Վիքինախագիծ:Աշխարհը կետից հետո

Աշխարհը կետից հետո խմբագրաթոն 2025 թվականի նոյեմբերի 1-ին «Վիքիմեդիա Հայաստան» և «Ինտերնետ հանրություն» հասարակական կազմակերպությունները Հայերեն Վիքիպեդիայում սկսում են դոմեններին նվիրված «Աշխարհը կետից հետո» վիքինախագիծը։ Խմբագրաթոնի ընթացքում անհրաժեշտ է ստեղծել և բարելավել հոդվածներ առաջարկված ցանկերից, որոնք վերաբերում են ազգային և ընդհանուր վերին դոմեններին և դրանց առնչվող թեմաներին։ Խմբագրաթոնը սկսվելու է նոյեմբերի 1-ին և տևելու է մեկ ամիս։ Արդյունքները կհայտարարվեն Վիքիպեդիայի ծննդյան օրը՝ հունվարի 15-ին։ Հոդված ստեղծելուց առաջ հարկավոր է գրանցվել մասնակիցների էջում։ Նախագծի ընթացքում հոդվածները պարտադիր պետք է ստեղծվեն ներկայացված ցանկերից։ Մասնակիցը, հոդվածն ընտրելուց հետո, պետք է ստորագրի ցանկերի համապատասխան վանդակում։ Նախապես կարելի է ստորագրել միայն երկու հոդվածի անվան դիմաց։ Հոդված ստեղծելուց հետո կարող եք ստորագրել նոր հոդվածի անվան դիմաց։ Ստեղծած և բարելաված հոդվածների քննարկման էջերում հարկավոր է տեղադրել խմբագրաթոնի կաղապարը։ Կարող եք նաև Ձեր մասնակցային էջերում դնել խմբագրաթոնի մասնակցի կաղապարը։ Մրցույթի շրջանակներում նշանակալի ներդրում ունեցողները կստանան դրամական մրցանակներ, իսկ ակտիվության սահմանված շեմը հաղթահարողները՝ հավաստագրեր։ Պայմաններ Հաշվի առնելով մինչև նախագծի սկիզբը ստեղծված հոդվածների բարելավման կարևորությունը՝ բարելավված հոդվածները գնահատվելիս կստանան առավելություն։ Ստեղծված և բարելավված հոդվածները պետք է բավարարեն Հայերեն Վիքիպեդիայի պահանջներին (ծավալ, որակ, աղբյուրներ)։ Թարգմանելիս ցանկալի է օգտվել առավել որակյալ այլալեզու հոդվածից։ Աղբյուրների առկայությունը ողջ տեքստի համար պարտադիր է։ Մրցանակներ Լավագույն երեք խմբագիրները կստանան դրամական մրցանակներ․  • 1-ին տեղ՝ 30․000 դրամ և հավաստագիր  • 2-րդ տեղ՝ 20․000 դրամ և հավաստագիր  • 3-րդ տեղ՝ 10․000 դրամ և հավաստագիր Հաջորդ 5 լավագույն խմբագիրները (քանակ և որակ) կստանան հավաստագրեր։

Մասնակիցներ Առաջարկվող հոդվածներ Կաղապարներ