Վիքիպեդիա:Վիքին սիրում է Երևանը/Կարեն Դեմիրճյանի թանգարան/Դվին հյուրանոցային համալիր
Դվին հյուրանոցային համալիր
Երևանի կենտրոնում 1978թ. կառուցված «Դվին» հյուրանոցային համալիրի նախագծի հեղինակներն են` ճարտարապետներ Ֆելիքս Հակոբյան, Աշոտ Ալեքսանյան, Էդուարդ Սաֆարյան, քանդակագործ Արամազդ Շիրազ, նկարիչ Վլադիմիր Աթանյան: Ստեղծագործական այս խումբը 1979թ. արժանացավ ՀԽՍՀ Պետական մրցանակի:
Հյուրանոցի կառուցումը կատարվել է Կոնդ թաղամասի իրացման ծրագրի շրջանակներում:
Հյուրանոցը՝ իր ենթակառուցվածքներով, 14 հարկանի մեծ շինություն է՝ ռեստորան, սրճարան, բար, հուշանվերների խանութ, ամառային սրճարան, լողավազան և այլն:
Ճարտարապետական և գեղարվեստական ոճով աչքի ընկնող հյուրանոցի ինտերյերի ձևավորմանը մասնակցել են նկարիչներ, քանդակագործներ և դեկորատիվ կիրառական արվեստի վարպետներ: Նրանք ակնհայտորեն գեղարվեստական նոր լուծումներին հաղորդել են ազգային բնույթ:
«Դվին» հյուրանոցում իջևանել են շատ անվանի մարդիկ: Այստեղ ելույթ էին ունենում հայրենական էստրադայի նշանավոր աստղեր: Հյուրանոցային համալիրի բակում` շատրվանների կողքին, տեղադրված է կոփածո պղնձից պատրաստված «Լեռնային պար» խմբաքանդակը (քանդակագործ՝ Տիգրան Արզումանյան): «Դվինը» համարվում էր երևանցիների ամենասիրելի վայրերից մեկը:
Ծանոթագրություններ[խմբագրել կոդը]
Գրականություն[խմբագրել կոդը]
Աշոտ Ալեքսանյանի անձնական արխիվ