Վլադիմիր Բուռլյուկ

Վլադիմիր Բուռլյուկ
Ծնվել է	մարտի 15 (27), 1886
Ծննդավայր	Կոտելվա, Ախթարի շրջան, Խարկովի նահանգ, Ռուսական կայսրություն
Վախճանվել է	ոչ վաղ քան 1919
Մահվան վայր	Սալոնիկ, Հունաստան
Քաղաքացիություն	Ռուսական կայսրություն
Մասնագիտություն	նկարիչ և նկարազարդող
Ոճ	Պրիմիտիվ
	Vladimir Burljuk Վիքիպահեստում

Վլադիմիր Դավիդովիչ Բուռլյուկ (ռուս.՝ Влади́мир Дави́дович Бурлю́к, մարտի 15 (27), 1886^[1], Կոտելվա, Ախթարի շրջան, Խարկովի նահանգ, Ռուսական կայսրություն - ոչ վաղ քան 1919, Սալոնիկ, Հունաստան^[1]), ռուս նկարիչ, ռուսական ֆուտուրիզմի հիմնադիրներից մեկը, Դավիթ, Նիկոլայ, Լյուդմիլա, Մարիաննա և Նադեժդա Բուռլյուկովների եղբայրը։

Կենսագրություն

Վլադիմիր Բուռլյուկը ծնվել է բազմազավակ ընտանիքում։ Սովորել է Վորոնեժի գեղարվեստի դպրոցում։ 1903 թվականին ուսումը շարունակել է Մյունխենում՝ Անտոն Աժբեի մասնավոր գեղարվեստի դպրոցում, 1904 թվականին՝ Փարիզում՝ Ֆեռնան Կորմոն ստուդիայում^[2]։ Այնուհետև ուսումը շարունակել է գեղարվեստի ուսումնարաններում. 1905-1910 թվականներին՝ Կիևում, 1911 թվականին՝ Օդեսսայում, 1911-1915 թվականներին՝ Պենզայում։

Եղել է նկարիչ, գրաֆիկ, գրքեր պատկերազարդող, բանաստեղծ։ Մասնակցել է կուբոֆուտուրիստական ցուցահանդեսների։ 1911 և 1912 թվականներին իր աշխատանքները ներկայացրել է Մյունխենում՝ «Կապույտ հեծյալ» ընկերության բազմաթիվ ցուցահանդեսներում։

1907-1910 թվականներին եղել է «Վենոկ-Ստեֆանոս» գեղարվեստական խմբի առաջնորդներից մեկը, 1910 թվականից՝ «Գիլեյա» խմբի անդամ։ Ինչպես իր եղբայր Դավիթը, նա ևս զբաղվել է գեղանկարչության մեջ հյուսվածքի և գույնի խնդիրներով։ Անդամակցել է «Ագուռի վալետ» (ռուս.՝ Бубновый валет) նկարիչների միությանը։

Առաջին համաշխարհային պատերազմի տարիներին, 1916 թվականին զորակոչվել է բանակ։ Ենթադրաբար 1917 թվականին զոհվել է Սալոնիկի ռազմաճակատում՝ ռումբի պայթյունից։

Նկարչի աշխատանքները գտնվում են Ռուսական պետական թանգարանի և Տագանրոգի գեղարվեստի թանգարանի հավաքածուում։