Վլադիմիր Գաբուլով

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Վլադիմիր Գաբուլով
Dinamo-Terek (3).jpg
Վլադիմիր Գաբուլովը «Զենիթի» կազմում, Ռուսաստանի առաջնության խաղերից մեկի ժամանակ
Անձնական տվյալներ
Ամբողջական անուն Վլադիմի Բորիսովիչ Գաբուլով
Ազգությունը Ռուսաստան Ռուսաստան
Քաղաքացիությունը Ռուսաստան Ռուսաստան
Ծննդյան ամսաթիվ հոկտեմբերի 17, 1983(1983-10-17) (36 տարեկան) կամ հոկտեմբերի 19, 1983(1983-10-19)[1] (36 տարեկան)
Ծննդավայր Վլադիկավկազ, ՌԽՖՍՀ, ԽՍՀՄ
Հասակ 190 սմ
Քաշ 83 կգ
Դիրք դարպասապահ
Ակումբային տեղեկություններ
Ներկա ակումբ Ռուսաստան Արսենալ
Համար 25
Պատանեկան կարիերա
Ռուսաստան ՄՊՍԴ-1 (Մոզդոկ)[2]
Մասնագիտական կարիերա*
Տարի Ակումբ Խաղ (Գոլ)
1999֊2000 Ռուսաստան Մոզդոկ 33 (-54)
2001 Ռուսաստան Դինամո (Մոսկվա) 11 (-14)
2001֊2003 Ռուսաստան Ալանիյա 43 (-63)
2004֊2006 Ռուսաստան ԲԿՄԱ (Մոսկվա) 3 (-2)
2007֊2008 Ռուսաստան Կուբան 29 (-36)
2008 → Ռուսաստան Ամկար 10 (-6)
2008֊2011 Ռուսաստան Դինամո (Մոսկվա) 56 (-56)
2011֊2013 Ռուսաստան Անժի 43 (-45)
2011 → Ռուսաստան ԲԿՄԱ (Մոսկվա) 7 (-7)
2013֊2016 Ռուսաստան Դինամո (Մոսկվա) 65 (-91)
2017֊մ.հ. Ռուսաստան Արսենալ 0 (0)
Ազգային հավաքական‡
2003֊2005 Ռուսաստան Ռուսաստան (մինչև 21) 19 (-15)
2007֊2013 Ռուսաստան Ռուսաստան 10 (-6)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 2017 թվականի հունվարի 13֊ի:

‡ Ազգային հավաքականի խաղերն ու գոլերը ըստ 2014 թվականի հունիսի 24֊ի

Վլադիմիր Բորիսովիչ Գաբուլով (օսերեն՝ Гæбулты Борисы фырт Владимир, հոկտեմբերի 19, 1983 թվական, Մոզդոկ, ԽՍՀՄ), ռուս ֆուտբոլիստ, Տուլայի «Արսենալի» դարպասապահ: Համարվում է Ռուսաստանի սպորտի վաստակավոր վարպետ (2008)[3]: 2005 թվականի ՈՒԵՖԱ գավաթի դափնեկիր, Ռուսաստանի երկակի չեմպիոն, 2006 թվականի Ռուսաստանի գավաթի դափնեկիր, 2008 թվականի Եվրոպայի առաջնության բրոնզե մեդալակիր:

Կարիերա[խմբագրել | խմբագրել կոդը]

Ակումբային[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Վլադիմիր Գաբուլովը ծնվել է 1983 թվականի հոկտեմբերի 19-ին օսիական Մոզդոկ քաղաքում: Մանուկ հասակից սկսած հոր հետ հաճախ գնացել է ֆուտբոլային մրցաշարեր դիտելու, իսկ հեռուստատեսությամբ բաց չի թողել որևէ եթեր կապված սպորտի այս տեսակի հետ[4]: Դարպասները պաշտպանելու որոշումը Գաբուլովը կայացրել է դեռևս վաղ տարիքում: Մի անգամ նա մեծ եղբոր հետ դրսում մշակում էին իրենց հարվածները. Գեորգին՝ մեծ եղբայրը, հարվածներ էր կատարում, իսկ Վլադիմիրը պաշտպանում էր ֆուտբոլային դարպասները: Ավագ Գաբուլովի խոսքերով, Վլադիմիրի դարպասին կանգնելու պատճառներից մեկը՝ գնդակի ետևից վազելուց խուսափելն էր[5]:

Վլադիմիրը ֆուտբոլով զբաղվելու նպատակով, վաղ դպրոցական տարիքում ընդունվում է Մոզդոկի համար 1 ՄՊՍԴ[6]: Ապագա ֆուտբոլիստի առաջին մարզիչն է դառնում Սերգեյ Գեորգևիչ Ջանաևը: 16 տարեկան հասակում Գաբուլովը հրավեր է ստանում Ռուսաստանի առաջնության երկրորդ դիվիզիոնում հանդես եկող «Մոզդոկ» ֆուտբոլային ակումբից, որը անմիջապես ընդունվում է: Իր առաջին թիմի կազմում Վլադիմիրը անցկացնում է երկու մրցաշրջան, որոնց ընթացքում մասնակցում է 33 հանդիպումների և բաց է թողնում է 54 գնդակ[7]:

Տաղանդավոր դարպասապահի հաջողությունները աննկատ չեն մնում. 2001 թվականին մոսկովյան «Դինամոյի» գլխավոր մարզիչը համարվող Վալերի Գազաևը հրավիրում է նրան իր թիմ[8]: Վլադիմիրը նշում է իր նորամուտը նոր թիմի կազմում 2001 թվականի մարտի 11-ին սամարայական «Կռիլյա Սովետովի» դեմ կայացած խաղում: Խաղն ավարտվում է «Դինամոյի» 0-1 հաշվով պարտությամբ[9]: Մոսկովյան ակումբի կազմում այդ մրցաշրջանի ընդհանուր վիճակագրությամբ Վլադիմիրը մասնակցում է 11 հանդիպման և ստիպված է լինում հանել գնդակը դարպասային ցանցից 14 անգամ:

Շուտով Վալերի Գազաևը լքում է «Դինամոն» և նրան է հետևում նաև Գաբուլովը. հեռանկարային դարպասապահը պայմանագիր է կնքում վլադիկավկազյան «Ալանիյայի» հետ: Նոր թիմի կազմում նրանից շատ քիչ ժամանակ է պահանջվում հիմնական կազմի դարպասապահը դառնալու համար: 2003 թվականի օգոստոսի 31-ին, Ռուսաստանի առաջնության 23-րդ տուրում կայացած «Չերնոմորեցի» դեմ խաղում՝ Վլադիմիրը առաջացած վիճաբանության արդյունքում հարվածում է նովորոսիյսկյան ակումբի ֆուտբոլիստներից երկուսին: Միջադեպից հետո Ռուսաստանի առաջնության խորհուրդը որոշում է որակազրկել դարպասապահին 10 խաղյա ժամկետով[10][11]:

2001 թվականից 2003 թվականը Գաբուլովը հյուսիսօսիական ակումբի կազմում (Ռուսաստանի առաջնությունում) մասնակցում է 43 հանդիպման և բաց է թողնում 63 գնդակ[7]:

«ԲԿՄԱ»[խմբագրել | խմբագրել կոդը]

2003 թվականի մրցաշրջանի ավարտից հետո Վլադիմիր Գաբուլովը կրկին հրավեր է ստանում Վալերի Գազաևից, ով արդեն մարզում էր «բանակայիններին»: Ակումբի կազմում տիրող բարձր մրցակցության պատճառով Վլադիմիրը բավարարվում է երկրորդ թիմում հանդես գալով. պատանի Իգոր Ակինֆևը պնդորեն զբաղեցրել էր իր տեղը թիմի հիմնական կազմում՝ մրցակցության շարքից անգամ դուրս մղելով փորձառու Վենիամին Մանդրիկինին, ով ինչպես ընդունված էր դուրս է գալիս խաղադաշտ միայն խիստ անհրաժեշտության դեպքում[6]: Նոր թիմի կազմում անցկացրած իր առաջին երկու տարիների ընթացքում Վլադիմիրը ոչ մի անգամ դուրս չի գալիս խաղադաշտ թիմի հիմնական կազմի հետ: Միայն 2006 թվականին նա մասնակցություն է ունենում երեք պաշտոնական խաղերի (ընդ որում 2-ին փոխարինում կատարելով)[12]:

Գաբուլովը իր նորամուտը «ԲԿՄԱ»-ի կազմում նշում է 2006 թվականի ապրիլի 1-ին, Ռուսաստանի առաջնության 3-րդ տուրի շրջանակներում կայացած մոսկովյան «Սպարտակի» դեմ խաղում[13]: 61-րդ րոպեին, երբ «ԲԿՄԱ»-ն հաղթում էր 1-0 հաշվով, թիմի հիմնական դարպասապահ Իգոր Ակինֆեևի մոտ տուգանային հրապարակի մատույցներից դուրս ձեռքով խաղ է նկատվում, ինչի արդյունքում նա կարմիր քարտ ստանալով լքում է խաղադաշտը: Նշանակվել էր վտանգավոր տուգանային հարված, որը պետք է «անվտանգ» դարձներ հենց Գաբուլովը: «Սպարտակի» կիսապաշտպան Մոցարտի հարվածը Վլադիմիրը կարողանում է ետ մղել, սակայն գնդակին հասնում է Եգոր Տիտովը, ում մոտ դիրքից կատարած հարվածին հասնել Գաբուլովը արդեն անզոր էր: Արդյունքում խաղն ավարտվում է 1-1 հավով: Առաջնության հաջորդ խաղում Գաբուլովը դուրս է գալիս խաղադաշտ մեկնարկային կազմի հետ (նա այս դեպքում արդեն փոխարինում էր որակազրկված Ակինֆեևին[14]): ԲԿՄԱ-ի մրցակիցը «Տոմն» էր: Խաղում Վլադիմիրը հաջող խաղ է ցուցադրում, ԲԿՄԱ-ի դարպասները «չոր են մնում» և թիմը տանում է 2-0 հաշվով հաղթանակ: Առաջնության 30-րդ տուրի շրջանակներում «բանակայինները» մասնակցում էին «Դինամոյի» դեմ արտագնա հանդիպմանը: Վլադիմիրը այս խաղում մտնում է խաղադաշտ երկրորդ խաղակեսում Վենիամին Մանդրիկինին փոխարինելով: Խաղակեսն ավարտվել էր 1-1 հաշվով: Հանդիպման 73-րդ րոպեին, անկյունային հարվածի խաղարկման արդյունքում մրցակցի պաշտպան Դենիս Կոլոդինը գրավում է Վլադիմիրի պաշտպանած դարպասը: Մնացած ժամանակում «ԲԿՄԱ»-ն փորձում էր հավասարեցնել խաղի հաշիվը, սակայն «Դինամոն» պահպանում է իր խաղային առավելությունը և տանում է 2-1 հաշվով հաղթանակ[15]:

ԲԿՄԱ-ի կազմում անցկացրած երեք տարիների ընթացքում Գաբուլովը չի կարողանում հաստատվել թիմի հիմնական կազմում: Առաջին թիմի կազմում նա մասնակցություն է ունենում ընդամենը երեք հանդիպման, իսկ երկրորդ թիմի կազմում՝ 52[12]: Այս ընթացքում նա այնուամենայնիվ դառնում է Ռուսաստանի առաջնության չեմպիոն և Ռուսաստանի և ՈՒԵՖԱ գավաթի դափնեկիր:

«Կուբան» և «Ամկար»[խմբագրել | խմբագրել կոդը]

Գաբուլովը «Ամկարի» կազմում

2007 թվականի ձմռանը Վլադիմիր Գաբուլովը համալրում է Կրասնոդարի «Կուբանի» կազմը: Այստեղ նա ի տարբերություն ԲԿՄԱ-ի ի վերջո կարողանում է հաստատվել թիմի հիմնական կազմում: Իր առաջին մրցաշրջանում նա մասնակցում է 29 հանդիպումների և բաց է թողնում 36 գնդակ[7]: Առաջնությունային արդյունքներով «Կուբանը» Ռուսաստանի առաջնությունում զբաղեցնում է 15-րդ հորիզոնականը և լքում է Պրեմիեր Լիգան: Այնուամենայնիվ դարպասապահ Գաբուլովի վստահ խաղը աննկատ չի մնում. Վլադիմիրը մրցաշրջանի վերջում ընդգրկվում է 2007 թվականի Ռուսաստանի առաջնության լավագույն 33 ֆուտբոլիստների ցուցակ[16]:

Մրցաշրջանի միջնամասում Գաբուլովը կնքում է վարձավճարային պայմանագիր և դառնում է «Ամկարի» ֆուտբոլիստը: Նոր պայմանագրի նպատակը կայանում էր նրանում, որ Վլադիմիրը ցանկանում էր խաղային պրակտիկա ձեռք բերել Ռուսաստանի առաջնության ավելի բարձր մակարդակային հարթակում քան՝ առաջին դիվիզիոնն էր[17][18][19]: Նոր ակումբի կազմում Վլադիմիրը հասնում է մինչև Ռուսաստանի գավաթի խաղարկության եզրափակիչ փուլ, որտեղ նրանց մրցակիցն էր Գաբուլովի նախկին ակումբը՝ «ԲԿՄԱ»-ն: Շնորհիվ Նիկոլ Դրինչինի և Տոմիսլավ Դույմովիչի ջանքերի «Ամկարը» հանդիպման 64-րդ րոպեին հաղթում էր խաղում 2-0 հաշվով, սակայն երկրորդ գոլից հետո ակումբի պաշտպանությունը ձախողում է խաղը և «բանակային» բրազիլացիներ Վագներ Լավը և Ժոն 10 րոպեների ընթացքում հավասարեցնում են հանդիպման հաշիվը[20]: Գոլերի արդյունքում խաղը տեղափոխվում է ավելացված ժամանակ, որտեղ ակումբներից ոչ մեկը չի կարողանում հաղթանակ կորզել: Հետխաղյա 11 մետրանոց հարվածաշարը «Ամկարի» համար անհաջող ավարտ է ունենում. Դրինիչը և Դույմովիչը չեն կարողանում գրավել Ակինֆեևի պաշտպանած դարպասը, իսկ Գաբուլովը չի կարողանում ետ մղել ԲԿՄԱ-ի ֆուտբոլիստների կողմից իրացված հարվածներից գոնե մեկը[21][22]:

«Ամկարի» կազմում Վլադիմիրը Ռուսաստանի առաջնությունում մասնակցում է 10 հանդիպման և բաց է թողնում 6 գոլ[23]:

Վերադարձ «Դինամո»[խմբագրել | խմբագրել կոդը]

2008 թվականի մայիսի 30-ին Գաբուլովը կարիերայում արդեն երկրորդ անգամ համալրում է մոսկովյան «Դինամոյի» կազմը[24]: Դարպասապահի հետ մինչև 2011 թվականը ժամկետով պայմանագիր են կնքվում:

«Դինամոն» այն ակումբն է, որը ունակ իր դեմ դնել և լուծել ամենադժվար խնդիրները: Ակումբի տնօրինությունը իմ տեղափոխության որոշումը չթողեց հետոյի վրա... Այս ամենի հետ միասին, ես միշտ հիշում եմ այն մրցաշրջանը, որը ես անցկացրեցի Կրասնոդարում: Շնորհակալ եմ «Կուբանին», որ ինձ թույլ տվեց հասնել միջազգային մակարդակի և հանդես գալ ազգային հավաքականի կազմում:

— Ասել է Գաբուլովը իր «Դինամո» տեղափոխության առթիվ[25]

2008 թվականի Ռուսաստանի առաջնությունում «Դինամոն» մրցաշարային աղյուսակում զբաղեցնում է երրորդ հորիզոնականը, իսկ Գաբուլովը կարողանալով հիմնական դարպասապահի համար մղվող պայքարում հաղթել Ժիդրունաս Կարչեմարսկասի և Անտոն Շունինի մասնակցում է 12 հանդիպման[12]:

2009 թվականի մրցաշրջանը Գաբուլովի համար շատ հաջող է ստացվում. նա Ռուսաստանի առաջնությունում մասնակցում է 23 հանդիպման[12]: Սեպտեմբերի 13-ին, առաջնության 21-րդ տուրում «Սպարտակի» դեմ կայացած խաղում Գաբուլովը լուրջ վնասվածք է ստանում. մրցակից թիմի հարձակվող Վելլիտոնը գնդակի համար մղվող պայքարի ժամանակ ոտքով ոչ միտումնավոր հարված է հասցնում դարպասապահի գլխին: Գաբուլովը հիվանդանոց է տեղափոխվում և պարզվում է, որ նա ստացել էր դիմային ոսկորի կոտրվածք[26][27]: Վնասվածքից ապաքինվելուց հետո Գաբուլովը իր առաջին հանդիպումն է անցկացնում մեկ ու կես ամիս անց, հոկտեմբերի 31-ին՝ առաջնության 31-րդ տուրում կայացած «Ամկարի» դեմ խաղում: Խաղն ավարտվում է 0-0 հաշվով[28]: Մրցաշրջանային արդյունքներով «Դինամոն» ավարտում է առաջնությունը 8-րդ հորիզոնականում: Համացանցային հարցման արդյունքում երկրպագուները Վլադիմիրին ճանաչում են որպես 2009 թվականի «Դինամոյի» լավագույն ֆուտբոլիստ[29][30], ինչպես նաև նա ընդգրկվում է Ռուսաստանի առաջնության լավագույն 33 ֆուտբոլիստների ցուցակ[31]: Բացի այս ձեռքբերումներից, Գաբուլովը «Սովետսկի սպորտ» և «Կոմսոմոլսկայա պրավդա» թերթերի կողմից դարպասապահը ճանաչվում է տարվա «ջենթլմեն»[32]:

Մինչև 2010 թվականի աշունը Գաբուլովը «Դինամոյի» հիմնական դարպասապահն էր, սակայն մրցաշրջանի վերջում նա զիջում է իր տեղը Անտոն Շունինին, իսկ «Բալթիկայի» դեմ մինչմրցաշրջանային խաղում ստացած սրունքաթաթային վնասվածքից հետո ընդհանրապես դուրս է մնում թիմի հիմնական կազմից[33]:

«Անժի» և վարձավճար «ԲԿՄԱ»-յում[խմբագրել | խմբագրել կոդը]

Վլադիմիր Գաբուլովը 2012 թվականին

2011 թվականի օգոստոսի 30-ին Գաբուլովը հետևելով մեծ ֆինասնսական ներհոսքից հետո ակումբ տեղափոխված մի շարք ֆուտբոլիստների՝ հինգ տարի ժամկետով պայմանագիր է կնքում «Անժիի» հետ և դառնում ակումբի ֆուտբոլիստը[34]: Նրա տրասֆերը արժենում է 4 մլն եվրո, իսկ աշխատավարձը ըստ պայմանագրի կազմում է տարեկան 2,5 մլն եվրո[35]: Սակայն, «Ռուսաստանի ֆուտբոլը» հաղորդման ուղիղ եթերի շրջանակներում, ինչպես հայտնում է «Անժի» գլխավոր մարզիչ Գաջի Գաջիևը, «ԲԿՄԱ»-ի և Ռուսաստանի ազգային հավաքականի հիմնական դարպասապահ Իգոր Ակինֆևի վնասվածքի հետ կապված («Սպարտակի» դեմ խաղում Վելլիտոնի հետ բախման արդյունքում ստացած), Վլադիմիրի նոր ակումբը որոշում է օգնել «բանակայիններին» և կես տարի ժամկետով վարձավճարային պայմանագրով տալ Վլադիմիրին ակումբին[36]: Այդ նպատակով տրանսֆերային պատուհանի վերջին օրը, օգոստոսի 31-ին լուծվում են բոլոր հարցերը կապված դարպասապահի տեղափոխության հետ[37]: ՌՖՊԼ-ի սպորտային տնօրեն Իգոր Մեշանչուկի նշմամբ, համաձայն կանոնակարգի՝ Վլադիմիրը վերադառնալուց հետո մրցաշրջանում այլևս չէր կարող մասնակցել «Անժիի» պաշտոնական խաղերին[38], սակայն ՌՖՄ-յան գործադիր կոմիտեն, ըստ նոր նշանակված օրենքի արդեն թույլ է տալիս Ռուսաստանի առաջնության ֆուտբոլիստների մեկ մրցաշրջանի ընթացքում հանդես գալ երեք ակումբների կազմում (Վլադիմիրի դեպքում այդ երեք ակումբներն էին՝ «Դինամոն», «Անժին» և «ԲԿՄԱ»-ն)[39]: Իր առաջին խաղը ԲԿՄԱ-ի կազմում Գաբուլովը անցկացնում է Չեմպիոնների Լիգայի խմբային փուլի շրջանակներում կայացած ֆրանսիական «Լիլի» դեմ արտագնա խաղում, որի ժամանակ Վլադիմիրը մեկ անգամ չէ որ փրկում է իր թիմին վերահաս գոլից[40]:

2011-12 մրցաշրջանում Գաբուլովը ԲԿՄԱ-ի կազմում Ռուսաստանի առաջնությունում մասնակցում է 7 հանդիպման, իսկ Չեմպիոնների Լիգայում՝ 6: Այդ տարի Եվրոպական մրցաշարում բանակայինները հասնում են մինչև 1/8 եզրափակիչ:

«Անժիի» կազմում Գաբուլովը նշում է իր նորամուտը 2012 թվականի մարտի 5-ին, Ռուսաստանի առաջնության 33-րդ տուրի շրջանակներում կայացած իր նախկին ակումբը համարվող «Դինամոյի» դեմ խաղում: Շնորհիվ հանդիպման 69-րդ րոպեին հեղինակված Ժուսիլեյի գոլի «Անժին» հաղթանակ է տանում, իսկ Գաբուլովը նորամուտային խաղում անառիկ է պահում իր նոր թիմի դարպասը[41]: Մինչև մրցաշրջանի վերջը Վլադիմիրը մասնակցում է ևս 10 հանդիպման, որոնցում ցուցադրում է վստահ խաղ[12]:

2012-13 մրցաշրջանը Գաբուլովը անցկացնում է բարձր մակարդակի վրա: Ռուսաստանի առաջնությունում նա մասնակցում է 27 հանդիպումների, որոնցից վեցը ավարտում է «չոր», այսինքն առանց գոլ բաց թողնելու[42]: «Անժիի» հետ միասին Գաբուլովը բավականաչափ հաջող խաղ է ցուցադրում Եվրոպայի լիգայում: Եվրոպական մրցաշարում նրանք հասնում են մինչև 1/8 եզրափակիչ, Ռուսաստանի առաջնությունում դառնում են բրոնզե մեդալակիր, իսկ Գավաթի խաղարկությունում հասնում են մինչև եզրափակիչ, որում պարտություն են կրում: Մրցաշրջանի արդյունքներով Գաբուլովը իր կարիերայում արդեն երրորդ անգամ ընդգրկվում է Ռուսաստանի առաջնության լավագույն 33 ֆուտբոլիստների ցուցակ[43]:

Եվ կրկին «Դինամո»[խմբագրել | խմբագրել կոդը]

2013 թվականի օգոստոսի սկզբին «Անժիի» սեփականատեր Սուլեյման Կերիմովը հայտարարում է ակումբի զարգացման նպատակով՝ բյուջեի վերաձևավորման և առաջատար ֆուտբոլիստների ակումբը լքելու լուրի մասին[44][45]: Օգոստոսի 29-ին Գաբուլովը և «Անժիի» երկու այլ ֆուտբոլիստներ (Քրիստոֆեր Սամբան և Ալեքսեյ Իոնովը) համալրում են մոսկովյան «Դինամոյի» կազմը[46]: Գաբուլովի տրասնֆերի արժեքը կազմում է 7 մլն եվրո[47]: Նոր ակումբի կազմում, մասնավորապես Ռուսաստանի առաջնության շրջանակներում Գաբուլովը մրցաշրջանի ընթացքում անցկանցում է 20 հանդիպում, որոնցից 5-ում կարողանում է ակումբի դարպասները անառիկ պահել[48]: Մրցաշրջանային արդյունքներով «Դինամոն» առաջնության մրցաշարային աղյուսակում զբաղեցնում է 4-րդ հորիզոնականը և ստանում է 2014-15 թվականների Եվրոպայի Լիգայի որակավորման փուլին մասնակցելու իրավունք:

Հաջորդ մրցաշրջանը Գաբուլովը սկսում է Եվրոպայի Լիգայի շրջանակներում կայացած «Խապոելի» և Ռուսաստանի առաջնության շրջանակներում կայացած «Ռոստովի» դեմ խաղերում թույլ տված մի շարք սխալներով, ինչից անմիջապես հետո դուրս է մնում թիմի հիմնական կազմից[49][50][51]: 2014 թվականի սեպտեմբերի 18-ին Գաբուլովը «Դինամոյի» մեկնարկային կազմի հետ մասնակցում է Եվրոպայի Լիգայի խմբային փուլում կայացած «Պանատինաիկոսի» դեմ խաղին[52]: Իսկ արդեն չորս օր անց նա մասնակցում է նաև Ռուսաստանի առաջնության շրջանակներում կայացած «Տորպեդոյի» դեմ խաղին[53]: «Դինամոյի» գլխավոր մարզիչ Ստանիսլավ Չերչեսովի խոսքերով, Գաբուլովի ընդմիջումը խաղային պրակտիկայում մեծ նշանակություն ունեցավ[54]: Դրանից հետո Վլադիմիրը ցուցադրելով իր լավ խաղային մակարդակը կրկին դառնում է ակումբի հիմնական դարպասապահը[55][56]: 2015 թվականի մայիսի 12-ին կայացած «Տորպեդոյի» դեմ խաղը դառնում է Գաբուլովի կարիերայում 100-րդ հանդիպումը, որում նա գոլ բաց չի թողել: Այդ ձեռքբերման շնորհիվ նա ընդգրկվում է Լև Յաշինի ակումբ[57]: «Դինամոն» ավարտում է մրցաշրջանը առաջնությունում չորրորդ հորիզոնականով, իսկ Գաբուլովը մասնակցում է 22 հանդիպումների, որոնցից 6-ը ավարտում է «չոր»[58]: Մրցաշրջանում «Դինամոն» նաև հասնում է մինչև Եվրոպայի Լիգայի 1/8 եզրափակիչ, իսկ արդեն այդտեղ Վլադիմիրը մասնակցում է 10 հանդիպման, որոնցից չորսը ավարտում է առանց գոլ բաց թողնելու[59]:

2015 թվականի ամռանը ՈՒԵՖԱ-ն զրկում է «Դինամոյին» հաջորդ մրցաշրջանում եվրոգավաթային մրցաշարերում մասնակցություն ունենալու հնարավորությունից՝ ֆինանսական ֆեյր-փլեյի կանոնները խախտելու պատճառով[60]: Առաջացած ֆինանսական խնդիրների պատճառով թիմի առաջատար արտերկրացի ֆուտբոլիստները լքում են ակումբը[61]: Ակումբի տնօրինությունը հայտարարում է «Դինամոյի» կազմի փոփոխման և շեշտը երիտասարդների վրա դրման մասին[62][63]: Առաջնության աշնանային մասը Գաբուլովը անցկացնում է որպես հիմնական դարպասապահ և մասնակցում է այդ շրջանի բոլոր խաղերին[64]: Մրցաշրջանի երկրորդ մասում Գաբուլովը զիջում է իր տեղը Անտոն Շունինին և գարնանային մասում մասնակցում է ընդամենը 5 հանդիպման[65]: Մրցաշրջանի ավարտից հետո Դինամոն առաջնությունում 15-րդ հորիզոնականը զբաղեցնելով, իր պատմության մեջ առաջին անգամ դուրս է թռչում Պրեմիեր Լիգայից[66]: 2016 թվականի մայիսի 22-ին Գաբուլովը հայտարարում է ակումբից հեռանալու իր որոշման մասին[67]: Իր խոսքերով, ակումբի տնօրինությունը այդ որոշումից հետո կրկին առաջարկել էր երկարաձգել պայմանագիրը:

«Արսենալ»[խմբագրել | խմբագրել կոդը]

2016 թվականի ամռանը Գաբուլովը, պայմանագրի ժամկետի ավարտից հետո արդեն ազատ գործակալ դարձած, սկսում է մարզվել մոսկովյան «ԲԿՄԱ»-ի երիտասարդական կազմի հետ[68]: Այդ կարգավիճակով նա մնում է շուրջ կես տարի: 2017 թվականի հունվարի 13-ին դարպասապահը մեկ ու կես տարի ժամկետով պայմանագիր է կնքում Տուլայի «Արսենալի» հետ:

Կարիերան հավաքականում[խմբագրել | խմբագրել կոդը]

Մինչև ազգային հավաքականի կազմում իր նորամուտը նշելը Գաբուլովը Ռուսաստանի երիտասարդական հավաքականի կազմում մասնակցում է 13 հանդիպման[69]: Այդ խաղերի թվում են նաև 2006 թվականի Եվրոպայի երիտասարդական առաջնության որակավորման փուլի շրջանակներում կայացած այն խաղերը, որոնցում Գաբուլովը պաշտպանել է երկրի երիտասարդական հավաքականի դարպասները[70]:

2007 թվականի Ռուսաստանի առաջնության շրջանակներում «Կուբանի» կազմում ցուցադրած վստահ խաղի շնորհիվ, Գաբուլովը արժանանում է Ռուսաստանի ազգային հավաքականի գլխավոր մարզիչ Գուս Հիդինգի հավանությանը և հրավիրվում է հավաքական: 2007 թվականի օգոստոսի 22-ին, Վլադիմիրը ազգային հավաքականի մեկնարկային կազմի հետ մասնակցում է Լեհաստանի ազգային հավաքականի դեմ կայացած ընկերական խաղի առաջին խաղակեսին (ընդ որում գոլ բաց չի թողնում), ինչից հետո փոխարինվում է[71][72][73]:

Գաբուլովը ազգային հավաքականի կազմում

Հավաքականի կազմում դարպասապահը մասնակցում է իր առաջին պաշտոնական հանդիպմանը Եվրո-2008-ի ընտրական փուլի շրջանակներում, 2007 թվականի սեպտեմբերի 9-ին ընդդեմ Մակեդոնիայի ազգային հավաքականի: 69-րդ րոպեին, 1-0 Ռուսաստանի հավաքականի համար հաղթական հաշվի ժամանակ՝ Գաբուլովը սեփական տուգանային հրապարակի մատույցներում, Գորան Մազնովի դեմ պայքարում խախտում է կանոները[74]: Նորվեգացի մրցավարը հեռացնում է Գաբուլովին խաղադաշտից և նշանակում է 11-մետրանոց հարված, որը ետ է մղում Գաբուլովի փոխարեն խաղադաշտ դուրս եկած Վյաչեսլավ Մալաֆեևը: Չնայած հավաքականների ֆուտբոլիստների քանակական անհավասարությանը, Ռուսաստանի հավաքականը այդ խաղում տանում է 3-0 հաշվով հաղթանակ[75]:

2007 թվականի հոկտեմբերի 17-ին Գաբուլովը մասնակցում է Անգլիայի ազգային հավաքականի դեմ կայացած խաղին՝ ամբողջությամբ: Խաղն ավարտվում է Ռուսաստանի 2-1 հաշվով պատմական հաղթանակով: Մեծամասամբ այդ կարևորագույն հաղթանակը տրվել էր հենց Վլադիմիր Գաբուլովի ջանքերի շնորհիվ[76]:

Այդ սկզբունքային հանդիպումից հետո, Գաբուլովը 2007 թվականին հավաքականի կազմում մասնակցում է ևս երկու պաշտոնական խաղերի` ընդդեմ Իսրայելի (2-1 հաշվով պարտությամբ ավարտված)[77] և Անդորրայի (նվազագույն՝ 1-0 հաշվով հաղթանակով ավարտված)[78] ազգային հավաքականների: Գաբուլովը հայտավորվում է ազգային հավաքականի կազմ Եվրո-2008-ում մասնակցություն ունենալու նպատակով[79]: Հավաքականը առաջնությունում դառնում է բրոնզե մեդալակիր, սակայն Վլադիմիրը ոչ մի անգամ խաղադաշտ դուրս չի գալիս:

Հաջորդ անգամ Գաբուլովը հրավիրվում է ազգային հավաքական 2010 թվականին: Այդ ժամանակ նա արդեն հանդես էր գալիս մոսկովյան «Դինամոյի» կազմում: Գաբուլովը մասնակցում է Հունգարիայի ազգային հավաքականի դեմ կայացած ընկերական խաղի երկրորդ խաղակեսին ամբողջությամբ և ընդ որում անառիկ է պահում հավաքականի դարպասը[80]:

Հաջորդ երկու տարիներին դարպասապահը չի հրավիրվում ազգային հավաքական: Վերջապես, 2012 թվականի փետրվարին, Գաբուլովը արդեն որպես «Անժիի» հիմնական դարպասապահ հավաքականի գլխավոր մարզիչ Դիկ Ադվոկատի կողմից հրավիրվում է հավաքական՝ Դանիայի ազգային հավաքականի դեմ կայանալիք ընկերական խաղին մասնակցություն ունենալու նպատակով: Դուրս գալով խաղադաշտ մեկնարկային կազմի հետ Վլադիմիրը ցուցադրում է հաջող խաղ և անառիկ է պահում ազգային հավաքականի դարպասը, իսկ հավաքականը հաղթում է 2-0 հաշվով[81]: Չնայած հիանալի մարզավիճակի Գաբուլովը չի հայտավորվում ազգային հավաքականի կազմ 2012 թվականի Եվրոպայի առաջնությանը մասնակցելու համար: Նա իր տեղը զիջում է Անտոն Շունինին, իսկ հավաքականի կազմում չհայտավորվելու ամենահավանական պատճառներից մեկն հենց այն էր, որ դեռևս այն ժամանակ, նա լինելով մոսկովյան «Դինամոյի» դարպասապահ հիմնական կազմի դարպասապահի համար ընթացող մրցակցությունում պարտվել էր Շունինին[82]:

Շուտով «Անժիի» դարպասապահը վերադառնում է հավաքական: Հավաքականի նոր գլխավոր մարզիչ Ֆաբիո Կապելոն հրավիրում է նրան հավաքական և 2012 թվականի նոյեմբերի 14-ին Վլադիմիրը մեկնարկային կազմի հետ մասնակցում է Միացյալ Նահանգների ազգային հավաքականի դեմ խաղին[83]: Խաղն ավարտվում է 2-2 հաշվով: 2013 թվականի փետրվարի 6-ին Գաբուլովը ազգային հավաքականի կազմում մասնակցում է Իսլանդիայի հավաքականի դեմ կայացած խաղի երկրորդ խաղակեսին և ընդ որում անառիկ է պահում երկրի ազգային հավաքականի դարպասը[84]: 2013 թվականի մարտի 25-ին Գաբուլովը Բրազիլիայի ազգային հավաքականի դեմ 1-1 հաշվով ավարտված խաղին մասնակցում է՝ խաղադաշտ դուրս գալով հիմնական կազմի հետ[85]:

2015 թվականին Գաբուլովը երկու անգամ հայտնվում է այն ֆուտբոլիստների շարքում, որոնք հրավիրվել են ազգային հավաքական: Մարտի 13-ին նա դառնում է այն 42 ֆուտբոլիստներից մեկը, որը հրավիրվել էր հավաքական 2016 թվականի Եվրոպայի առաջնության ընտրական փուլի շրջանակներում կայանալիք Չեռնոգորիայի ազգային հավաքականի դեմ պաշտոնական և Ղազախստանի ազգային հավաքականի դեմ ընկերական[86] խաղերին մասնակցելու համար: Մարտի 20-ին Գաբուլովը հեռացվում է Ռուսաստանի հավաքականի վերջնական կազմից[87]: Մայիսի վերջին դարպասապահը երկրորդ անգամ է հայտնվում ազգային հավաքական հրավիրված ֆուտբոլիստների շարքում: Այս անգամ նրանք պատրաստվում էին Բելառուսի ազգային հավաքականի դեմ ընկերական և Ավստրիայի ազգային հավաքականի դեմ ընտրական մրցաշարի շրջանակներում[88] կայանալիք խաղերին: Մայիսի 30-ին Գաբուլովը կրկին չի ընդգրկվում հավաքականի վերջնական կազմ, ինչը դժգոհություններ է առաջացնում ֆուտբոլիստի մոտ կապված ազգային հավաքականի գլխավոր մարզիչ Ֆաբիո Կապելոյի և հավաքականի դարպասապահների մարզիչ՝ Սերգեյ Օվչինիկի կայացրած որոշումների հետ[89]:

Անձնական կյանք[խմբագրել | խմբագրել կոդը]

Վլադիմիր Գաբուլովը ամուսնացած է: Նրա կնոջ անունը Կիրա է: Զույգը ծանոթացել է 2002 թվականին, իսկ ամուսնացել՝ 2004 թվականին[90]: Նրանք ունեն մի որդի, որի անունը Դանել է: 2014 թվականի դեկտեմբերի 12-ին Գաբուլովի ընտանիքում ծնվում է դուստր, որին նրանք կոչում են Ամելիա[91]:

Ֆուտբոլից զատ Վլադիմիրը հետաքրքրված է մեծ թենիսով և «Ֆորմուլա-1»-ով[92]:

Վլադիմիր Գաբուլովը ունի կրտսեր եղբայր, որը նույնպես զբաղվում է ֆուտբոլով: Նրա անունը Գեորգի է և նա հանդես է գալիս կիսապաշտպանի դիրքում: Իր կարիերայի ընթացքում Գեորգին մեծ եղբոր հետ մի անգամ հանդես է եկել նույն ակումբում. 2012 թվականին «Անժին» ձեռք է բերում «Ալանիայում» հանդես եկող Գեորգիին[93]: Մեկ տարվա ընթացքում Գեորգին մախաչկալացիների կազմում մասնակցում է 7 հանդիպման, սակայն հետագայում չի կարողանում հաստատվել թիմի հիմնական կազմում և 2013 թվականի ձմռանը վերադառնում է «Ալանիա»[94]: Ներկա պահին Գեորգին հանդես է գալիս «Օրենբուրգ» ֆուտբոլային ակումբում[95]:

Վիճակագրություն[խմբագրել | խմբագրել կոդը]

Ակումբային[խմբագրել | խմբագրել կոդը]

Ակումբ Մրցաշրջան Լիգա Գավաթներ Եվրոգավաթներ Ընդհանուր
Խաղեր Գոլեր Խաղեր
զրոյի վրա 		Խաղեր Գոլեր Խաղեր
զրոյի վրա 		Խաղեր Գոլեր Խաղեր
զրոյի վրա 		Խաղեր Գոլեր Խաղեր
զրոյի վրա
Դինամո (Մ) 2001 11 −14 2 0 0 0 - - - 11 −14 2
Ընդհանուր 11 −14 2 0 0 0 0 0 0 11 −14 2
Ալանիա 2001 13 −21 3 1 -2 0 - - - 14 −23 3
2002 11 −34 4 0 0 0 - - - 11 −34 4
2003 6 −8 1 0 0 0 - - - 6 −8 1
Ընդհանուր 43 −63 8 1 -2 0 0 0 0 44 −65 8
ԲԿՄԱ 2004 0 0 0 0 0 0 0 0 0 0 0 0
2005 0 0 0 0 0 0 0 0 0 0 0 0
2006 3 -2 1 0 0 0 0 0 0 3 -2 1
Ընդհանուր 3 −2 1 0 0 0 0 0 0 3 −2 1
Կուբան 2007 29 −36 6 1 0 1 - - - 30 −36 7
Ընդհանուր 29 −36 6 1 0 1 0 0 0 30 −36 7
Ամկար 2008 10 −6 6 2 -2 1 0 0 0 12 −8 7
Ընդհանուր 10 −6 6 2 -2 1 0 0 0 12 −8 7
Դինամո (Մ) 2008 12 -7 6 1 0 1 - - - 13 -7 7
2009 23 -24 9 3 -4 1 4 -4 2 30 -32 12
2010 21 -25 6 2 -2 0 - - - 23 -27 6
2011-12 0 0 0 0 0 0 - - - 0 0 0
Ընդհանուր 56 −56 21 6 -6 2 4 -4 2 66 −66 25
ԲԿՄԱ 2011-12 7 −7 2 0 0 0 6 -8 2 13 −15 4
Ընդհանուր 7 −7 2 0 0 0 6 -8 2 13 −15 4
Անժի 2011-12 11 −7 5 0 0 0 - - - 11 −7 5
2012-13 27 −30 6 3 -1 2 15 -7 10 45 −38 18
2013-14 5 −8 0 0 0 0 0 0 0 5 −8 0
Ընդհանուր 43 −45 11 3 -1 2 15 -7 10 51 −53 23
Դինամո (Մ) 2013-14 20 −27 5 1 -1 0 - - - 21 −28 5
2014-15 22 −28 6 0 0 0 10 -8 4 32 −36 10
2015-16 23 −36 5 2 0 2 - - - 25 −36 7
Ընդհանուր 65 −91 16 3 −1 2 10 -8 4 78 −100 22
Ընդհանուրը կարիերայում 267 −320 73 16 −12 8 35 -27 18 308 −359 99

Միջազգային[խմբագրել | խմբագրել կոդը]

2013 թվականի հունիսի 26-ի դրությամբ

Ընդհանուր: 10 խաղ / 6 բաց թողնված գոլ. 5 հաղթանակ, 4 ոչ-ոքի, 1 պարտություն:

Ձեռքբերումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Ռուսաստանի Առաջնություն

  • Չեմպիոն (2): 2005, 2006
  • Բրոնզե մեդալակիր (2): 2008, 2012-2013

Ռուսաստանի գավաթ

  • Դափնեկիր (1): 2005-2006
  • Եզրափակչի մասնակից (2): 2007-2008, 2012-2013

Ռուսաստանի սուպերգավաթ

  • Դափնեկիր (1): 2006

ՈՒԵՖԱ գավաթ

  • Դափնեկիր (1): 2004-2005

Միջազգային[խմբագրել | խմբագրել կոդը]

Եվրոպայի առաջնություն

  • Բրոնզե մեդալակիր (1): 2008

Անհատական[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ Soccerway
  2. ↑ Ֆուտբոլիստի էջը FootballFacts.ru կայքում
  3. ↑ «ГАБУЛОВУ И КОЛОДИНУ ПРИСВОЕНО ЗВАНИЕ «ЗАСЛУЖЕННЫЙ МАСТЕР СПОРТА»» (ռուսերեն)։ fcdynamo.ru։ Արխիվացված է օրիգինալից 2013-06-29-ին։ Վերցված է 2013-06-24 
  4. ↑ «Владимир Габулов: «Я могу стать беспощадным»» (ռուսերեն)։ region15.ru։ Արխիվացված է օրիգինալից 2013-07-01-ին։ Վերցված է 2013-06-24 
  5. ↑ Неизвестный Габулов. Семь неизвестных фактов о Владимире Габулове
  6. ↑ 6,0 6,1 «Профиль Владимира Габулова на сайте ФК «Анжи»» (ռուսերեն)։ fc-anji.ru։ Արխիվացված է օրիգինալից 2013-06-29-ին։ Վերցված է 2013-06-24 
  7. ↑ 7,0 7,1 7,2 «Владимир Габулов» (ռուսերեն)։ euro-football.ru։ Արխիվացված է օրիգինալից 2013-06-29-ին։ Վերցված է 2013-06-24 
  8. ↑ «Профиль Владимира Габулова» (ռուսերեն)։ fc-dynamo.ru։ Արխիվացված է օրիգինալից 2013-06-29-ին։ Վերցված է 2013-06-24 
  9. ↑ «Дебют Владимира Габулова» (ռուսերեն)։ football.kulichki.net։ Արխիվացված է օրիգինալից 2013-06-29-ին։ Վերցված է 2013-06-24 
  10. ↑ «Обидчик игроков «Черноморца» дисквалифицирован на 10 матчей» (ռուսերեն)։ yuga.ru։ Արխիվացված է օրիգինալից 2013-07-01-ին։ Վերցված է 2013-06-24 
  11. ↑ «Габулов дисквалифицирован на 10 матчей» (ռուսերեն)։ sports.ru։ Արխիվացված է օրիգինալից 2013-07-01-ին։ Վերցված է 2013-06-24 
  12. ↑ 12,0 12,1 12,2 12,3 12,4 «Матчи Владимира Габулова» (անգլերեն)։ national-football-teams.com։ Արխիվացված է օրիգինալից 2013-06-29-ին։ Վերցված է 2013-06-24 
  13. ↑ ««Спартак» - ЦСКА 1:1» (ռուսերեն)։ football.kulichki.net։ Արխիվացված է օրիգինալից 2013-06-29-ին։ Վերցված է 2013-06-24 
  14. ↑ «ЦСКА - «Томь» 2:0» (ռուսերեն)։ football.kulichki.net։ Արխիվացված է օրիգինալից 2013-06-29-ին։ Վերցված է 2013-06-24 
  15. ↑ «ЦСКА - «Динамо» 1:2» (ռուսերեն)։ football.kulichki.net։ Արխիվացված է օրիգինալից 2013-06-29-ին։ Վերցված է 2013-06-24 
  16. ↑ «Список 33 лучших игроков ЧР 2007 года» (ռուսերեն)։ sport-express.ru։ Արխիվացված է օրիգինալից 2013-06-30-ին։ Վերցված է 2013-06-25 
  17. ↑ ««Амкар» арендовал Габулова» (ռուսերեն)։ gazeta.ru։ Արխիվացված է օրիգինալից 2013-06-30-ին։ Վերցված է 2013-06-25 
  18. ↑ «Габулов раскрыл причины перехода в «Амкар»» (ռուսերեն)։ yuga.ru։ Արխիվացված է օրիգինալից 2013-06-30-ին։ Վերցված է 2013-06-25 
  19. ↑ «ВЛАДИМИР ГАБУЛОВ: «СПАСИБО ВСЕМ, КТО МЕНЯ ПОДЕРЖИВАЛ…»» (ռուսերեն)։ fckuban.ru։ Արխիվացված է օրիգինալից 2013-06-30-ին։ Վերցված է 2013-06-25 
  20. ↑ «Финал Кубка России 2008» (ռուսերեն)։ football.kulichki.net։ Արխիվացված է օրիգինալից 2013-06-30-ին։ Վերցված է 2013-06-25 
  21. ↑ «ЦСКА "перепенальтил" «Амкар»» (ռուսերեն)։ championat.com։ Արխիվացված է օրիգինալից 2013-06-30-ին։ Վերցված է 2013-06-25 
  22. ↑ «Финал Кубка России» (ռուսերեն)։ championat.com։ Արխիվացված է օրիգինալից 2013-06-30-ին։ Վերցված է 2013-06-25 
  23. ↑ «Сезон 2007/2008» (անգլերեն)։ transfermarkt.co.uk։ Արխիվացված է օրիգինալից 2013-06-30-ին։ Վերցված է 2013-06-25 
  24. ↑ «Владимир Габулов перешёл в «Динамо»» (ռուսերեն)։ sovsport.ru։ Արխիվացված է օրիգինալից 2013-06-30-ին։ Վերցված է 2013-06-25 
  25. ↑ «Габулов в «Динамо»» (ռուսերեն)։ fckuban.ru։ Արխիվացված է օրիգինալից 2013-06-30-ին։ Վերցված է 2013-06-25 
  26. ↑ «Владимир Габулов получил серьезную травму» (ռուսերեն)։ footballrussia.ru։ Արխիվացված է օրիգինալից 2013-06-30-ին։ Վերցված է 2013-06-25 
  27. ↑ «Дерби с переломом» (ռուսերեն)։ rg.ru։ Վերցված է 2013-06-25 
  28. ↑ ««Динамо» - «Амкар» 0:0» (ռուսերեն)։ football.kulichki.net։ Արխիվացված է օրիգինալից 2013-06-30-ին։ Վերցված է 2013-06-25 
  29. ↑ «Болельщики «Динамо» назвали Габулова лучшим игроком сезона» (ռուսերեն)։ sports.ru։ Արխիվացված է օրիգինալից 2013-06-30-ին։ Վերցված է 2013-06-25 
  30. ↑ «Габулов - лучший игрок «Динамо»» (ռուսերեն)։ fc-dynamo.ru։ Արխիվացված է օրիգինալից 2013-06-30-ին։ Վերցված է 2013-06-25 
  31. ↑ «РФС назвал 33 лучших футболистов российской премьер-лиги сезона-2009» (ռուսերեն)։ rg.ru։ Վերցված է 2013-06-25 
  32. ↑ «Круглосуточный джентльмен» (ռուսերեն)։ sovsport.ru։ Արխիվացված է օրիգինալից 2013-06-30-ին։ Վերցված է 2013-06-25 
  33. ↑ «Габулов выбыл из строя на две-три недели» (ռուսերեն)։ soccer.ru։ Վերցված է 2013-06-25 
  34. ↑ «Габулов перешёл в «Анжи»» (ռուսերեն)։ fc-anji.ru։ Արխիվացված է օրիգինալից 2013-06-30-ին։ Վերցված է 2013-06-25 
  35. ↑ «Габулов в «Анжи»» (ռուսերեն)։ lifesports.ru։ Արխիվացված է օրիգինալից 2013-06-30-ին։ Վերցված է 2013-06-25 
  36. ↑ «Гаджи Гаджиев: "Скорее всего, отдадим Габулова в аренду ЦСКА"» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  37. ↑ «Габулов арендован ЦСКА у «Анжи»» (ռուսերեն)։ sport-express.ru։ Արխիվացված է օրիգինալից 2013-07-01-ին։ Վերցված է 2013-06-25 
  38. ↑ «Габулов не сможет играть в «Анжи» после полугодовой аренды в ЦСКА» (ռուսերեն)։ ria.ru։ Արխիվացված է օրիգինալից 2013-07-01-ին։ Վերցված է 2013-06-25 
  39. ↑ «Габулов сможет играть за «Анжи» после перерыва» (ռուսերեն)։ news.sportbox.ru։ Արխիվացված է օրիգինալից 2013-07-01-ին։ Վերցված է 2013-06-25 
  40. ↑ «Владимир Габулов: "Ничего особенного не совершил"» (ռուսերեն)։ sport-express.ru։ Արխիվացված է օրիգինալից 2013-07-01-ին։ Վերցված է 2013-06-25 
  41. ↑ ««Динамо» - «Анжи» - 0:1» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  42. ↑ «Габулов в сезоне 2012/13» (անգլերեն)։ transfermarkt.co.uk։ Արխիվացված է օրիգինալից 2013-07-01-ին։ Վերցված է 2013-06-25 
  43. ↑ «В списке 33-х лучших девять игроков ЦСКА» (ռուսերեն)։ sport-express.ru։ Արխիվացված է օրիգինալից 2013-07-01-ին։ Վերցված է 2013-06-25 
  44. ↑ «Отфутболили: Сулейман Керимов втрое сокращает бюджет «Анжи»» (ռուսերեն)։ forbes.ru։ Վերցված է 2016-10-30 
  45. ↑ «Вот и сказке конец» (ռուսերեն)։ gazeta.ru։ Վերցված է 2016-10-30 
  46. ↑ ««Динамо» представило Габулова, Ионова и Самба» (ռուսերեն)։ sportbox.ru։ Վերցված է 2016-10-30 
  47. ↑ «ТРАНСФЕР ГАБУЛОВА БЬЁТ РЕКОРД ПОЧТИ В ДВА РАЗА» (ռուսերեն)։ sport-express.ru։ Վերցված է 2016-10-30 
  48. ↑ «Габулов в чемпионате России 2013/14» (ռուսերեն)։ sportbox.ru։ Վերցված է 2016-10-30 
  49. ↑ «ВРАТАРСКАЯ ПРОБЛЕМА ЧЕРЧЕСОВА» (ռուսերեն)։ sport-express.ru։ Վերցված է 2016-10-30 
  50. ↑ ««Динамо» забило «Ростову», сколько захотело» (ռուսերեն)։ championat.com։ Վերցված է 2016-10-30 
  51. ↑ «Габулов: стараюсь почерпнуть из критики то, что может принести пользу в футболе» (ռուսերեն)։ rsport.ru։ Վերցված է 2016-10-30 
  52. ↑ ««Панатинаикос» 1:2 «Динамо»» (ռուսերեն)։ sportbox.ru։ Վերցված է 2016-10-30 
  53. ↑ ««Торпедо» 1:3 «Динамо»» (ռուսերեն)։ sportbox.ru։ Վերցված է 2016-10-30 
  54. ↑ «Лига Европы. Станислав Черчесов: «Пауза пошла Габулову на пользу»» (ռուսերեն)։ eurosport.ru։ Վերցված է 2016-10-30 
  55. ↑ ««Эшторил» у ног Габулова» (ռուսերեն)։ gazeta.ru։ Վերցված է 2016-10-30 
  56. ↑ «ЛУЧШИЕ ГОЛКИПЕРЫ ПРЕМЬЕР-ЛИГИ. ЮРЧЕНКО - ВНЕ КОНКУРЕНЦИИ, ЛОДЫГИН - ВНЕ ЛИДЕРОВ» (ռուսերեն)։ sport-express.ru։ Վերցված է 2016-10-30 
  57. ↑ «Владимир Габулов вошёл в Клуб Льва Яшина» (ռուսերեն)։ fcdynamo.ru։ Վերցված է 2016-10-30 
  58. ↑ «Габулов в чемпионате России 2014/15» (ռուսերեն)։ sportbox.ru։ Վերցված է 2016-10-30 
  59. ↑ «Габулов в Лиге Европы 2014/15» (ռուսերեն)։ sportbox.ru։ Վերցված է 2016-10-30 
  60. ↑ «УЕФА отстранил «Динамо» от участия в еврокубках на один сезон» (ռուսերեն)։ championat.com։ Վերցված է 2016-10-30 
  61. ↑ «Иностранные игроки покидают "Динамо": если звезды уходят, то это кому-то нужно?» (ռուսերեն)։ vesti.ru։ Վերցված է 2016-10-30 
  62. ↑ «Решение УЕФА: дисквалификация в еврокубках на сезон» (ռուսերեն)։ fcdynamo.ru։ Վերցված է 2016-10-30 
  63. ↑ «Снова по новой. «Динамо» опять меняет курс и структуру» (ռուսերեն)։ championat.com։ Վերցված է 2016-10-30 
  64. ↑ «Габулов в чемпионате России 2015/16» (ռուսերեն)։ sportbox.ru։ Վերցված է 2016-10-30 
  65. ↑ «Владимир Габулов: Контакта с Кобелевым нет» (ռուսերեն)։ sovsport.ru։ Վերցված է 2016-10-30 
  66. ↑ ««Динамо» и «Мордовия» вылетели в ФНЛ» (ռուսերեն)։ championat.com։ Վերցված է 2016-10-30 
  67. ↑ «Владимир Габулов объявил об уходе из "Динамо"» (ռուսերեն)։ football.kulichki.net։ Վերցված է 2016-10-30 
  68. ↑ «Габулов: Мамаев кричал Платини – «Кто тебе лучше отдаст?!»» (ռուսերեն)։ championat.com։ Վերցված է 2016-10-30 
  69. ↑ Պրոֆիլը transfermarkt.com կայքում(անգլ.)
  70. ↑ «Матчи молодёжной сборной 2004» (ռուսերեն)։ rusteam.permian.ru։ Արխիվացված է օրիգինալից 2013-07-01-ին։ Վերցված է 2013-06-25 
  71. ↑ «Россия - Польша 2:2» (անգլերեն)։ eu-football.info։ Արխիվացված է օրիգինալից 2013-07-01-ին։ Վերցված է 2013-06-25 
  72. ↑ «Товарищеский матч Россия - Польша» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  73. ↑ «Габулов: Впечатления от дебюта в сборной самые приятные» (ռուսերեն)։ yuga.ru։ Արխիվացված է օրիգինալից 2013-07-01-ին։ Վերցված է 2013-06-25 
  74. ↑ «Россия - Македония 3:0» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  75. ↑ «Россия - Македония 3:0» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  76. ↑ «Россия - Англия 2:1» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  77. ↑ «Россия - Израиль 1:2» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  78. ↑ «Россия - Андорра 1:0» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  79. ↑ «Хиддинк назвал окончательный состав сборной России на Евро-2008» (ռուսերեն)։ euro2008.lenta.ru։ Արխիվացված է օրիգինալից 2013-07-01-ին։ Վերցված է 2013-06-25 
  80. ↑ «Россия - Венгрия 1:1» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  81. ↑ «Владимир Габулов: «Рад, что добились «сухой» победы»» (ռուսերեն)։ eurosport.ru։ Արխիվացված է օրիգինալից 2013-07-01-ին։ Վերցված է 2013-06-25 
  82. ↑ «ЗАВЕЩАНИЕ АДВОКАТА» (ռուսերեն)։ sport-express.ru։ Արխիվացված է օրիգինալից 2013-07-01-ին։ Վերցված է 2013-06-25 
  83. ↑ «Россия - США 2:2» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  84. ↑ «Россия - Исландия 2:0» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  85. ↑ «Россия - Бразилия 1:1» (ռուսերեն)։ football.kulichki.net։ Արխիվացված է օրիգինալից 2013-07-01-ին։ Վերցված է 2013-06-25 
  86. ↑ «Расширенный состав национальной сборной» (ռուսերեն)։ rfs.ru։ Վերցված է 2016-10-30 
  87. ↑ «Капелло назвал окончательные составы сборной России на первые игры года» (ռուսերեն)։ lenta.ru։ Վերցված է 2016-10-30 
  88. ↑ «Смолов, Миранчук и Зобнин попали в расширенный список сборной России» (ռուսերեն)։ sports.ru։ Վերցված է 2016-10-30 
  89. ↑ «Габулов: будем ждать другого главного тренера сборной и нового тренера вратарей» (ռուսերեն)։ championat.com։ Վերցված է 2016-10-30 
  90. ↑ «Кира Габулова про семью, мужа и футбол» (ռուսերեն)։ pinkfootball.ru։ Արխիվացված է օրիգինալից 2013-07-01-ին։ Վերցված է 2013-06-25 
  91. ↑ «Владимир Габулов назвал дочь Амелией» (ռուսերեն)։ sport-express.ru։ Վերցված է 2015-01-7 
  92. ↑ «Габуловы. Братская крепость» (ռուսերեն)։ sovsport.ru։ Արխիվացված է օրիգինալից 2013-07-01-ին։ Վերցված է 2013-06-25 
  93. ↑ «Официально: Георгий Габулов перешёл в «Анжи»» (ռուսերեն)։ eurosport.ru։ Արխիվացված է օրիգինալից 2013-07-01-ին։ Վերցված է 2013-06-25 
  94. ↑ «Георгий Габулов: Все шло к тому, что я покину «Анжи»» (ռուսերեն)։ sovsport.ru։ Արխիվացված է օրիգինալից 2013-07-01-ին։ Վերցված է 2013-06-25 
  95. ↑ ««Оренбург» подписал контракт с Георгием Габуловым» (ռուսերեն)։ gazeta.ru։ Վերցված է 2016-10-30 
  96. ↑ Указ Президента РФ от 12.06.2006 N 610

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Վլադիմիր_Գաբուլով&oldid=6037767» էջից