Վիքինախագիծ:Թափոնների կառավարում․ արտադրողի և սպառողի ընդլայնված պատասխանատվություն
|
Թափոնների կառավարում․ արտադրողի և սպառողի ընդլայնված պատասխանատվություն 2026 թվականի մարտին «Վիքիմեդիա Հայաստան» և «Հանրային իրազեկում և մոնիթորինգ» հասարակական կազմակերպությունները՝ Շվեդիայի կառավարության ֆինանսավորմամբ և ՀԱՀ Յակոբեան բնապահպանական կենտրոնի տեխնիկական աջակցությամբ իրականացվող Հայաստանում թափոնների կառավարման քաղաքականություն ծրագրի շրջանակում սկսում են «Թափոնների կառավարում․ արտադրողի և սպառողի ընդլայնված պատասխանատվություն» խմբագրական նախագիծը։ Վիքիպեդիայում խմբագրելու փորձ չունեցող մասնակիցների համար մարտի առաջին տասնօրյակում կկազմակերպվի առցանց դասընթաց։ Նախագծի ընթացքում ստեղծած հոդվածների քանակով և որակով լավագույն երեք մասնակիցները կստանան դրամական մրցանակներ և հավաստագրեր։ Հաջորդ 10 տեղերը զբաղեցրած մասնակիցները կարժանանան հավաստագրերի։ Նախագիծը կմեկնարկի մարտի 1-ին և կավարտվի մարտի 30-ին՝ Զրոյական թափոնների միջազգային օրը։ Մեկ ամսվա ընթացքում մասնակիցները կստեղծեն հոդվածներ ներկայացված ցանկերից։ Արդյունքները կհայտարարվեն ապրիլի առաջին տասնօրյակին։ Հոդված ստեղծելուց առաջ հարկավոր է գրանցվել մասնակիցների էջում։ Ստեղծված հոդվածների քննարկման էջում հարկավոր է տեղադրել խմբագրաթոնի կաղապարը։ Կարող եք նաև Ձեր մասնակցային էջերում դնել խմբագրաթոնի մասնակցի կաղապարը։
|
|
