Վոլոդյա Մնացականյան
| Վոլոդյա Սերյոժայի Մնացականյան | |
|---|---|
| Ծնվել է | Հոկտեմբեր 26, 1958 |
| Ծննդավայր | Երևան, ՀԽՍՀ, |
| Մահացել է | Մարտ 16, 2015 |
| Մահվան վայր | Երևան |
| Գերեզման | Եռաբլուր պանթեոն |
| Ազգություն | հայ |
Վոլոդյա Մնացականյան (1958, հոկտեմբեր 26 - 2015 մարտի 16), ազատամարտիկ։
Կենսագրություն[խմբագրել | խմբագրել կոդը]
Վոլոդյա Սերյոժայի Մնացականյանը ծնվել է 1958 թվականին Երևանում։ 1989 թվականից անդամագրվել է «Մեծ Հայք» ջոկատին և մասնակցել Վարդենիսի, Գորիսի, Նոյեմբերյանի շրջանների սահմանների պաշտպանական գործողություններին։ 1991 թվականին մասնակցել է Նոյեմբերյանի շրջանի Կոթ գյուղի, Իջևանի` Աչաջուր, Վարդենիսի` Զոդ, Արարատի, Երասխավանի պաշտպանական մարտերին։ 1992 թվականին ընդգրկվել է «Արծիվ մահապարտներ» հատուկ գումարտակի առաջին դասակի կազմում, որպես ականանետորդ։ Մասնակցել է ԼՂՀ Մարտակերտի շրջանի Վանք, Վաղուհաս, Հարությունագոմեր գյուղերի համար մղվող մարտերին։ Սեպտեմբերի 2-ին Հարությունագոմերի մոտ ծանր վիրավորվում է։ 1994 թվականի մարտի 4-ին ընդգրկվում է Էջմիածնի պայմանագրային զորամասի օպերատիվ խմբի կազմի մեջ, մեկնում Աղդամ` Փափրավանդ գյուղ, մասնակցում Մարտակերտի շրջանի Հակոբ Կամարի, Մաղավուզ, Տոնաշեն, Մատաղիս և Թալիշ գյուղերի ազատագրման մարտերին։ Մայիսի 6-ից, զինադադարից հետո մնացել է դիրքերում մինչև օգոստոսի 4-ը, այնուհետև զորացրվել։ Մահացել է 2015 թվականին, Երևանում։ Թաղված է Եռաբլուր պանթեոն։
Պարգևներ[խմբագրել | խմբագրել կոդը]
- «Արիության համար» մեդալ
- «Մայրական երախտագիտության» մեդալ
- «Երկրապահ» հուշամեդալ
- «Արծիվ մահապարտներ» հուշամեդալ
- «Վազգեն Սարգսյան» պատվոգիր, ԵԿՄ-ի կողմից
- «Արծիվ մահապարտների միություն»,«Մարտական ուղի»,2008 թ, նոյեմբեր 7։