«Վիքիմեդիա Հայաստանը» և «Դարակ» հրատարակչությունը 2025 թվականի հունվարի 15-ից փետրվարի 15-ը համատեղ կազմակերպում են «Վիքիգրաշխարհ 2025» խմբագրաթոնը, որի ժամանակ առաջարկվում է ստեղծել գրողների մասին հոդվածներ։ Մասնակիցները կստանան հավաստագրեր, մրցանակ-գրքեր, առավել ակտիվ մասնակիցները` առավել արժեքավոր գրքեր «Դարակ» հրատարակչությունից։
Խմբագրաթոնը սկսվելու է հունվարի 15-ին և տևելու է մեկ ամիս։ Հոդվածները պետք է ստեղծել տրված ցանկից, որում ընտրված հոդվածի դիմաց անպայման ստորագրեք։ Հոդված ստեղծելուց առաջ հարկավոր է գրանցվել մասնակիցների էջում։ Ստեղծված հոդվածների քննարկման էջում հարկավոր է տեղադրել խմբագրաթոնի կաղապարը։
