Jump to content

Վլադիմիր Եգորով

Վիքիպեդիայից՝ ազատ հանրագիտարանից
Վլադիմիր Եգորով
նոյեմբերի 26, 1938(1938-11-26) - հունիսի 8, 2022(2022-06-08) (83 տարեկան)
ԾննդավայրՄոսկվա, ԽՍՀՄ
Մահվան վայրԿալինինգրադ, Ռուսաստան
Քաղաքացիություն Ռուսաստան և  ԽՍՀՄ
ԶորատեսակՌազմածովային նավատորմ և ՌԴ ռազմածովային ուժերի նավատորմ
Կոչումծովակալ
Հրամանատարն էրRussian Baltic Fleet?
Պարգևներ

Վլադիմիր Գրիգորևիչ Եգորով ( ռուս. ՝ Влади́мир Григо́рьевич Его́ров.նոյեմբերի 26, 1938(1938-11-26), Մոսկվա, ԽՍՀՄ - հունիսի 8, 2022(2022-06-08), Կալինինգրադ, Ռուսաստան[1] ), ռուս ռազմական և քաղաքական գործիչ, Բալթյան նավատորմի հրամանատար (1991—2000), Կալինիգրադի մարզի նահանգապետ (2000—2005)։ Ծովակալ (1991 թ. հոկտեմբերի 24)[2]:

Կենսագրություն

[խմբագրել | խմբագրել կոդը]

Ծնվել է 1938 թվականի նոյեմբերի 26-ին Մոսկվայում[3] բանվորի ընտանիքում։ 1942 թվականի Մոսկվայի ճակատամարտի ժամանակ ընտանիքի հետ արտահանվել է Տամբովի մարզի Ալեքսանդրովկա գյուղը, որտեղ ապրել է մինչև 1955 թվականը[4]: 1955 թվականին միջնակարգ դպրոցն ավարտելուց հետո Լենինգրադի գործարաններից մեկում աշխատել է որպես խառատ։ 1962 թվականին ոսկե մեդալով ավարտել է Լենինգրադի Մ. Վ. Ֆրունզեի անվան ռազմածովային ակադեմիան։

Զինվորական ծառայությունն սկսել է Հյուսիսային նավատորմում, 1964 թվականից ծառայության անցել Բալթյան նավատորմում: Ղեկավարել է կառավարվող հրթիռներով « Օբրազցով » ականակրի ականա-տորպեդային մասը, իսկ 1967 թվականից դարձել է դրա հրամանատարի առաջին տեղակալը։ 1971 թվականին նա ավարտել է բարձրագույն սպայական դասընթացները, այնուհետև ծառայել է որպես « Բդիտելնի » ռազմանավի հրամանատարի առաջին տեղակալ, որից հետո նշանակվել է «Օբրազցով»-ի հրամանատար։

1974–1976 թվականներին եղել է ականակրային բրիգադի շտաբի պետ-հրամանատարի տեղակալ։ 1976-1983 թվականներին ղեկավարել է հրթիռային նավերի բրիգադը, իսկ 1983-1985 թվականներին՝ հրթիռային նավերի բրիգադը։ 1984 թվականին գերազանցությամբ ավարտել է ռազմածովային ակադեմիան ։

1985–1986 թվականներին ծառայել է որպես Բալթյան ռազմածովային բազայի հրամանատար։ Այնուհետև նա երկու տարի ղեկավարել է Սևծովյան նավատորմի միջերկրածովյան տորմիղը: 1988-1991 թվականներին պաշտոնավարել է որպես Բալթյան նավատորմի հրամանատարի առաջին տեղակալ։

1990 թվականին գերազանցությամբ ավարտել է Ռուսաստանի Դաշնության զինված ուժերի գլխավոր շտաբի ակադեմիան և 1991 թվականին նշանակվել է Բալթյան նավատորմի հրամանատար[5]։ Ունի ծովակալի կոչում։ 1991 թվականի օգոստոսին պաշտպանել է ГКЧП-ի գործողությունները[6]:

Եգորովը ղեկավարել է Հայրենական մեծ պատերազմում հաղթանակի 50-րդ և 55-ամյակի կապակցությամբ. և Ռուսաստանի ռազմածովային ուժերի 300-ամյակի կապակցությամբ կազմակերպված զորահանդեսներ:

2000 թվականի նոյեմբերի 19-ին ընտրվել է Կալինինգրադի մարզի նահանգապետ (ընտրություններում ստացել է ձայների գրեթե 60%-ը)՝ ի թիվս այլոց, հաղթելով. գործող նախագահ Լեոնիդ Գորբենկոյին: Եգորովի թեկնածությունը պաշտպանել է Վլադիմիր Պուտինը։

2005 թվականի սեպտեմբերի 28-ին նա իր դիմումի համաձայն ժամկետից շուտ ազատվել է նահանգապետի պաշտոնից ։ 2009 թվականի մայիսի 7-ին Կալինինգրադգի մոտ տեղի ունեցած ավտովթարի հետևանքով վիրավորվել է և բուժման նպատակով մեկնել է Մոսկվա ։

2010 թվականի նոյեմբերի 26-ին նշանակվել է Կալինինգրադի նահանգապետ Ն. Ցուգանովի խորհրդական և մինչև իր կյանքի վերջին օրերը աշխատել է նահանգապետարանում: 2011 թվականի նոյեմբերի 30-ին ընտրվել է Կալինինգրադի պատվավոր քաղաքացիների խորհրդի նախագահ ։

2012 թվականի հունվարին եղել է Վլադիմիր Պուտինի ընտրական հանձնաժողովի անդամ։

Երկեր

[խմբագրել | խմբագրել կոդը]
  • Егоров В. Г. Вахту сдал исправно [историко-биографическое издание в 2 книгах]. — Калининград: ИП Мишуткина И. В., 2008—2009. — ISBN 978-5-98787-061-7.

Պարգևներ և պատվավոր կոչումներ

[խմբագրել | խմբագրել կոդը]
  • Պարգևատրվել է հետևյալ շքանշաններով.
    • «Հայրենիքին մատուցած ծառայությունների համար» 3-րդ աստիճանի շքանշան (1999)[7],
    • «Մարտական վաստակի համար» շքանշան
    • «ԽՍՀՄ զինված ուժերում հայրենիքին մատուցած ծառայությունների համար» 2-րդ (1982) և 3-րդ աստիճանի (1978) շքանշաններ
    • «Մարտական պատրաստության» 1-ին աստիճանի շքանշան (Սիրիա)
    • 23 մեդալներ, այդ թվում՝ «Մարտական վաստակի համար» / «За боевые заслуги» մեդալ (14 մայիսի 1970 թ.)
    • պատվավոր զենք
  • Ռուսաստանի Դաշնության պետական մրցանակ գիտության և տեխնիկայի բնագավառում
  • Ռազմական գիտությունների թեկնածու
  • Ռուսաստանի ռազմա-պատմական գիտությունների ակադեմիայի իսկական անդամ
  • Շվեդական արքայական ռազմածովային ընկերության պատվավոր անդամ
  • Սանկտ Պետերբուրգի ծովային հավաքի պավավոր անդամ
  • Ռազմական կցորդների ընկերակցության պատվավոր անդամ
  • Կալինինգրադի մարզի պատվավոր քաղաքացի
  • Կալինինգրադի պատվավոր քաղաքացի (1 հուլիսի 1998 թ.)[8].
  • Բալթյան նավատորմի պատվավոր հրամանատար

Ծանոթագրություններ

[խմբագրել | խմբագրել կոդը]
  1. ↑ Скончался Владимир Григорьевич Егоров — бывший командующий Балтфлотом, третий губернатор Калининградской области, почётный гражданин Калининграда и области (ru)
  2. ↑ Официальный отдел. Из указов Президента СССР. // Морской сборник. — 1991. — № 11. — С.17.
  3. ↑ «Vladimir Yegorov». fas.org., undated (accessed 2 February 2007)
  4. ↑ Александр Рябушев, специальный корреспондент «НГ», Калининград. Владимир Егоров: «Калининград был, есть и будет российским». Արխիվացված 2021-08-31 Wayback Machine Официальный сайт «Независимой газеты» // ng.ru (20 марта 2001 года). Дата обращения: 31 августа 2021.
  5. ↑ Официальный отдел. Назначения. // Морской сборник. — 1991. — № 10. — С.9.
  6. ↑ КАШИН (2024 թ․ փետրվարի 11). «А еще у Игоря Рудникова (калининградский диссидент-журналист, в девяностые - оппозиционный военкор) прочитал интересный мемуар». Telegram (ռուսերեն). Արխիվացված օրիգինալից 2024 թ․ փետրվարի 15-ին. Վերցված է 2024 թ․ փետրվարի 15-ին.
  7. ↑ Официальный отдел. Вести с флотов. // Морской сборник. — 1999. — № 3. — С.28.
  8. ↑ Официальный отдел. Вести с флотов. // Морской сборник. — 1998. — № 7. — С.24.

Մատենագրություն

[խմբագրել | խմբագրել կոդը]

Գրականություն

[խմբագրել | խմբագրել կոդը]
  • Владимир Егоров. Адмирал. Губернатор. Человек: сборник очерков. — Калининград: АК АЛФИ, 2018. — 271 с. — ISBN 978-5-9907460-5-3.
  • Остапенко В., Куроедов Ю. Жизнь посвятил Отечеству и Флоту (памяти адмирала Егорова Владимира Григорьевича). // Морской сборник. — 2022. — № 8. — С.32—35.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Վլադիմիր Եգորով» հոդվածին։
Ստացված է «https://hy.wikipedia.org/w/index.php?title=Վլադիմիր_Եգորով&oldid=10425860» էջից