Վիքինախագիծ:Վիքին սիրում է անտառներ
սեպտեմբերի 20-ից հոկտեմբերի 10
Հայաստանի անտառները միայն բնության կարևոր բաղադրիչ չեն․ դրանք կենսաբազմազանության, ջրային և էկոհամակարգային ծառայությունների, համայնքների կենսակերպի, մշակութային ժառանգության և երկրի բնապահպանական ապագայի կարևոր մասն են։
«Վիքիմեդիա Հայաստանը» Հայաստանի անտառային դաշինքի հետ համատեղ, COP17-ի շրջանակներում, կազմակերպում է «Հայաստանի անտառային կենսաբազմազանությունը» թեմատիկայով լուսանկարչական մրցույթ։ Մրցույթը մասնակիցներին հնարավորություն կտա տեսնել և ցույց տալ Հայաստանի անտառները տարբեր տեսանկյուններից՝ ոչ միայն որպես լանդշաֆտ, այլև որպես կենդանի և փոխկապակցված էկոհամակարգ։
Լավագույն 10 լուսանկարների հեղինակները կստանան մրցանակներ։
Կարևոր է
Բոլոր լուսանկարները պետք է լինեն բնօրինակ և բեռնվեն հեղինակների կողմից:
Բոլոր լուսանկարները պետք է վերբեռնվեն 2026 թվականի սեպտեմբերի 20-ից հոկտեմբերի 10-ը։
Բոլոր լուսանկարները պետք է լինեն ազատ արտոնագրով (CC BY-SA 4.0)։
Մասնակիցները պետք է ունենան և գրանցվելուց մուտքագրեն գործող էլեկտրոնային փոստի հասցե։
Կարող եք օգտվել Հայաստանի անտառների ցանկից։
Լուսանկարները պետք է ունենան պատշաճ վերնագիր և նկարագրություն։
Համոզվեք, որ տեսանելի ջրանիշներ չկան։
Բոլոր նկարները պետք է լինեն առնվազն 2 ՄՊ։
Լուսանկարները կարող են նախապես նկարված լինել, բայց մրցույթին մասնակցելու են միայն մրցույթի օրերին Վիքիպահեստ վերբեռնված լուսանկարները։