Վիլհելմ Կյուխելբեկեր

Վիքիպեդիայից՝ ազատ հանրագիտարանից
Picto infobox auteur.png
Վիլհելմ Կյուխելբեկեր
V. K. Kyukhelbeker, 1820s.jpg
Ծնվել է հունիսի 10 (21), 1797
Ծննդավայր Սանկտ Պետերբուրգ[1]
Վախճանվել է օգոստոսի 11 (23), 1846 (49 տարեկանում)
Վախճանի վայր Տոբոլսկ[1]
Մասնագիտություն բանաստեղծ և գրող
Լեզու ռուսերեն
Wilhelm Küchelbecher Վիքիպահեստում

Վիլհելմ Կարլովիչ Կյուխելբեկեր (1797–1846), ռուս գրող, դեկաբրիստ։ Ծագումով՝ գերմանացի։

1825 թվականի դեկտեմբերի 14-ին Պետերբուրգում դեկաբրիստների ապստամբության ժամանակ իշխան Միխայիլ Պավլովիչի վրա կրակելոլ համար դատապարտվել է մահվան, որը փոխարինվել է տաժանակրությամբ։

1820-ական թվականներին քաղաքացիական պոեզիայի դիրքերից Կյուխելբեկերը հանդես է եկել սենտիմենտալիստների դեմ («Վերջին տասնամյակի մեր՝ հատկապես քնարական պոեզիայի ուղղության մասին», 1824, հոդված, «Արգոսցիներ», 1822–25, ողբերգություն, «Հռենոսյան ընկերներին», 1821, բանաստեղծություն և այլն)։ Բանտարկության և աքսորի շրջանի ստեղծագործություններում Կյուխելբեկերը հավատարիմ է իր երբեմնի իդեալներին («Էլեգիա», 1832, «Յակուբովիչի մահվան առիթով», 1846), թեև երբեմն նկատվում են միայնության և դատապարտվածության մոտիվներ («Հոկտեմբերի 19-ը», 1838, բանաստեղծություն, «Պրոկոֆի Լյապունով», 1834, ողբերգություն)։ Գրել է նաև «Վերջին Կոլոննան» (1832–42) վեպը։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png