Վիքիպեդիա:Ով է գրում Վիքիպեդիան

Օրը մթնում է ..

Սպասիր քիչ էլ ,

Թող սերենադ նվագողները կատարեն

իրենց օրվա պլանը ,

Աղջիկները  պատուհաններից

Ներս գնան,

Շները հոգնեն հաչալուց ,

Կատուները դադարեն կտուրներով  վազել ու մլավել,

Թող ժամացույցը քնեցնի քաղաքը ,

Քամին դադարի տերևներ պոկել ծառից,

Ու երբ ծառը դադարի լացել

Ես քեզ կպատմեմ իմ ներկան ,

Որտեղ բառերը քիչ են ,

Սեղանիս դրված թուղթը

քիչ թանաքոտված է ,

Ու վախենում  է մնալ սևագիր,

Քանզի վաղուց

գրիչս սովորել  է գաղտնիքներ պահել ,

Ամաչում է իր տարիքից,  

երևի,

Բարկանում ,

որ ագռավները  ամեն օր

նույն երգն են երգում,

Հարևանները նոր բաժակ  են առել  

որ թաքուն իրեն լսեն պատի միջով ,

Որ տանս դուռը՝

Օրը երկու  անգամ է

բացվում ու փակվում,

Որ հյուրեր չեմ ընդունում

էլ առաջվա նման ,

իրեն գինի չեմ տալիս,

որովհետև ինձ էլ չի հերիքում ։

Կարոտում եմ աղմուկը քո

Իմ աշխարհում ։

Մի նեղացիր,

Որ այսքան կարճ է

Պատմությունը իմ

ներկայիս մասին ։

Որովհետև՝

վաղուց սեղանիս դրված թղթերի վրա

թանաքը քիչ է ու միագույն ,

Գրիչս գաղտնապահ է դառել,

Որովհետև՝

հարևաններս ամեն առավոտ  

իմ համար

հարսնացու են փնտրում,

կեսօրին ամուսնացնում են ,

Ու երեկոյան բաժանում  

երբ մենակ եմ գալիս տուն ,

Ձեռքիս փողկապով իրար կապկպած

երկու շիշ կիսաքաղցր գինի ,

որից դու ես սիրում ։

Քիչ եմ պատմում ,  

Որովհետև վաղուց

իմ տան  պատերից

քո  օծանելիքի

բույրը չի գալիս ,

Ժամացույցս սովորել է

Լռել գիշերները,

Ու օրը երկու անգամ է

իմ տան դուռը բացվում ։

Որովհետեւ հաճախ եմ  

քնած մնում,

իսկ վաճառատներում

չեն վաճառում զարթուցիչ

որը համբույրով է արթնացնում ։

Մի նեղացիր

որ այսքան կարճ է

պատմությունը իմ

ներկայիս մասին ։

Որովհետեւ

ես ինքս էլ վաղուց

հոգնել եմ այս պաղ ,

Ու միապաղաղ

Օրերից անգույն ։  

Իմ ներկայում ՝

Հիմա միայն

մի քանի բառ է

Որպես հիշեցում,

Ու սեղանիս դրված թուղթը

Սևագիր  է դեռ,

ՈՒ գրիչս է  լռում։

Այս է իմ ներկան ։

Ու ներիր որ քեզ  

Պատմելու համար

ես չունեմ  ոչ մի

հորինված  վարկած ։

#Ասրյան Անդրանիկ