Վիշապաքար (երաժշտական խումբ)

Վիշապաքար
Երկիր	ԱՄՆ; Լոս Անջելես
Ժանրեր	բլեք մետալ; հեթանոսական մետալ
Գործունեություն	2006-ից
Կայք	MySpace
Անդամներ
	Արին Զաքարյան (ռիթմ կիթառ); Վահե Յայմանյան (կիթառ); Զարեհ Տեր-Ստեփանյան (բաս, վոկալ); Միքայել Սեմերջյան (հարվածային)
Նախկին անդամներ
	Անդրե Ավանեսյան (վոկալ, բաս)

Անվան այլ կիրառումների համար տե՛ս՝ Վիշապաքար (այլ կիրառումներ)

Վիշապաքար (անգլ.՝ Vishapakahr), ամերիկահայ երաժշտական խումբ, կազմավորվել է 2006 թվականի ամռանը Լոս Անջելեսում։ Հանդես է գալիս բլեք-մետալ և հեթանոսական մետալ ոճերով։ Խումբը հիմնվել է Անդրե Ավանեսյանի և Արին Զաքարյանի կողմից, որպես երկու երաժիշտների նախագիծ։ Երկուսն էլ ցանկություն ունեին փորձարկումներ կատարել բլեք-մետալը հնագույն հայկական միջավայրի հետ միաձուլելու գաղափարի շուրջ։ 2006 թ. վերջին խմբին միանում է կիթառահար Վահե Յայմանյանը, որին հաջորդում են մի քանի ամիս աշխատանք երգերի ձայնագրությունների վրա։ 2007 թ. ամռանը մասնակիցների սեփական ֆինանսավորմամբ թողարկվում է առաջին համանուն ալբոմը։ 2008 թ.-ին Անդրե Ավանեսյանը լքում է խումբը, իսկ Արինը ու Վահեն որոշում են շարունակել աշխատանքը խմբում։ Քիչ անց խմբին են միանում բաս-կիթառահար Զարեհ Տեր-Սիմոնյանը, որը նաև ստանձնում է վոկալիստի դերը, և թմբկահար Միքայել Սեմերջյանը, և արդեն 2009 թ. աշնանը խումբը թարմացված կազմով թողարկում է երկրորդ «Red Demo» ալբոմը։