Վլադիմիր Հունանյան

Վիքիպեդիայում կան հոդվածներ Հունանյան ազգանունով այլ մարդկանց մասին։

Վլադիմիր Հունանյան
Ծնվել է	ապրիլի 6, 1924(1924-04-06)
Ծննդավայր	Նորատուս, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ
Մահացել է	դեկտեմբերի 18, 1992(1992-12-18) (68 տարեկան)
Մահվան վայր	Երևան, Հայաստան
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	հոգեբույժ և հեղինակ

Վլադիմիր Հարությունի Հունանյան (ապրիլի 6, 1924(1924-04-06), Նորատուս, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ - դեկտեմբերի 18, 1992(1992-12-18), Երևան, Հայաստան), հայ բժիշկ, հոգեբույժ, թմրաբույժ։

Կենսագրություն

Վլադիմիր Հունանյանը ծնվել է 1924 թվականին Նոր Բայազետի շրջանի Նորատուս գյուղում։ 1942 թվականին ավարտել է Երևանի թիվ 6 դպրոցը։ 1943-1945 թվականներին ծառայել է Խորհրդային բանակում, մասնակցել Հայրենական մեծ պատերազմին։ 1948-1953 թվականներին աշխատել է Երևանի թիվ 1 մանկական կլինիկական հիվանդանոցում` որպես ռենտգեն-տեխնիկ։ 1953-1959 թվականներին սովորել է Երևանի բժշկական ինստիտուտի բուժական կանխարգելողական ֆակուլտետում։ 1959-1965 թվականներին աշխատել է Սևանի հանրապետական հոգեբուժական հիվանդանոցում` որպես բաժանմունքի վարիչ և օրդինատոր, 1965-1976 թվականներին` Երևանի հանրապետական հոգեբուժական հիվանդանոցում` որպես օրդինատոր, բաժանմունքի վարիչ, 1967-1968 թվականներին` միաժամանակ ռենտգենաբան, 1974-1975 թվականներին` ցերեկային ստացիոնար բաժանմունքի վարիչ, 1973 թվականից` Գեղամավանի հանրապետական հոգեբուժական հիվանդանոցում, 1976-1989 թվականներին` Երևանի հանրապետական թմրաբուժական դիսպանսերի թմրաբույժ։

Հեղինակ է թմրաբուժական թեմաներով գիտահանրամատչելի հոդվածների և գրքույկների, ինչպես նաև գեղարվեստական պատմվածքների, պիեսների, կինոսցենարների։

Մահացել է 1992 թվականի դեկտեմբերի 18-ին Երևանում։

Երկեր

• Հոգատար ընտանիքում, Երևան։ Հայաստան, 1971։
• Գինեմոլության հետևանքները, Երևան, 1973։
• Հարևանները, Երևան։ Հայաստան, 1974։
• Ալկոհոլի հետևանքները, Երևան։ Հայաստան, 1980։
• «Գնված» հիվանդություններ, Երևան։ Հայաստան, 1985։

Աղբյուրներ

• Հարություն Մինասյան, 100 հայ հոգեբույժներ, Գիրք Ա, Երևան, 2002։