Վինի Թուխ (մուլտֆիլմ)

Վինի Թուխ ռուս.՝ Винни-Пух
Տեսակ	կարճամետրաժ մուլտիպլիկացիոն ֆիլմ
Ժանր	հեքիաթ, մանկական ֆիլմ, երաժշտական ֆիլմ և գրական ստեղծագործության էկրանավորում
Կերպարներ	Վինի Թուխ և Դնչիկ
Հիմնված է	Վինի Թուխ
Շարքի մասն է	Վինի Թուխը և բոլորը, բոլորը, բոլորը
Ռեժիսոր	Ֆյոդոր Խիտրուկ
Սցենարիստ	Բորիս Զախոդեր
Հնչյունավորում	Եվգենի Լեոնով, Իա Սավվինա, Վլադիմիր Օսենև, Էրաստ Գարին, Զինաիդա Նարիշկինա և Anatoly Shchukin?
Պատմող	Վլադիմիր Օսենև
Բեմադրող նկարիչ	Էդուարդ Նազարով
Երաժշտություն	Մոիսեյ Վայնբերգ
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	11 րոպե
Շարք	Վինի Թուխը և բոլորը, բոլորը, բոլորը
Թվական	1969 և հուլիսի 19, 1969

Վինի Թուխ (ռուս.՝ Винни-Пух), խորհրդային նկարված մուլտֆիլմ, Ալեքսանդր Միլնի համանուն հեքիաթի էկրանավորումը։

Մուլտֆիլմերն են.

• «Վինի Թուխ» (1969 թվական, 10 րոպե 42 վայրկյան)
• «Վինի Թուխը գնում է հյուր» (1971, 9 րոպե 58 վայրկյան)
• «Վինի Թուխը և հոգսերի օրը» (1972, 19 րոպե 25 վայրկյան)։

Սյուժե

Գլուխ I, որտեղ մենք ծանոթանում են Վինի Թուխի և մի քանի կասկածելի մեղուների հետ:

Վաղուց, շատ վաղուց, կարծես անցյալ շաբաթ օրը, մի երկրում ապրել է Վինի Թուխ արջուկը։ Իսկ ինչո՞ւ է հենց այդ անունով։ Որովհետև նրա դռան վրա գրված է «Վինի Թուխ», իսկ նա ապրում է այդտեղ։ Մի անգամ Վինի Թուխը գնում է անտառ, որպեսզի մի քիչ նախաճաշի՝ նա միշտ չէր լավ ուտում և խմում։ Բացի այդ, նա բանաստեղծ էր և ազատ ժամանակ բանաստեղծություններ ու նույնիսկ երգեր էր գրում...

Անհանգիստ արջուկը քայլում էր անտառով և երգում երգեր, հանդիպում է Մեծ-ավելի մեծ կաղնուն, որի վրա՝ բարձրում, կար մեղր և մեղուներ։ Սկզբից ինքը, իսկ հետո օգնության է կանչում իր ընկեր խոզուկ Դնչիկին, արջուկ Վինի Թուխը մտածում է խորամանկ ելքեր, անհաջող փորձում է հասնել մեղրին։

Ստեղծման պատմություն

Ինչպես վերհիշում է մուլտֆիլմի ռեժիսոր Ֆեոդոր Խիտրուկը, մուլտֆիլմի գլախվոր հերոսի՝ Վինի Թուխի ձայնի հնչյունավորման դերասանի ընտրության ժամանակ եղել են դժվարություններ։

Փորձել են շատ դերասանների, բայց ոչ ոք չի համապատասխանել։ Փորձել են Եվգենի Լեոնովին, բայց նրա ձայնը նույնպես չափազանց ցածր է եղել և մուլտֆիլմ ստեղծողը նրան չի ընդունել։ Ապա ձայնային օպերատոր Գեորգի Մարտինյուկն անսպասելի առաջարկել է որոշ չափով արագացնել ձայնի ընթացքը ֆիլմում. արդյունքը եղել է նկատելի։ Ձայնը ճիշտ բնույթի էր։ Նույն տեխնիկան օգտագործել են այլ մուլտիպլիկացիոն հերոսների համար ևս։

Ինչպես Իյա Սավինան խոստովանել է, երբ նա ստեղծել է Դնչիկի կերպարը, ինքը մի փոքր նմանակել է Բելլա Ախմադուլինիայի դերակատարմանը «Ապրում է այդպիսի երիտասարդ» ֆիլմում։

Մուլտֆիլմի ոճ

Մուլտֆիլմի գեղարվեստական լուծումը միավորում է հետին պատկերների «մանկական» նկարները (օրինակ՝ հետին պլանում երևում եմ հսկայական խխունջներ, ճպուռներ, որոնք նստած են հսկայական սնկերին, ծառերի, որոնց վրա միաժամանակ աճում են խնձորներ, սալորներ և այլ մրգեր) և կերպարների նկարների այդ ժամանակի համար զարգացած սահուն գունանցումներ (անհետացել է երկրորդ մասում)։ Գործողությունները տեղի են ունենում մի հարթության վրա, ինչպես Ֆյոդոր Խիտրուկի մյուս աշխատանքներում։

Ներածական ենթագրերի շուրջ ևս ներկայացվում են «մանկական» թիթեռների, ձկների ու թռչունների և այլնի նկարներ։

Ստեղծողներ

• Սցենարի հեղինակներ՝ Բորիս Զախոդեր, Ֆեոդոր Խիտրուկ
• Ռեժիսոր՝ Ֆեոդոր Խիտրուկ
• Կոմպոզիտոր՝ Մոիսեյ Վայնբերգ
• Բեմադրող նկարիչներ՝ Վլադիմիր Զույկով, Էդուարդ Նազարով
• Օպերատոր՝ Ն. Կլիմովա
• Ձայնային օպերատոր՝ Գեորգի Մարտինյուկ
• Մոնտաժող՝ Նինա Մայորովա
• Ասիստենտներ՝ Վ. Գիլյարովա, Տատյանա Դոմբրովկայա
• Մուլտիպլիկատորներ՝ Նատալիա Բոգոմոլովա, Սվետլանա Ժուտովսկայա, Վիոլետա Կոլեսնիկովա, Մարիա Մոտրուկ, Գենադի Սոկոլսկի
• Նկարիչներ՝ Օ. Վորոբյովա, Տատյանա Կազանցևա, Մստիսլավ Կուպրաչ, Սոֆյա Միտրոֆանովա
• Խմբագրող՝ Ռաիսա Ֆրիչինսկայա
• Նկարահանման տնօրեն՝ Լյուբով Բուտիրինա

Կերպարների հնչյունավորողներ

Դերասան	Դեր
Եվգենի Լեոնով	Վինի Թուխ
Իյա Սավինա	Դնչիկ
Անատոլի Շչուկին	Ճագար
Էրաստ Գարին	Իա-Իա
Զինաիդա Նարիշկինա	Բու
Վլադիմիր Օսենև	Հեղինակ

Մրցանակներ

• 1976 թվական՝ ռեժիսոր Ֆյոդոր Խիտրուկին ԽՍՀՄ պետական մրցանակ։

Մեջբերումներ

Վինի Թուխի բոլոր երեք մուլտֆիլներում էլ կան խոսակցական հումորային մեջբերումներով։

Տարբերություն հեքիաթից

Մուլտֆիլմում (ինչպես նաև շարունակություններում) բացակայում է Քրիստաֆեր Ռոբինը, դրա համար Վինի Թուխը և նրա ընկերները չեն ապրում տղայի երևակայության մեջ, այլ նրանք գոյություն ունեն որպես անկախ էակներ։ Քրիստաֆեր Ռոբինի դերը բաժանվել է Ճագարի և Դնչիկի միջև։

Երգեր

• «Վինի Թուխի երգը», կատարում է Եվգենի Լեոնովը։
• «Վինի Թուխի և Դնչիկի երգը», կատարում են Եվգենի Լեոնովը և Իյա Սավինան։
• «Ամպիկ», կատարում է Եվգենի Լեոնովը։

Մուլտֆիլմի երգեր թողարկել է «Մեղեդի» կազմակերպությունը «Երգեր մուլտֆիմներից» հավաքածուի մեջ մանկական սկավառակների վրա (Դ-00030781 և այլն), ժապավենային գլանների և «Սվեմա» կոմպակտ-սկավառականերով։ 1990-ական թվականներին երգերը թողարկվել են «Ապրելևկա Սաունդ» թիթեղիկների, ձայնասկավառակների և կոմպակտ-սկավառակների վրա, ավելի ուշ՝ այլ ընկերությունների ժապավենների և ձայնասկավառակների, առաջին հերթին՝ «Տվիկ Լիրեկի»։

Հետաքրքիր փաստեր

1995 թվականին թողարկվել է Վինի Թուխ մուլտսերիալի աուդիո հեքիաթը Ալեքսանդր Պոժարովի հնչյունավորմամբ, «Տվիկ Լիրեկ» ընկերության ձայնասկավառակներով։

Գրականություն

• Освальд Айтен (Oswald Iten). Пух Райтермана и Пух Хитрука: сравнительная характеристика персонажей = Pooh vs. Pukh, a character analysis // Сolorful animation expressions, Швейцария (2011)(անգլ.) // ИноСМИ.ру. — 2012.
• Хитрук Ф. С. О зарождении идеи фильма Киноведческие записки № 73, 2005

Արտաքին հղումներ

• «Վինի Թուխ»(անգլ.) ֆիլմը Internet Movie Database կայքում
• «Վինի Թուխ» «Հայրենական կինոյի հանրագիտարան» կայքում
• Վինի Թուխ՝ դիտել բոլոր, բոլոր, բոլորը Archived 2014-03-05 at the Wayback Machine.
• Կադրեր մուլտֆիլմից
• Մուլտհերոսների հուշարձանը Մոսկվայում