Վլադիմիր Շահլամով

Վլադիմիր Շահլամով
Ծնվել է	սեպտեմբերի 1, 1923(1923-09-01) (100 տարեկան)
Ծննդավայր	Ստավրոպոլ, ԽՍՀՄ
Քաղաքացիություն	ԽՍՀՄ և  Ռուսաստան
Կրթություն	Մոսկվայի Ի. Սեչենովի անվան առաջին պետական բժշկական համալսարան
Կոչում	պրոֆեսոր
Գիտական աստիճան	բժշկական գիտությունների դոկտոր

Վլադիմիր Արկադիի Շահլամով (սեպտեմբերի 1, 1923(1923-09-01), Ստավրոպոլ, ԽՍՀՄ), հայազգի հյուսվածաբան։ Բժշկական գիտությունների դոկտոր, պրոֆեսոր։ ՌԴ բժշկական գիտությունների ակադեմիայի թղթակից անդամ (1988):

Կենսագրություն

Վլադիմիր Շահլամովը ծնվել է 1923 թվականի սեպտեմբերի 1-ին Ստավրոպոլ քաղաքում։ Ավարտել է Ստավրոպոլի թիվ 1 միջնակարգ դպրոցը և անմիջապես մեկնել ռազմաճակատ։ Պատերազմի ավարտից հետո ընդունվել է Մոսկվայի 1-ին բժշկական ինստիտուտ, որն ավարտել է 1954 թվականին։ 1976-1995 թվականներին եղել է ԽՍՀՄ բժշկական գիտությունների ակադեմիայի Մարդու ձևաբանության գիտահետազոտական ինստիտուտի փոխտնօրեն, 1995 թվականից՝ Բջջի ախտաբանության լաբորատորիայի վարիչ։

Աշխատանքները վերաբերում են ավշային և արյունատար մազանոթների մոլեկուլների կառուցվածքին, հյուսվածաբանությանը և դասակարգմանը։ Իր մշակած մոլեկուլների մանրադիտման եղանակով ուսումնասիրել է մոլեկուլների տեղագրությունը և որոշել բջիջների վնասվածքների յուրահատկությունը։ Անատոմների, հյուսվածաբանների և սաղմնաբանների համամիութենական ընկերության նախագահության, ԽՍՀՄ ԳԱ էլեկտրոնային մանրադիտման գիտական խորհրդի անդամ, Մոսկվայի բջջաբանների գիտական ընկերության նախագահ։

Մրցանակներ

• Վ. Պ. Վորոբյովի անվան մրցանակ (1971)

Երկեր

• Капилляры. М., 1971.
• Ультраструктурные основы патологии клетки / Авцын А.П., Шахламов В.А. М., 1979.
• Очерки по ультраструктурной организации сосудов лимфатической системы (1982).
• Атлас сканирующей электронной микроскопии клеток, тканей, органов (1987).
• Ультраструктура слизистой оболочки десневой борозды при применении гибридных гелиокомпозитов / В. А. Шахламов, Т. Г. Солнышкова, Н. В. Артамонова // Бюллетень экспериментальной биологии и медицины: ежемесячный международный научно-теоретический журнал / РАМН. 2006. Т. 141, № 1.

Գրականություն

• Айриян А.П. Армянские ученые – медики. Ер., 1998.
• Ованесов Б. Т. Армянская община города Ставрополя. Ставрополь. 2005.