Վլադիմիր Մունտյան

Վլադիմիր Մունտյան; ուկրաիներեն՝ Володимир Федорович Мунтян
Ծնվել է	սեպտեմբերի 14, 1946
Ծննդավայր	Կոտովսկ, Օդեսայի մարզ, Ուկրաինական ԽՍՀ, ԽՍՀՄ
Մահացել է	դեկտեմբերի 1, 2025 (79 տարեկան)
Մահվան վայր	Կիև, Ուկրաինա
Գերեզման	Բայկովո գերեզմանատուն
Քաղաքացիություն	ԽՍՀՄ և Ուկրաինա
Կրթություն	Կիևի Տարաս Շևչենկոյի անվան ազգային համալսարանի իրավաբանության ֆակուլտետ
Մասնագիտություն	ֆուտբոլիստ և ֆուտբոլային մարզիչ
Կուսակցություն	ԽՄԿԿ
Պարգևներ և ; մրցանակներ	; և
	Volodymyr Muntyan Վիքիպահեստում

Վլադիմիր Ֆեոդորովիչ Մունտյան (ուկրաիներեն՝ Володимир Федорович Мунтян, սեպտեմբերի 14, 1946(1946-09-14)^[1], Կոտովսկ, Օդեսայի մարզ, Ուկրաինական ԽՍՀ, ԽՍՀՄ - դեկտեմբերի 1, 2025(2025-12-01)^[2], Կիև, Ուկրաինա), խորհրդային և ուկրաինացի ֆուտբոլիստ, կիսապաշտպան, դրիբլինգ, հանդես է եկել ԽՍՀՄ հավաքականի և Կիևի «Դինամոյի» կազմում։ Մունտյանը հետագայում զբաղվել է մարզչական գործունեությամբ և արժանացել Ուկրաինայի վաստակավոր մարզչի կոչման։

Կենսագրություն

Հայր՝ Ֆեոդոր Ստեպանովիչ Մունտյանը (ծնված 1911 թվականին), աշխատել է որպես ամրանագործ ասֆալտաբետոնային գործարանում։ Մայր՝ Մարիա Լեոնտևնա Մունտյանը (ծնված 1921 թվականին), աշխատել է հիվանդանոցում՝ որպես գիշերային դայակ։

Վլադիմիրը 1947 թվականին ծնողների հետ տեղափոխվել է Կիև։ Սովորել է Կիև քաղաքի Զալիզնիչնի շրջանի №149 միջնակարգ դպրոցում։ Դպրոցական տարիքում նրան հրավիրել են «Դինամո» ակումբ, որտեղ անցկացրել է իր ողջ կարիերան։ Այդ ժամանակների մասնագետների կարծիքով՝ համարվել է եվրոպական ֆուտբոլի լավագույն կիսապաշտպաններից մեկը։ 1969 թվականին ճանաչվել է ԽՍՀՄ լավագույն ֆուտբոլիստ («Ֆուտբոլ-Հոկեյ» շաբաթաթերթի վարկածով)։

Խաղացող եղած ժամանակ ավարտել է Մարմնամարզության ինստիտուտը և Կիևի պետական համալսարանի իրավաբանական ֆակուլտետը, ապա նաև՝ միջազգային հարաբերությունների ֆակուլտետի ասպիրանտուրան։

1978 թվականին ավտոմեքենա վարելիս ավտովթարի է ենթարկվել, ինչի հետևանքով նրա ուղևորուհին մահացել է։ Ինքը՝ Մունտյանը, երկու ողերի կոտրվածքով և այլ վնասվածքներով երկար ժամանակ բուժվել էհիվանդանոցում։ Նրա դեմ հարուցված քրեական գործի արդյունքում նա զրկվել է ՆԳՆ կապիտանի կոչումից և ժամանակավորապես հեռացվել Խորհրդային Միության կոմունիստական կուսակցությունից։ Վեց ամիս անց գործը փակվել է հանցագործության բացակայության պատճառով, և նա վերականգնվել է Խորհրդային Միության կոմունիստական կուսակցության շարքերում։

1980 թվականին նա դարձել է Կիևի «ԲՄԱ»֊ի խաղացող-մարզիչ, միաժամանակ աշխատելով Կիևի Բարձրագույն տանկային ինժեներական ռազմական դպրոցում՝ արտասահմանյան մասնագետների պատրաստման ֆակուլտետի ֆիզիկական պատրաստության բաժնում։ Այնուհետև Մունտյանը դարձել է Կիևի քաղաքային ֆուտբոլի ֆեդերացիայի նախագահ և Ուկրաինայի ֆուտբոլի ֆեդերացիայի նախագահության անդամ։

1986-1988 թվականներին նա աշխատել է Մադագասկարում՝ մարզելով «ԿՕՍՖԱԿ» ակումբը (Անտանանարիվու), որը նրա ղեկավարությամբ 1988 թվականին դարձել է երկրի չեմպիոն։

1992-1994 թվականներին նա եղել է Ուկրաինայի երիտասարդական հավաքականի գլխավոր մարզիչը։ 1994 թվականին Նիկոլայ Պավլովի հետ ժամանակավոր կատարել է Ուկրաինայի ազգային հավաքականի գլխավոր մարզչի պարտականությունները։ 1995֊1997 թվականներին մարզել է Գվինեայի հավաքականը՝ 1998 թվականին դուրս բերելով Աֆրիկայի գավաթի եզրափակիչ փուլ։ 1998-2005 թվականներին մարզել է Ուկրաինայի տարբեր ակումբներ, ինչպես նաև Ռուսաստանի «Ալանիա» ակումբը։ 2008 թվականին կրկին ժամանակավոր ղեկավարել է Ուկրաինայի երիտասարդական հավաքականը։

1968֊1976 թվականներին ԽՍՀՄ ֆուտբոլի ազգային հավաքականի կազմում անցկացրել է 49 հանդիպում, խփել 7 գոլ։ Մասնակցել է 1970 թվականի աշխարհի առաջնությանը։

2007 թվականի ապրիլից եղել է Ուկրաինայի ֆուտբոլի վետերանների ասոցիացիայի նախագահը^[3]։

Վլադիմիր Մունտյանը մահացել է 2025 թվականի դեկտեմբերի 1-ին՝ երկարատև հիվանդությունից հետո^[4]^[5]։

«Դինամո» ակումբում հանդես գալու վիճակագրություն

Մրցաշրջան	Առաջնություն		Գավաթ		Եվրոգավաթ		Ընդհանուր
Մրցաշրջան	Խաղ	Գոլ	Խաղ	Գոլ	Խաղ	Գոլ	Խաղ	Գոլ
ԽՍՀՄ ֆուտբոլի առաջնություն 1965	3	0	4	0	-	-	7	0
ԽՍՀՄ ֆուտբոլի առաջնություն 1966	26	8	2	0	-	-	28	8
ԽՍՀՄ ֆուտբոլի առաջնություն 1967	19	4	1	0	-	-	20	4
ԽՍՀՄ ֆուտբոլի առաջնություն 1968	36	5	-	-	-	-	36	5
ԽՍՀՄ ֆուտբոլի առաջնություն 1969	27	6	3	2	4	2	34	10
ԽՍՀՄ ֆուտբոլի առաջնություն 1970	25	3	2	0	-	-	27	3
ԽՍՀՄ ֆուտբոլի առաջնություն 1971	18	6	2	0	-	-	20	6
ԽՍՀՄ ֆուտբոլի առաջնություն 1972	30	9	3	1	6	1	39	11
ԽՍՀՄ ֆուտբոլի առաջնություն 1973	28	6	9	2	5	0	42	8
ԽՍՀՄ ֆուտբոլի առաջնություն 1974	22	2	4	2	8	2	34	6
ԽՍՀՄ ֆուտբոլի առաջնություն 1975	29	2	-	-	4	0	33	2
ԽՍՀՄ ֆուտբոլի առաջնություն 1976 (գարուն)	13	1	-	-	8	1	21	2
ԽՍՀՄ ֆուտբոլի առաջնություն 1977	16	2	3	0	-	-	19	2
Ընդհանուր	302	57	34	7	35	6	371	70

Ձեռքբերումներ

Թիմային

Դինամո (Կիև)

ԽՍՀՄ չեմպիոն (7)՝ 1966, 1967, 1968, 1971, 1974, 1975, 1977
ԽՍՀՄ գավաթակիր (2)՝ 1966, 1974
ՈւԵՖԱ-ի Գավաթակիրների գավաթի հաղթող՝1975
ՈՒԵՖԱ Սուպեր գավաթի հաղթող՝ 1975

՝ Անհատական

Ուկրաինայի տարվա ֆուտբոլիստ՝ 1970
ԽՍՀՄ լավագույն ֆուտբոլիստ («Ֆուտբոլ֊Հոկեյ» շաբաթաթերթի)՝ 1969
ԽՍՀՄ առաջնության 33 լավագույն ֆուտբոլիստների ցուցակում (7 անգամ) №1֊1967, 1968, 1969, 1970, 1972, 1973, 1975)
Ուկրաինայի ԽՍՀ լավագույն ֆուտբոլիստների ցուցակում (13 անգամ)՝№1֊1968֊1975, №2֊1966, 1967, 1976, 1977, №3֊1965
«Լավագույն նորեկներ» մրցանակակիրներից մեկը՝ 1965
ԽՍՀՄ սպորտի վաստակավոր մարզիչ՝ 1975
ԽՍՀՄ միջազգային կարգի սպորտի վարպետ՝ 1973
Ուկրաինայի վաստակավոր մարզիչ

Պետական պարգևներ

«Արժանիքների համար» շքանշանի ամբողջական ասպետ՝
I աստիճան (2015),
II աստիճան (2007),
III աստիճան (2004)
Յարոսլավ Իմաստուն իշխանի շքանշան, V աստիճան (2020)

Ծանոթագրություններ

1 2 Transfermarkt.com(բազմ․) — 2000.
1 2 Помер Володимир Мунтян. Наші співчуття — FC Dynamo Kyiv.
↑ «СЭ: Михайличенко представил свой тренерский штаб». Արխիվացված օրիգինալից 2008-05-08-ին. Վերցված է 2008-03-09-ին.
↑ Technologies, Peyotto. «Մահացել է ԽՍՀՄ հավաքականի նախկին ֆուտբոլիստ Վլադիմիր Մունտյանը». Վերցված է 2025-12-02-ին.
↑ «Помер Володимир Мунтян. Наші співчуття». ФК «Динамо» Київ (ուկրաիներեն). Վերցված է 2025-12-01-ին.

Արտաքին հղումներ

Վիքիպահեստն ունի նյութեր, որոնք վերաբերում են «Վլադիմիր Մունտյան» հոդվածին։

[_10f93e2893e8f901-1] 1 2 Transfermarkt.com(բազմ․) — 2000.

[_e3abdd2d422e130a-2] 1 2 Помер Володимир Мунтян. Наші співчуття — FC Dynamo Kyiv.

[3] «СЭ: Михайличенко представил свой тренерский штаб». Արխիվացված օրիգինալից 2008-05-08-ին. Վերցված է 2008-03-09-ին.

[4] Technologies, Peyotto. «Մահացել է ԽՍՀՄ հավաքականի նախկին ֆուտբոլիստ Վլադիմիր Մունտյանը». Վերցված է 2025-12-02-ին.

[5] «Помер Володимир Мунтян. Наші співчуття». ФК «Динамо» Київ (ուկրաիներեն). Վերցված է 2025-12-01-ին.

[1]

[2]

[3]

[4]

[5]