Վիրջինիուս Սինկևիչուս
| Վիրջինիուս Սինկևիչուս | |
|---|---|
.jpg) | |
| Ծնվել է | նոյեմբերի 4, 1990[1] (32 տարեկան) |
| Ծննդավայր | Վիլնյուս, Լիտվա |
| Քաղաքացիություն |  Լիտվա |
| Կրթություն | Աբերիստուիտի համալսարան և Մաաստրիխտի համալսարան |
| Մասնագիտություն | քաղաքական գործիչ, տնտեսագետ և միջազգային ֆորումի մասնակից |
| Զբաղեցրած պաշտոններ | Member of the Seimas?, Minister of Economy and Innovation? և European Commissioner for the Environment? |
| Կուսակցություն | Lithuanian Peasant and Greens Union? |
 Virginijus Sinkevičius Վիքիպահեստում | |
Վիրջինյուս Սինկևիչուսը (լիտվերեն՝ Virginijus Sinkevičius, նոյեմբերի 4, 1990, Վիլնյուս, Լիտվա), լիտվացի քաղաքական գործիչ, ով 2019 թվականից, գլխավորությամբ, ծառայում է որպես Եվրոպական հանձնաժողովի շրջակա միջավայրի, օվկիանոսների և ձկնորսության հարցերով հանձնակատար։ Նա նախկինում եղել է Լիտվայի Հանրապետության Սեյմի անդամ և Լիտվայի Հանրապետության էկոնոմիկայի և նորարարության նախարար։ Այժմ նա մեծ դեր է խաղում եվրոպական էկոլոգիական բազմաթիվ հարցերում։
Վաղ կյանք և կրթություն[խմբագրել | խմբագրել կոդը]
2009 թվականին Սինկևիչուսն ավարտել է Սալոմեյա Ներիս գիմնազիան, Լիտվայի Վիլնյուս մայրաքաղաքում, որտեղ նա ծնվել է։ Այնուհետև նա շարունակել է իր կրթական ճանապարհը Աբերստյու համալսարանում, որտեղից ստացել է Տնտեսական և սոցիալական հետազոտությունների բակալավրի աստիճան 2012 թվականին։
2012 թվականին Սինկևիչուսը սովորում էր Լիտվայի Հանրապետության վարչապետի գրասենյակի Տարածաշրջանային և էթնիկական հարցերի բաժնում։ 2013 թվականին նա Մաաստրիխտի համալսարանում ստացել է եվրոպական ուսումնասիրությունների մագիստրոսի կոչում։
Սինկևիչուսը մայրենի լեզուն լիտվերենն է։ Նա նաև տիրապետում է անգլերեն, ռուսերեն և լեհերեն լեզուների[2]։
Վաղ կարիերա[խմբագրել | խմբագրել կոդը]
2012 թվականից 2015 թվականներին Սինկևիչյուսը եղել է Lithuania Tribune լրատվական պորտալի հեղինակ և խմբագիր։ 2013–2014 թվականներին նա աշխատել է որպես ծրագրի ղեկավարի օգնական Վաշինգտոնի Եվրոպական քաղաքականության վերլուծության կենտրոնում (CEPA):
2014 թվականին Սինկևիչուսն աշխատել է որպես միջազգային խմբի նախագծի ղեկավար «Lietuvos paštas»-ում։ 2014 թվականից 2015 թվականներին մասնակցել է «Ստեղծիր Լիտվան» ծրագրին։ 2015-ից 2016 թվականներին եղել է Լիտվայի օդանավակայանների (LTOU) կոնցեսիոն նախագծում ծրագրի համակարգող։ 2016 թվականին նա եղել է Լիտվայի հանրային ձեռնարկությունների ներդրումային միջավայրի բարելավման խմբի թիմի ղեկավար։
2017 թվականին Սինկևիչուսը ավարտեց Թվային քաղաքականության դասընթացը Օքսֆորդի համալսարանում, Օքսֆորդ, Անգլիա։
Քաղաքական կարիերա[խմբագրել | խմբագրել կոդը]
Կարիերա ազգային քաղաքականության մեջ[խմբագրել | խմբագրել կոդը]
2016 թվականի խորհրդարանական ընտրություններում Սինկևիչյուսը միանձնյա ընտրվել է Լիտվայի Հանրապետության Սեյմի պատգամավոր՝ որպես անկախ թեկնածու Վիլնյուսի Շեշկինե ընտրատարածքից։ Այնուհետև նա նշանակվեց տնտեսական հարցերի հանձնաժողովի նախագահ։
2017 թվականի նոյեմբերի 27-ին Սինկևիչուսը նշանակվել է Լիտվայի տնտեսության նախարար-վարչապետ Սաուլիուս Սկվերնելիսի կաբինետում և տնտեսության նախարարության վերակազմավորումից հետո նա դարձել է էկոնոմիկայի և նորարարության նախարար[3]։
Եվրահանձնակատար[խմբագրել | խմբագրել կոդը]
2019 թվականի օգոստոսի 22-ին Լիտվայի խորհրդարանը վերջնականապես հաստատել է Սինկևիչուսի թեկնածությունը Եվրահանձնակատարի պաշտոնում[4]։ Առաջադրումը համաձայնեցվել է վարչապետ Սկվերնելիսի և Լիտվայի ֆերմերների և կանաչների միության (LVŽS) առաջնորդի՝ Ռամունաս Կարբաուսկիսի հետ[5]։
Պաշտոնը ստանձնելուց հետո Սինկևիչուսը դարձավ ամենաերիտասարդ եվրոհանձնակատար՝ ընդամենը 28 տարեկան հասակում[6]։ Մինչ նա այդ պաշտոնը զբաղեցրել էին միայն 30 տարեկան և ավել տարիքի անձինք։
2022 թվականին Սինկևիչուսը առաջարկել է օրինականորեն պարտադիր թիրախներ՝ կիսով չափ կրճատել քիմիական թունաքիմիկատների օգտագործումը և մինչև 2030 թվականը Եվրոպական միության տարածքի առնվազն 20%-ում վերականգնել բնությունը՝ փորձելով ավելի լավ պաշտպանել առողջությունը և վերականգնել վայրի բնության ներկայացուցիչների նվազող գլխաքանակը[7]։
Ճանաչում[խմբագրել | խմբագրել կոդը]
2018 թվականին Սինկևիչուսը մրցանակ է ստացել «Տարվա լավագույն բիզնես միջավայրի համար» ասոցիացիայի կողմից ներդրողների ֆորումի կողմից և «SWITCH Tech Awards»-ում «Բլոքչեին առաջնորդություն» անվանակարգում։ 2019 թվականին նա ստացել է «Գործընկերության առաջնորդ 2018» մրցանակը նորարարական բարեփոխումների և ստարտափ էկոհամակարգի զարգացման համար Լիտվայի բիզնեսի համադաշնություն կազմակերպության կողմից։ 2018 թվականին Սինկևիչուսը ընդգրկվել է աշխարհի 100 կառավարության մեջ դեր ունեցող ամենաազդեցիկ երիտասարդների ցանկում՝ «Apolitical» կայքի կողմից[3]։
Ծանոթագրություններ[խմբագրել | խմբագրել կոդը]
- ↑ https://www.lrs.lt/sip/portal.show?p_r=35299&p_k=2&p_a=498&p_asm_id=79144
- ↑ «Virginijus Sinkevičius»
- ↑ 3,0 3,1 «Virginijus Sinkevičius»։ Lietuvos Respublikos ekonomikos ir inovacijų ministerija (Lithuanian)։ Արխիվացված է օրիգինալից 16 September 2019-ին Քաղվածելու սխալ՝ Սխալ
<ref>թեգ. «auto» անվանումը սահմանվել է մի քանի անգամ, սակայն տարբեր բովանդակությամբ: - ↑ Saulius Jakučionis (22 August 2019)։ «Lithuanian parliament approves nomination of Economy Minister Sinkevičius to European Commission»։ Lithuanian National Radio and Television
- ↑ David M. Herszenhorn (7 August 2019), Lithuania puts forward economy minister for European Commission Politico Europe.
- ↑ Eline Schaart and Louise Guillot (1 December 2020), Honeymoon’s almost over for EU’s green guardian Politico Europe.
- ↑ Kate Abnett and Francesco Guarascio (22 June 2022), EU seeks to halve use of pesticides, heal nature with landmark laws Reuters.
Արտաքին հղումներ[խմբագրել | խմբագրել կոդը]
- Վիրջինիուս Սինկևիչուս, Եվրոպական հանձնաժողով