Jump to content

Վլադա Ավրամով

Վիքիպեդիայից՝ ազատ հանրագիտարանից
Վլադա Ավրամով
Քաղաքացիությունը  Սերբիա և Չեռնոգորիա և  Սերբիա
Ծննդյան ամսաթիվ ապրիլի 5, 1979(1979-04-05)[1] (46 տարեկան)
Ծննդավայր Նովի Սադ, ՀՍՖՀ
Հասակ 188 սանտիմետր
Քաշ 85 կիլոգրամ
Դիրք դարպասապահ
Մասնագիտական կարիերա*
Տարի Ակումբ Խաղ (Գոլ)
1999—2001 Սերբիա Վոյվոդինա 44 (−?)
2001—2006 Իտալիա Վիչենցա 86 (−110)
2005—2006 →  Իտալիա Պեսկարա 26 (−24)
2006—2011 Իտալիա Ֆիորենտինա 5 (−7)
2006—2007 →  Իտալիա Տրևիզո 38 (−41)
2011—2014 Իտալիա Կալյարի 31 (−32)
2014—2015 Իտալիա Տորինո 0 (0)
2014—2015 →  Իտալիա Ատալանտա 1 (−1)
2015 Ճապոնիա Տոկիո 8 (−7)
Ազգային հավաքական
2007 Սերբիա Սերբիա 2 (−2)
* Մասնագիտական կարիերայում ընդգրկված են միայն առաջնության խաղերը և գոլերը:

Վլադա Ավրամով (սերբ.՝ Влада Аврамов, ապրիլի 5, 1979(1979-04-05)[1], Նովի Սադ, ՀՍՖՀ), սերբ ֆուտբոլիստ, դարպասապահ, որը երկրի ազգային հավաքականում անցկացրել է երկու խաղ։

Կենսագրություն

[խմբագրել | խմբագրել կոդը]

Ակումբային կարիերա

[խմբագրել | խմբագրել կոդը]

Ավրամովն իր կարիերան սկսել է «Վոյվոդինա» (Նովի Սադ) ակումբում, որտեղ նորամուտը նշել է 19 տարեկանում Սերբիայի առաջնությունում 1999 թվականին, անցկացրել է 16 հանդիպում։ 2000 թվականին դարպասում իր խաղով գրավել է եվրոպական շատ ակումբների ուշադրությունը։

2001 թվականի ամռանը նրան գնել է իտալական «Վիչենցան», Սերիա B-ում նրա նորամուտը կայացել է «Կալյարիի» հետ խաղում։ «Վիչենցայում» անցկացրած հինգ տարիների ընթացքում նա մասնակցել է 86 հանդիպման։ 2005/06 մրցաշրջանում նա վարձավճարով խաղացել է «Պեսկարայում»։

2006 թվականի հունիսին տեղափոխվել է «Ֆիորենտինա», որի հետ կնքել է չորս տարվա պայմանագիր[2]։ Բայց ավելի փորձառու դարպասապահներ Սեբաստիան Ֆրեյի և Բոգդան Լոբոնցի կողմից մրցակցության պատճառով վարձավճարով տեղափոխվել է «Տրևիզո», որտեղ դարձել է հիմնական դարպասապահ և անցկացրել 38 հանդիպում։ 2007 թվականի ամռանը վերադառնալով Ֆլորենցիա՝ դարձել է թիմի երկրորդ դարպասապահը, Սերիա A-ում իր նորամուտը նշել է 2008 թվականի փետրվարի 17-ին «Ֆիորենտինա» - «Կատանիա» (2-1) խաղում։

2011 թվականի հուլիսի 19-ին «Կալյարի» ակումբը «Ֆիորենտինայից» գնել է խաղացողի նկատմամբ բոլոր իրավունքները[3]։ Երկու մրցաշրջանի ընթացքում Ավրամովը հիմնական դարպասապահ Միքայել Ագացիի փոխարինողն էր, բայց 2013/2014 մրցաշրջանում նա կանոնավոր կերպով խաղում էր՝ անցկացնելով 23 հանդիպում Սերիա A-ում։

2014 թվականի հուլիսի 19-ին Ավրամովը տեղափոխվել է «Տորինո»[4], սակայն, ոչ մի խաղ չխաղալով թիմի կազմում, նույն տարվա սեպտեմբերի 1-ին մեկ տարով վարձավճարով տրվել է «Ատալանտային»[5]։ «Ատալանտայում» նա փոխարինող դարպասապահ էր և մրցաշրջանի ընթացքում մասնակցել է ընդամենը երեք խաղի։ 2015 թվականի ամռանը Ավրամովը ստացել է ազատ գործակալի կարգավիճակ։

2015 թվականի սեպտեմբերի 2-ին Ավրամովը պայմանագիր է կնքել ճապոնական «Տոկիո» ակումբի հետ[6]։ Թիմում նա անցկացրել է չորս ամիս, որի ընթացքում 8 հանդիպում է անցկացրել Ճապոնիայի առաջնությունում։ 2015 թվականի դեկտեմբերի 27-ին, պայմանագրի ժամկետի ավարտից հետո, հեռացել է Ճապոնիայից[7]։

Միջազգային կարիերա

[խմբագրել | խմբագրել կոդը]

Ավրամովը Սերբիայի ազգային հավաքական է հրավիրվել 2006 թվականին։ Եվրոպայի 2008 թվականի առաջնության ընտրական մրցաշարի ժամանակ նա թիմի պահեստային դարպասապահն էր։ Նորամուտը հավաքականում տեղի է ունեցել 2007 թվականի նոյեմբերի 21-ին Լեհաստանի ազգային հավաքականի հետ խաղում։ Ավրամովը խաղադաշտում անցկացրել է ամբողջ հանդիպումը, որն ավարտվել է 2-2 հաշվով։ 2007 թվականի նոյեմբերի 24-ին նա ազգային հավաքականում անցկացրել է իր երկրորդ և վերջին հանդիպումը, որում Սերբիայի հավաքականը 1-0 հաշվով հաղթել է Ղազախստանի ազգային թիմին։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ ««Фиорентина» подписала Аврамова». Спорт-Экспресс. 2006 թ․ հունիսի 7. Վերցված է 2016 թ․ մայիսի 27-ին.
  3. ↑ «Ultim'ora: Avramov e Gozzi al Cagliari» (իտալերեն). Sito ufficiale del Cagliari Calcio. 2011 թ․ հուլիսի 19. Արխիվացված է օրիգինալից 2012 թ․ մարտի 30-ին. Վերցված է 2011 թ․ հուլիսի 19-ին.
  4. ↑ «Avramov al Toro» (իտալերեն). TORINO FC S.p.a. 2014 թ․ հուլիսի 19. Արխիվացված է օրիգինալից 2016 թ․ մարտի 12-ին. Վերցված է 2016 թ․ մայիսի 27-ին.
  5. ↑ «Avramov all'Atalanta» (իտալերեն). TORINO FC S.p.a. 2014 թ․ սեպտեմբերի 1. Վերցված է 2016 թ․ մայիսի 27-ին.
  6. ↑ «F.C.TOKYO acquire Vlada Avramov» (անգլերեն). Tokyo Football Club Co. 2015 թ․ սեպտեմբերի 2. Արխիվացված է օրիգինալից 2016 թ․ հոկտեմբերի 11-ին. Վերցված է 2016 թ․ մայիսի 27-ին.
  7. ↑ «Vlada Avramov now out of contract» (անգլերեն). Tokyo Football Club Co. 2015 թ․ դեկտեմբերի 27. Արխիվացված է օրիգինալից 2016 թ․ հոկտեմբերի 11-ին. Վերցված է 2016 թ․ մայիսի 27-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Վլադա Ավրամով» հոդվածին։
Թեմատիկ կայքեր
Ստացված է «https://hy.wikipedia.org/w/index.php?title=Վլադա_Ավրամով&oldid=9790597» էջից