
  • 2000 - Կկոկջի
  • 2000 - Աշունն իմ սրտում (հայտնի է որպես «Աշնան հեքիաթ»)
  • 2002 - Ընկերներ

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]