Վլադիմիր Ռոմաշկին

Վիքիպեդիայից՝ ազատ հանրագիտարանից
Վլադիմիր Ռոմաշկին
Ծնվել էսեպտեմբերի 6, 1951(1951-09-06)
Ichalki, Իչալկովսկի շրջան, Մորդովական Ինքնավար Խորհրդային Սոցիալիստական Հանրապետություն, ՌԽՖՍՀ, ԽՍՀՄ
Երկիր Ռուսաստան,  Ֆինլանդիա և  Էստոնիա
Մահացել էօգոստոսի 29, 2002(2002-08-29) (50 տարեկան)
Սարանսկ, Ռուսաստան
Ժանրերջազ, փոփ, պարային երաժշտություն և ժամանակակից ժողովրդական երաժշտություն
Մասնագիտություներաժիշտ, երգիչ և օպերատոր-բեմադրիչ
Գործիքներվոկալ
ԿրթությունԿազանի Նազիբ Ժիգանովի անվան պետական կոնսերվատորիա
 Jovlanj Olo Վիքիպահեստում

Վլադիմիր Իվանովիչ Ռոմաշկին (էրզ.՝ Йовлань Оло[1][2], սեպտեմբերի 6, 1951(1951-09-06), Ichalki, Իչալկովսկի շրջան, Մորդովական Ինքնավար Խորհրդային Սոցիալիստական Հանրապետություն, ՌԽՖՍՀ, ԽՍՀՄ - օգոստոսի 29, 2002(2002-08-29), Սարանսկ, Ռուսաստան), 20-րդ դարի մոկշանյան, կարատայի, տերյուխանյան և էրզիական մշակութային գործիչ, բանահավաք, երաժիշտ, կինովավերագրող (փաստավավերագրական կինոնկարներ ստեղծող)։ Ազգությամբ էրզիացի է[2]։

Կենսագրություն[խմբագրել | խմբագրել կոդը]

1975 թվականին Վլադիմիր Ռոմաշկինն ավարտել է Սարանսկի Լ. Կիրյուկովի անվան երաժշտական ուսումնարանի դիրիժորային-երգչախմբային բաժինը (արվեստագիտության թեկնածու Ն. Բոյարկինի դասարան), 1980 թվականին՝ Կազանի կոնսերվատորիայի դիրիժորային-երգչախմբային ֆակուլտետը (մանկավարժ Ա. Բուլդակովի դասարան), իսկ 1986 թվականին՝ Մորդովայի լեզվի, գրականության, պատմության, տնտեսության գիտա-հետազոտական ինստիտուտի ասպիրանտուրան (բանահյուսության և արվեստի բաժին)։ 1980-1989 թվականներին եղել է ՄԼԳՊՏԳՀԻ-ի բանահյուսության և արվեստի բաժնի գիտաշխատող։ 1986 թվականին լույս է ընծայվել նրա «Մորդովա-կարատայան ավանդական երգարվեստի որոշ առանձնահատկությունների մասին» մենագրությունը[3][4], որտեղ նկարագրել է Թաթարական ԻԽՍՀ կարատայան գյուղերի բանահյուսությունը։ Ավելի ուշ Վլադիմիր Ռոմաշկինը հանդես է եկել որպես սցենարիստ և կինեմատոգրաֆիստ, նրա մասնակցությամբ ստեղծվել են «Կարատայ»[5] և «Ակունքներ» վավերագրական ֆիլմերը։ Նկարահանվել է «Ինչի մասին է երգում «Տորաման» երաժշտական հեռուստաֆիլմում։ 1990 թվականից երաժշտական առարկաներ է դասավանդել է Սարանսկի մշակույթի հանրապետական ուսումնարանում։

Վլադիմիր Ռոմաշկինի ամենահայտնի աշխատանքը Տորամա ազգային երաժշտական խմբի ստեղծումն էր[2], որի երգացանկում կային էրզիական, մոկշանյան, կարատայան երգեր։ Խմբի երգացանկն իրար էր միավորում մորդովական երկրամասի տարբեր ազգագրական խմբերի ավանդույթներ։ Խումբը մասամբ ընտանեկան էր. այնտեղ ակտիվ մասնակցություն ունեին Վլադիմիր Ռոմաշկինի տղաները՝ Վիտալին և Անդրեյը։

Կյանքի վերջին տարիները, կապված ռուսական վերակառուցողական շարժման հետ, Վլադիմիր Ռոմաշկինը եղել է «Од Вий» (Նոր ուժ) երիտասարդական շարժման առաջնորդ։

2002 թվականի ամռան սկզբին երաժիշտն իրեն վատ է զգացել և հոսպիտալացվել։ Օգոստոսի 29-ի առավոտյան նա վախճանվել է։

Տորամա խումբը շարունակում է համերգներ տալ և ալբոմներ ձայնագրել։

Վլադիմիր Ռոմաշկինի թանգարան[խմբագրել | խմբագրել կոդը]

Վ. Ռոմաշկինի անվան «Էթնո—Կուդո» տուն-թանգարանը (գ. Պոդլեսնայա Տավլա, Մորդովիա)

2006 թվականի սեպտեմբերի 6-ին (երաժշտի 55-րդ հոբելյանին) Մորդովիայի Կոչկուրովսկի շրջանի Պոդլեսնայա Տավլա գյուղում բացվել է Վ. Ռոմաշկինի անվան «Էթնո-Կուդո» տուն-թանգարանը[6]։ 1989 թվականին դեռևս երիտասարդ, անծանոթ երաժիշտը Պոդլեսնայա Տավլա գյուղում ձեռք էր բերել փոքրիկ տնակ։ Հետագայում արդեն հայտնի բանահավաքը երազում էր դեպի այդ գյուղ էթնո-զբոսաշրջային երթուղու մասին։ Գյուղը հայտնի էր որպես էրզիական ավանդական փայտափորագրական կենտրոն[7]։ Ավանդույթ է դարձել էրզիական և մոկշանյան երգերի ամենամյա բանահյուսական «Տորամաս տերդի»[7] փառատոն անցկացնելը, որը նվիրված է Վլադիմիր Ռոմաշկինի ծննդյան օրվան։

Մրցանակներ[խմբագրել | խմբագրել կոդը]

  • Մորդովիայի Հանրապետության վաստակավոր գործիչ։
  • Սուրբ Մարիամի շքանշանի ասպետ[8]՝ աշխարհում ուգրոֆիննական մշակույթի զարգացման և տարածման մեջ մեծ ներդրումների համար (2001 մարտի 7)։
  • Ա. Ռյաբովի անվան մրցանակի դափնեկիր էրզիերենի պահպանման և զարգացման գործում ներդրումների համար (2002)։

Ծանոթագրություններ[խմբագրել | խմբագրել կոդը]

  1. Мир глухих и слабослышащих Республики Мордовия // Поездка в Подлесную Тавлу… Արխիվացված 2017-08-03 Wayback Machine(ռուս.)
  2. 2,0 2,1 2,2 «Эрзянь Мастор» // Звезда упала — свет её остался. Жизненный и творческий путь Йовлань Оло Արխիվացված 2018-09-10 Wayback Machine(ռուս.),(էրզ.)
  3. Ромашкин В. И. О некоторых особенностях традиционного песенного искусства мордвы-каратаев // Фольклор в творчестве мордовских писателей и композиторов / Тр. МНИИЯЛИЭ. Вып. 86. — Саранск, 1986.(ռուս.)
  4. Merja SALO. Katoava mordvalainen identiteetti — karatait ja Saratovin alueen ersäläiset (ֆին.)
  5. Мордовия музыкальная // Музыкальный фольклор мордвы-каратаев Արխիվացված 2016-06-25 Wayback Machine(ռուս.)
  6. Евдокимова Т. Его «Торама» звучит на весь мир. // Вперед. Атяшевского района. — 14 сентября. — С. 4.
  7. 7,0 7,1 «ЭТНОТУРИЗМ В МОРДОВИИ: ПЯТЬ МЕСТ, КОТОРЫЕ ОБЯЗАТЕЛЬНО СТОИТ ПОСЕТИТЬ ТУРИСТАМ!». Արխիվացված է օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
  8. В Мордовии почтили память Владимира Ромашкина Արխիվացված 2016-05-27 archive.today // Известия Мордовии (ռուս.)

Արտաքին հղումներ[խմբագրել | խմբագրել կոդը]