Վիենտյան[1][2] (ֆրանսերեն՝vjɛ̃ˈtjan; լաոս.՝ ວຽງຈັນ, Վիանգ Չան, լաոս.՝ ʋíəŋ tɕàn; թաի.՝ เวียงจันทน์, Վիանգ Չան, թաի.՝ wiəŋ tɕan, քմեր.՝ វៀងច័ន្ទ, Վիենգ Չան), Լաոսի մայրաքաղաքը և խոշորագույն քաղաքը։ Տեղակայված է Մեկոնգ գետի վրա, Թայլանդի հետ սահմանից փոքր-ինչ հեռավորության վրա։
Քաղաքի անվանումը թարգմանվում է պալի լեզվից՝ որպես «ճանդակի ծառի քաղաք», ինչի մասին վկայում են հին լաոսերենով արված արձանագրությունները։
Ժամանակակից լաոսերենում քաղաքի անվանումը գրվում է նրա արտասանության ուղղագրությամբ, որն առաջացնում է անվանման մեկնաբանման զանազան տարբերակներ։ Բազմաթիվ լաոսցիներ պնդում են, որ անվանումը թարգմանվում է որպես «Լուսնի քաղաք»․ սա պայմանավորված է նրանով, որ «լուսին» (ຈັນ կամ ຈັນທຣ໌ ― չանդանից चन्द्र սանսկրիտին) և «ճանդակի ծառ» (ຈັນ կամ ຈັນທນ໌ ― չանդանից चन्दन սանսկրիտին) բառերը ժամանակակից լաոսերենում գրվում և արտասանվում են նույնությամբ՝ Չան։
Նմանօրինակ նշանակությունը («ճանդակի ծառի քաղաք») քաղաքն ունի և թաիլանդերենում (เวียงจันทน์) և կխմերերենում (វៀងចន្ទន៍)։ «Վիենտյան» բառի ռոմանականացված արտասանությունն ունի ֆրանսիական ծագում և կապված է ֆրանսերենում չոր «Չ»-ի արտասանման դժվարության հետ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 428)։
Լաոս
.svg){kind=small}
