Վլադիմիր Բոլդիրև

Վլադիմիր Բոլդիրև
Ծնվել է	հունվարի 5, 1949(1949-01-05) (75 տարեկան)
Ծննդավայր	Ուրյուպինսկի շրջան, Վոլգոգրադի մարզ, ՌԽՖՍՀ, ԽՍՀՄ
Քաղաքացիություն	ԽՍՀՄ և  Ռուսաստան
Կրթություն	Մ. Վ. Ֆրունզեի անվան ռազմական ակադեմիա և Մոսկվայի բարձրագույն ռազմական հրամանատարական ուսումնարան
Մասնագիտություն	զինվոր
Պարգևներ և մրցանակներ	և Honored Military Specialist of the Russian Federation?
Vladimir Boldyrev Վիքիպահեստում

Վլադիմիր Անատոլևիչ Բոլդիրև (հունվարի 5, 1949(1949-01-05), Ուրյուպինսկի շրջան, Վոլգոգրադի մարզ, ՌԽՖՍՀ, ԽՍՀՄ), ռուս զինհրամանատար, պահեստազորի բանակի գեներալ։

Զինվորական ծառայությունը ԽՍՀՄ

Սովետական բանակում է 1967 թվականից։

1971 թվականին ավարտել է Մոսկվայի բարձրագույն ռազմական հրամանատարական ուսումնարանը։

1971 թվականին Բելառուսի ռազմական շրջանում ղեկավարել է մոտոհրաձգային վաշտ և մոտոհրաձգային դասակ, հետագայում դարձել է Չեխոսլովակիայի տարածքում գործող Կենտրոնական զորքերի խմբի մոտոհրաձգային գումարտակի հրամանատար։

1978 թվականին ավարտել է Մ. Վ. Ֆրունզեի անվան ռազմական ակադեմիան։

1978 թվականից բանակի շտաբի օպերատիվ բաժնի ավագ սպա է։

1979 թվականից ծառայել է Մերձբայկալյան զինվորական շրջանի զորամասերում։ Այս շրջանում նա բնակվել է Մոնղոլիայի տարածքում, եղել է մոտոհրաձգային գնդի շտաբի պետ, այնուհետև մոտոհրաձգային դիվիզիայի շտաբի պետ։

1985 թվականին նույն Մերձբայկալյան զինվորական շրջանում, բայց արդեն Բուրյաթիայի ՍՍՀ-ում դարձել է մոտոհրաձգային դիվիզիայի հրամանատար։

Սպայական ծառայության ընթացքում ստացել է զինվորական երեք կոչումներ։

Զինվորական ծառայությունը Ռուսաստանի Դաշնությունում

1992 թվականին ավարտել է ՌԴ ԶՈւ Գլխավոր շտաբի ռազմական ակադեմիան։

1992 թվականին զբաղեցրել է Լենինգրադի զինվորական շրջանի 6-րդ բանակի շտաբի պետի պաշտոնը, 1994 թվականին դարձել է նույն բանակի հրամանատարը։

1996 թվականի դեկտեմբերից Մերձբայկալյան զինվորական շրջանի զորքերի հրամանատարի առաջին տեղակալ։

1998 թվականի ապրիլից զբաղեցրել է Մերձբայկալյան զինվորական շրջանի շտաբի պետի և հրամանատարի առաջին տեղակալի պաշտոնները։

1998 թվականի դեկտեմբերի 1-ին անց է կացվել Մերձբայկալյան զինվորական շրջանի և Սիբիրի զինվորական շրջանի միավորումը, որի շտաբը գտնվում էր Չիտայում, իսկ գեներալ Վ. Ա. Բոլդիրևը նշանակվում է այս շրջանի հրամանատարի առաջին տեղակալ և շտաբի պետ։

2001 թվականի մարտի 28-ին նշանակվել է Սիբիրի զինվորական շրջանի զորքերի հրամանատար։

2002 թվականի դկետմեբերի 18-ին նշանակվել է Հյուսիսկովկասյան զինվորական շրջանի զորքերի հրամանատար

2003 թվականի դեկտեմբերի 12-ին Ռուսաստանի Դաշնության նախագահի հրամանով Բոլդիրևին շնորհվել է Բանակի գեներալի կոչում։

2004 թվականի հուլիսի 19-ին տեղափոխվել է Պովոլժիե-Ուկրաինական զինվորական շրջան։ Ռազմական շրջանում այս փոփոխության մասին կար կարծիք, որ Բոլդիրևը նախկինում երբեք չի մասնակցել ռազմական գործողությունների և չի կարող էֆեկտիվ իրականացնել Հյուսիսային Կովկասի հակաահաբեկչական գործողությունը, որում հիմնական դերը խաղում էին նրա շրջանի զինվորները։ Այս կարծիքը որոշ չափով հաստատում է այն, որ Բոլդիրևը տեղափոխվել է թիկունքային շրջան չեչենների Նազյար քաղաքի վրա հարձակումից մի քանի օր առաջ։

2008 թվականի հուլիսի 31-ից Ռուսաստանի Դաշնության ցամաքային զորքերի հրամանատարն է։

Այս պահին Ցամաքային զորքերի հրամանատարի պաշտոնը զբաղեցնում է բանակի գեներալ Վլադիմիր Անատոլևիչ Բոլդիրևը՝ լուրջ մարդ, որին ես գիտեմ։ Իմ ժամանակ նա Հյուսիսկովկասյան զինվորական շրջանի հրամանատարն էր և իր ուսերին ունի ռազմական գործողություններին մասնակցելու հարուստ փորձ - Սովետական Միության հերոս բանակի գեներալ Պավել Գրաչով ([1]

2009 թվականի դեկտեմբերի 14-ին Բոլդիրևի պայմանագիրը երկարաձգվում է, բայց արդեն 2010 թվականի հունվարի 1-ին ցամաքային զորքերի հրամանատարը ազատման դիմում է գրում։

Պարգևներ

• «Հայրենիքի առաջ մատուցած ծառայությունների համար» շքանշան IV ասիտճան
• «Զինվորական ծառայության համար» շքանշան
• Մեդալներ
• Ռուսաստանի Դաշնության վաստակավոր ռազմական մասնագետ