Վիոլետ Մեններս

Վիքիպեդիայից՝ ազատ հանրագիտարանից
Վիոլետ Մեններս
անգլ.՝ Violet Manners
Դիմանկար
Ծնվել էմարտի 7, 1856(1856-03-07)[1]
ԾննդավայրԼոնդոն, Մեծ Բրիտանիայի և Իռլանդիայի միացյալ թագավորություն
Մահացել էդեկտեմբերի 22, 1937(1937-12-22)[1] (81 տարեկան)
Մահվան վայրԼոնդոն, Միացյալ Թագավորություն
Գերեզման
Քաղաքացիություն Միացյալ Թագավորություն
Մասնագիտություննկարչուհի
ԱմուսինHenry Manners, 8th Duke of Rutland?[2] և Montagu Corry, 1st Baron Rowton?
Ծնողներհայր՝ Charles Lindsay?, մայր՝ Emilia Anne Browne?[1]
ԵրեխաներDiana Cooper?[2], John Manners, 9th Duke of Rutland?[2], Marjorie Paget, Marchioness of Anglesey?[2], Robert Manners, Lord Haddon?[1][2] և Lady Violet Benson?[1][2]
 Violet Manners Վիքիպահեստում

Մարիոն Մարգարեթ Վիոլետ Մաններս, Ռութլանդիայի դքսուհի (անգլ.՝ Marion Margaret Violet Manners, Duchess of Rutland, մարտի 7, 1856(1856-03-07)[1], Լոնդոն, Մեծ Բրիտանիայի և Իռլանդիայի միացյալ թագավորություն - դեկտեմբերի 22, 1937(1937-12-22)[1], Լոնդոն, Միացյալ Թագավորություն), բրիտանացի արիստոկրատ և նկարիչ։ Ռատլենդի 8-րդ դուքս Հենրի Մեններսի կինը։ Նրանք ունեցել են հինգ երեխա։

Ընտանիք, ամուսնություն և երեխաներ[խմբագրել | խմբագրել կոդը]

Մարիոն Մարգարետ Վիոլետ Լինդսեյը ծնվել է 1856 թվականի մարտի 7-ին, Լոնդոնում, Քրոուֆորդի 24-րդի կոմս Ջեյմս Լինդսեի և Մարիա Մարգարեթ Փենինգթոնի կրտսեր որդու՝ Չարլզ Հյու Լինդսեի և Լիսմորի դեկան Մոնթեգու Բրաունի և Կատերինա Պենելոպե Դե Մոնտմորենսի դստեր՝ տիկին Էմիլիա Աննա Բրաունի ընտանիքում[3][4][5]:

Հենրի Մեններսի դիմանկարը, 1891

26 տարեկան հասակում ամուսնացել է Հենրի Մեններսի՝ Ռաթլենդի 8-րդ դքսի և Կատերինա Մարլիի միակ որդու հետ։ Ամուսինները քիչ ընդհանրություններ ունեին, Հենրիին պահպանողական էր և սիրում էր որս անել, Վիոլետը հավատարիմ էր բոհեմյան կյանքին, հետաքրքրվում էր արվեստով։ Նրանք հինգ երեխա են ունեցել։ Վերջին երկու աղջիկների ծնունդը վերագրում են Վիոլետի սիրեկաններին. Լեդի Վիոլետ Կատերինան ծնվել է Ռոուտոնի առաջին բարոն Մոնթեգ Կորիից, իսկ վերջին դուստրը՝ Դիանան, Գերի Կոկեյ-Կաստից։

1888 թվականին ամուսինները դարձան Գրենբիի մարկիզներ[6]։ 1906 թվականին՝ հոր մահից հետո, Հենրին ժառանգել է նրա տիտղոսը՝ դառնալով Ռատլենդի 8-րդ դուքս, իսկ Վիոլետը դարձել է դքսուհի[7][6]։ Առաջին համաշխարհային պատերազմի ժամանակ դքսուհու տունը Արլինգտոն-սթրիթում, դարձել է հիվանդանոց[6]։ Նրա դուստրը՝ Դիանան, հիվանդանոցում եղել է բուժքույր։ Ուգո Չարթերիսը, նրա դստեր՝ Վիոլետի ամուսինը, մահացել է պատերազմի ժամանակ[6]։

1925 թվականին մահացել է Ռատլենդի դուքսը։ Նրա տիտղոսը ժառանգել է զույգի երկրորդ որդին՝ Ջոնը։ Վիոլետն ինքը՝ Ռատլենդի դքսուհին, մահացել է 1937 թվականի դեկտեմբերի 22-ին և թաղվել Մեններս ընտանիքի Բիվեր Քասլ նստավայրում[6]։

Երեխաներ։

  • Լեդի Վիկտորիա Մարջորի Գարրիեթ Մեններս (1883-1946)՝ Չարլզ Փաժեի կինը՝ Էնգլսի 9-րդ մարկիզը, վեց երեխա է ունեցել
  • Ռոբերտ Չարլզ Ջոն Մեններս (1885-1894), մահացել է երիտասարդ տարիքում
  • Ջոն Հենրի Մոնթեգյու Մեններս (1886-1940), Ռատլենդի 9-րդ դուքս, ամուսնացած է եղել Կատերինա Թեննանտի հետ, ունեցել են հինգ երեխա
  • Լեդի Վիոլետ Կատերինա Մեններս (1888-1971) Ուգո Չարթերիսի կինը, նրանից երեխաներ է ունեցել այնուհետև ամուսանացել է Գայ Բենսոնի հետ
  • Լեդի Դիանա Օլիվիա Ուինիֆրեդ Մոդ Մեններս (1892-1986) Դաֆ Քուփերի կինը նրանք ունեին չորս երեխա

Գեղարվեստական գործունեություն[խմբագրել | խմբագրել կոդը]

Լեդի Նորա Լինդսեի դիմանկարը, 1897 թվական

Վիոլետը տնային կրթություն է ստացել, իսկ նրա ընտանիքը խրախուսել է աղջկա հետաքրքրությունը արվեստի հանդեպ։ Երիտասարդ տարիքում եղել է Իտալիայում[6], որտեղ 1877 թվականին ցուցադրել է իր որոշ նկարներ և քանդակներ Գրոսվենոր պատկերասրահում, որի հիմնադիրը եղել է նրա զարմիկ Քոութս Լինդսեյը[7]։ Ինքը՝ Վիոլետն իրեն պրոֆեսիոնալ էր համարում գեղարվեստական գործում։ Նրա առավել հաջող աշխատանքներն են Լինդսեյ ընտանիքի անդամների և իր ամուսնու նկարները, նրա որոշ գործեր ցուցադրվել են Գեղարվեստի թագավորական ակադեմիայում, ինչպես նաև Ֆրանսիայում և ԱՄՆ-ում[6][8]։ 1825 թվականին մի քննադատ խոսել է դքսուհու ստեղծագործությունների մասին՝ ասելով. «Նրա ոճը հատկապես հարմար է կանացի գեղեցկության և նրբագեղության պատկերների համար, նկարչուհին ավելի շատ հաջողված է բնական դեմքեր նկարելու գործում»:

Դքսուհու նկարների ցուցադրության կազմակերպման գործում օգնել է նրա ընկերը՝ քանդակագործ Ուիլյամ Ռիդ Դիկը։ 1894 թվականին մահացել է Վիոլետի ավագ որդին։ Նա տղայի նկարն արել է Բիվեր-Կասլում գտնվող գերեզմանաքարի վրա։ Դքսուհու լավագույն ստեղծագործությունը համարվում է նրա որդուն և ընտանիքի մյուս անդամներին պատկերող աշխատանքները։ Մինչև 1937 թվականը աշխատանքները գտնվում Էին Վիոլետի լոնդոնյան բնակարանում, իսկ հետո ձեռք է բերվել Բրիտանական Թեյթ թանգարանի կողմից։ 1900 թվականին հրապարակվել են տղամարդկանց և կանանց դիմանկարները, որոնք եղել են նկարչուհու շրջապատից։

Վիոլետը եղել է Հոգու միության անդամ (անգլ.՝ The Souls), որը միավորում էր արվեստով և ինտելեկտուալ գիտություններով զբաղվող ազնվականներին։ The Lady's Realm ամսագիրը Ռատլենդի դքսուհուն անվանել է «հասարակության Թագուհի, որն ունի գեղեցկություն, արտասովոր գեղարվեստական ունակություններ, հասկանում է տնտեսական և սոցիալական հարցերից, ինչը նրան դարձնում է անվերապահ առաջնորդ»[9]։

Դքսուհին հայտնի գեղեցկուհի էր, ինչպես նրա կրտսեր դուստրը՝ Լեդի Դիանան[7]։ Վիոլետը պատկերված էր Ջեյմս Շենոնի[8] և Ջորջ Ֆրեդերիկ Ուոթսի դիմանկարներում[10]։ Նրա ժամանակակիցներից մեկը գրել է նրա մասին. «Նրա անհատականությունը գերազանց էր՝ շագանակագույն մազերը, բաց մաշկը, աչքերը, բարակ իրանը փափուկ գործվածքներից կարված ծաղկանկար զգեստնեևի մեջ»[6]։

Վիոլետն ուներ իր արվեստոցը Բյութ-հաուզում[8]։ Ամուսնու մահից հետո նա տեղափոխվել է Բելգրեյվ-սքվեր, որտեղ հիմնադրել է նոր արվեստանոց և զբաղվել արվեստով։ Ցուցահանդեսներ կազմակերպել է մինչև կյանքի վերջը։ Իր վերջին ստեղծագործությունը նա հանրությանը ներկայացրել է 1937 թվականի նոյեմբերին՝ մահից մեկ ամիս առաջ[6]։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 1,5 1,6 1,7 1,8 1,9 Lundy D. R. The Peerage
  2. ↑ 2,0 2,1 2,2 2,3 2,4 2,5 Kindred Britain
  3. ↑ Debrett's, 1902
  4. ↑ Reynolds, K.D (2004)։ «Профиль Виолет Мэннерс на Oxford Dictionary National Biography» (անգլերեն)։ Արխիվացված է օրիգինալից 2015-02-14-ին։ Վերցված է 2015-02-08 
  5. ↑ Wardleworth, 2013
  6. ↑ 6,0 6,1 6,2 6,3 6,4 6,5 6,6 6,7 6,8 Reynolds, K.D (2004)։ «Профиль Виолет Мэннерс на Oxford Dictionary National Biography» (անգլերեն)։ Արխիվացված է օրիգինալից 2015-02-14-ին։ Վերցված է 2015-02-08 
  7. ↑ 7,0 7,1 7,2 Wardleworth, 2013, էջ 74
  8. ↑ 8,0 8,1 8,2 Dakers, 1999, էջ 225
  9. ↑ Lady's Realm, 1907, էջեր 252–54
  10. ↑ Watters, 2011, էջ 743

Գրականություն[խմբագրել | խմբագրել կոդը]

[անգլ.]. — London : Yale University Press, 1999. — P. 225. — 303 p. — ISBN 0300081642.

[անգլ.]. — London : Dean & Son, Limited, 1902. — P. 226. — 963 p.

[անգլ.]. — London : Hutchinson and Company, 1907. — P. 252—54. — 464 p. — ISBN 1470141035.

[անգլ.]. — London : Ashgate Publishing, 2013. — P. 74—76. — 215 p. — ISBN 1409439712.

[անգլ.]. — London : Routledge, 2011. — P. 743. — 1012 p. — ISBN 0415668514.

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
GND: 13350235X · ISNI: 0000 0000 6688 1235 · LCCN: n2007029093 · VIAF: 57804515 · ULAN: 500126169 · WorldCat VIAF: 57804515
Ստացված է «https://hy.wikipedia.org/w/index.php?title=Վիոլետ_Մեններս&oldid=7867604» էջից