Վիրջինիա Բրուքս
| Վիրջինիա Բրուքս | |
|---|---|
 | |
| Ծնվել է | հունվարի 11, 1886 |
| Ծննդավայր | Չիկագո, Իլինոյս, ԱՄՆ |
| Մահացել է | հունիսի 15, 1929 (43 տարեկան) |
| Մահվան վայր | Պորտլենդ |
| Քաղաքացիություն | .svg){kind=small} ԱՄՆ |
| Մասնագիտություն | գրող և սուֆրաժիստ |
 Virginia Brooks Վիքիպահեստում | |
Վիրջինիա Բրուքս հունվարի 11, 1886, Չիկագո, Իլինոյս, ԱՄՆ - հունիսի 15, 1929, Պորտլենդամերիկացի ընտրական իրավունքի պաշտպան և քաղաքական բարեփոխող էր, ով 20-րդ դարի սկզբին գործունեություն է ծավալել Չիկագոյի շրջանում և Ինդիանայի ողջ տարածքում։ Նա ծնվել է Օհայոյից Չիկագո տեղափոխված ծնողների ընտանիքում։ Բրուքսը հեղինակել է երկու գիրք՝ Little Lost Sister (1914) և My Battles with Vice (1915)[1][2]։
Վաղ կյանք
[խմբագրել | խմբագրել կոդը]Բրուքսը ծնվել է 1886 թվականի հունվարի 11-ին՝ Չիկագոյի Հայդ Պարկ թաղամասում, Օլիվեր Հ. Բրուքսի և Ֆլորա Պ. Բրուքսի ընտանիքում։ Նրա ծնողները հարեւանությամբ պանսիոնատներ ունեին։ 1913 թվականի ապրիլի 3-ին նա ամուսնացել է Չարլզ Շեֆարդ Ուոշբերնի հետ։ Զույգը մեկ որդի է ունեցել՝ Ուոլթեր Ուոշբերն անունով։
Գործունեություն
[խմբագրել | խմբագրել կոդը]
Չիկագո, Իլինոյս
[խմբագրել | խմբագրել կոդը]1910-ականներին Բրուքսը գործել է Չիկագոյում՝ համագործակցելով տարբեր խմբերի և քաղաքական բարեփոխողների հետ։ Նա մտերիմ հարաբերություններ ուներ Իդա Բ. Ուելսի հետ, ով ընտրական իրավունքի պաշտպան, լրագրող, ֆեմինիստ և Քաղաքացիական իրավունքների շարժման նշանավոր առաջնորդ էր։ Ուելսը Չիկագոյում հանդիպել էր Վիրջինիա Բրուքսին։ 1913 թվականին Բրուքսը, Բել Սքուայրի աջակցությամբ, Ուելսի հետ համատեղ ստեղծեց Alpha Suffrage Club (ASC)-ը՝ խումբ, որը նպատակ ուներ ներգրավել աֆրոամերիկացի կանանց ընտրական իրավունքի շարժման մեջ[3]։ ASC-ի առաջին նպատակը բավարար գումար հավաքելն էր, որպեսզի Ուելսը մեկնի Վաշինգտոն և ակումբի անունից մասնակցի ընտրական իրավունքի երթին։ Իլինոյսի պատվիրակության ղեկավար Գրեյս Թրաութը Ուելսին հայտնել էր, որ նա չի կարող երթին միանալ նահանգի սպիտակամորթ կանանց հետ, սակայն, եթե ցանկանա, կարող է կազմավորել սևամորթ կանանց առանձին պատվիրակություն։ Բրուքսը աջակցեց Ուելսին՝ հայտարարելով. «…միսիս Ուելսին ռասայական պատճառներով բացառելը դեմոկրատիայի սկզբունքներին հակասող կլինի»[3]։ Բրուքսը և Սքուայրը կամավոր համաձայնեցին երթի սևամորթների հատվածում քայլել իրենց ընկեր Ուելսի հետ, սակայն երթի օրը նրան ոչ մի տեղ չգտան։ Բրուքսն ու Սքուայրը վերադարձան Իլինոյսի կանանց բաժին՝ անհանգստացած Ուելսի գտնվելու վայրով։ Երբ երթը սկսվեց, Ուելսը դուրս եկավ ամբոխից և միացավ Բրուքսին ու Սքուայրին՝ քայլելով Իլինոյսի ընտրական իրավունքի պաշտպանների կողքին։
Ուեսթ Համմոնդ, Իլինոյս
[խմբագրել | խմբագրել կոդը]Բրուքսը տեղափոխվեց Ուեսթ Համմոնդ, Իլինոյս, մոր հետ՝ հորից ժառանգելով մոտ 39,000 դոլար արժողությամբ հողատարածք[4][5]։ Ուեսթ Համմոնդը Իլինոյսի և Ինդիանայի սահմանին գտնվող գյուղ էր (1923 թվականից Կալումետ Սիթիի մաս է կազմել)՝ Չիկագոյից անմիջապես հարավ։ Նա նկատեց, որ գյուղում մեծ թվով ներգաղթյալներ էին բնակվում, որոնց շահագործում էր տեղական իշխանությունը։ Բրուքսը սկսեց աշխատել գյուղի կենսապայմանների բարելավման ուղղությամբ՝ պայքարելով նրանց իրավունքների համար, ովքեր չէին կարող պաշտպանել իրենց շահերը։ Նա ակտիվորեն հանդես եկավ Ուեսթ Համմոնդում տիրող արատավոր բարքերի դեմ և բացահայտորեն քննադատեց պանդոկատերերին, որոնք փաստացի կառավարում էին գյուղը։ Իր ջանքերի համար Բրուքսը հայտնի դարձավ որպես Ուեսթ Համմոնդի «Ժաննա դ’Արկ»[6]։ Նրա քաղաքական ակտիվության առաջին քայլերից մեկը 1911 թվականին կազմակերպած արշավն էր՝ ընդդեմ Վեսթ Համմոնդի գյուղից քաղաքի կարգավիճակի անցման[7]։ . Բրուքսը կարծում էր, որ գյուղը պետք է մաքրվեր արատներից և կոռուպցիայից, նախքան նրա նոր ոճի կառավարման անցնելը: Նա միանձնյա հետևեց կոռումպացված պանդոկատերերին, ովքեր ղեկավարում էին գյուղը, և սկսեց իր բարեփոխումները: Նրա բարեփոխումների կարգախոսը հետևյալն էր. «Քվեարկեք գյուղի օգտին: Դուք չեք կարող ազնիվ քաղաք կառուցել անազնիվ գյուղում, երբ իշխանությունը դեռ գտնվում է կոռումպացվածների ձեռքում: Նախ մաքրեք»: Արշավը, ի վերջո, անհաջողության մատնվեց, սակայն գյուղը դարձավ նրա բարեփոխական աշխատանքների խորհրդանիշը, քանի որ նա օրըստօրե աշխատում էր դրական փոփոխություններ իրականացնելու համար: 1912 թվականին նա առաջադրվեց իր առաջին պետական պաշտոնի համար՝ որպես West Hammond կրթական խորհրդի 156-րդ շրջանի նախագահ (նաեւ հայտնի որպես Սոբյեսկի շրջան)[8]։ Նա հաղթեց ապրիլի 22-ին տեղի ունեցած ընտրություններում:
Ինդիանա
[խմբագրել | խմբագրել կոդը]Բրուքսը ելույթ ունեցավ Ինդիանայի տարբեր միջոցառումներին: 1912 թվականին նա Ինդիանապոլիսում հանդիսանում էր Հավասար ընտրական իրավունքի լիգայի գլխավոր խոսնակ[9]: 1912 թվականին նա նաև խոսեց իր բարեփոխումների խաչակրաց արշավի մասին Ռիչմոնդում, Ինդիանաում [10]։
Վերջին տարիներ և մահ
[խմբագրել | խմբագրել կոդը]Իր վերջին տարիներին Բրուքսը որդու՝ Ուոլթերի հետ, ով հայտնի էր որպես Բրուքս, ճանապարհորդեց դեպի արևմուտք՝ Պորտլենդ, Օրեգոն: Նա մահացավ 1929 թվականի հունիսի 15-ին Պորտլենդում իր ամուսնական անունով՝ Վիրջինիա Ուոշբերն, իսկ նրա աճյունը թաղված է Վիլհելմի Պորտլենդի հուշահամալիրում:
References
[խմբագրել | խմբագրել կոդը]- ↑ Brooks, Virginia (1914). Little Lost Sister. Gazzolo and Ricksen.
- ↑ Brooks, Virginia (1915). My Battles with Vice. Macaulay Co.
- ↑ 3,0 3,1 Rouff, Ruth A. (2010). Ida B. Wells: A Woman of Courage. West Berlin, New Jersey: Townsend Press. էջեր Chapter 20. ISBN 978-1-59194-218-4 – via Google Books.
- ↑ Bigott, Joseph (2001). From Cottage to Bungalow: Houses and the Working Class in Metropolitan Chicago, 1869-1929. Chicago, IL: University of Chicago Press. ISBN 9780226048758.
- ↑ «Virginia Brooks: 20th century Joan of Arc». Chautauqua Brochure. 1913. Վերցված է November 14, 2016-ին – via Special Collections Dept. at The University of Iowa Libraries, Iowa Digital Library.
- ↑ «The Luyceumite and Talent, Volume 6». Lyceum Magazine. University of Michigan. March 1913. Վերցված է 2018-02-19-ին – via Google Books.
- ↑ «The Lake County Times». February 1, 1911.
- ↑ «The Lake County Times». April 16, 1912.
- ↑ «The Hammond Times». April 23, 1912.
- ↑ «The Hammond Times». August 27, 1912.
 | Վիքիպահեստն ունի նյութեր, որոնք վերաբերում են «Վիրջինիա Բրուքս» հոդվածին։ |
| ||||||
