Վլադիմիր Կովալյով

Վիքիպեդիայից՝ ազատ հանրագիտարանից
Jump to navigation Jump to search
Վլադիմիր Կովալյով
Bundesarchiv Bild 183-H1115-0015-001, Jahn Hoffmann, Günter Zöller, Wladimir Kowalew (cropped) - Vladimir Kovalev.jpg
Անձնական տեղեկություն
Սեռ`արական
Բնօրինակ անուն`ռուս.՝ Владимир Николаевич Ковалёв
Մասնագիտացում`գեղասահորդ և գեղասահքի մարզիչ
Երկիր`Flag of the Soviet Union.svg ԽՍՀՄ
Ծննդյան ամսաթիվ`փետրվարի 2, 1953(1953-02-02) (68 տարեկան)
Ծննդավայր`Մոսկվա, ԽՍՀՄ

Վլադիմիր Կովալյով (ռուս.՝ Владимир Николаевич Ковалёв, փետրվարի 2, 1953(1953-02-02), Մոսկվա, ԽՍՀՄ). խորհրդային գեղասահորդ, երկու անգամ աշխարհի չեմպիոն (1977 և 1979), 1975 թ. Եվրոպայի չեմպիոն, 1976 թ. Օլիմպիական խաղերի արծաթե մեդալակիր, մարզիչ:

Կենսագրություն[խմբագրել | խմբագրել կոդը]

Ծնվել է աշխատավորի ընտանիքում, հայրը եղել է կռունկավար: Սահել սկսել է Պատանի պիոներների ստադիոնում: Մարզվել է Տ. Ա. Տոլմաչովայի ղեկավարությամբ: Առաջին հաջողությունները 1970 թվականին էին. «Московские коньки» մրցաշարում նա երկրորդն էր և ԽՍՀՄ առաջնությունում՝ հինգերորդը: Գրովելով երկրորդ հորիզոնականը «Московские коньки» մրցաշարում՝ 1971 թվականի դեկտեմբերին ընդգրկվում է հավաքականի կազմ: 1972 թվականին Աշխարհի գավաթի առաջնությունում անսպասելիորեն զբաղեցնում է երրորդ հորիզոնականը`հաջող կատարելով պարտադիր ֆիգուրները և ազատ ծրագիրը, հիացնելով կանադացի հանդիսատեսին:

1972 թվականի ապրիլին Մինսկում հաղթեց ԽՍՀՄ առաջնությունը: Սակայն Կովալյովը խախտում է սպորտային ռեժիմը և հեռացվեց 1972/73 մրցաշրջանի մրցույթներից: 1973 թվականին տեղափոխվում է մարզվելու սկսնակ մարզիչ Սերգեյ Չետվերուխինի ղեկավարությամբ, ով կտրուկ փոխեց իր մարզումների և սահքի ոճը, սակայն դա հաջողություն չբերեց: Հաջորդ մրցաշրջանում վերադարձավ մարզվելու Տ. Ա. Տոլմաչովայի ղեկավարությամբ: Մարզվելուն սկսեց օգնել Ե. Ա. Չայկովսկայան: Այս մարզչական տանդեմը հաջողություն բերեց մարզիկին. 1975 թվականի հունվարին Կովալյովը դարձավ սովետական առաջին Եվրոպայի չեմպիոնը տղամարդկանց մենասահքում:

1977 թվականից մարզիչ Ե. Ա. Չայկովսկայան Կովալյովին հնարավորություն տվեց երկու անգամ հաղթելու Աշխարհի առաջնությունում (1977 և 1979), 1979 թվականին կարճ ծրագրում միակն էր լիդերներից, ով կատարեց կրկնակի ֆլիպի կասկադ/եռակի տուլուպ: 1980 թվականի Օլիմպիական խաղերում, ֆիգուրներում գրավելով 5-րդ հորիզոնականը, հիվանդության պատճառով դուրս եկավ մրցակցությունից (ամերիկացիները մամուլի ասուլիսում առաջ են քաշել սկանդալի տարբերակ):

Կովալյովը շատ հաջող հանդես էր գալիս պարտադիր ֆիգուրներում, իսկ ազատ ծրագրերում քիչ ավելի թույլ (նրա հաղթած Աշխարհի երկու առաջնություններում նա ցուցադրականում 3-րդ և 4-րդ տեղերում էր): Տիրապետում էր երեք տարբեր եռակի թռիչքների (տուլուպ, սալխ, ռիտտբերգեր): Չայկովսկայան միշտ փորձել է ստեղծել պայծառ, հետաքրքիր ծրագրեր, հագուստներ:

1980 թվականին կարիերան ավարտելուց հետո սկսում է զբաղվել մարզչական գործունեությամբ՝ չդադարեցնելով համագործակցությունը Չայկովսկայայի հետ: Ամենահայտնին Կիրա Իվանովայի հետ աշխատանքն է, ում հետ էլ որոշ ժամանակով եղել է ամուսնացած: Կարճ ժամանակ մարզել է Մարիա Բուտիրսկայային:

1990-ականներին նա հեռացել է Ռուսաստանից և աշխատել որպես մարզիչ Հունաստանում: Նա ապրել և աշխատել է որպես մարզիչ Լոս Անջելեսում (ԱՄՆ): 28 տարվա արտագաղթից հետո վերադարձել է և ապրում է Ռուսաստանում իր երկրորդ ամերիկացի կնոջ հետ:

ԽՍՀՄ սպորտի վաստակավոր վարպետ (1975): Եղել է ՍՄԿԿ անդամ[1][2].

Սպորտային ձեռքբերումներ[խմբագրել | խմբագրել կոդը]

Մրցաշրջան/տարի 1972 1973 1974 1975 1976 1977 1978 1979 1980
Ձմեռային օլիմպիական խաղեր 8 - - - 2 - - - WDR
Գեղասահքի Աշխարհի առաջնություն 3 - 4 2 2 1 4 1 -
Գեղասահքի Եվրոպայի առաջնություն 6 - 4 1 2 2 2 2 3

Ծանոթագրություններ[խմբագրել | խմբագրել կոդը]

  1. Глава 13. Круг силы // Конёк Чайковской. Обратная сторона медалей / Чайковская Е. А.. — М.: Э, 2017. — 352 с. — ISBN 978-5-699-99494-6
  2. Рауш В. Её конёк // Итоги : журнал. — 2013. — № 44 (908).