Վիեննայի տեսարանը Բելվեդերից (նկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Վիեննայի տեսարանը Բելվեդերից
Bernardo Bellotto, called Canaletto - Vienna Viewed from the Belvedere Palace - Google Art Project.jpg
տեսակգեղանկար[1]
նկարիչԲերնարդո Բելոտո[1]
տարի18-րդ դար[1]
բարձրություն135 սանտիմետր[2]
լայնություն213 սանտիմետր[2]
նյություղաներկ[1] և կտավ[1]
գտնվում էԱրվեստի պատմության թանգարան[2]
հավաքածուԱրվեստի պատմության թանգարան[1]
կայք

«Վիեննայի տեսարանը Բելվեդերից» (իտալ.՝ Vienna vista dal Belvedere), իտալացի նկարիչ, քաղաքային բնանկարի վարպետ, Վենետիկի գեղարվեստի դպրոցի կարկատուն ներկայացուցիչ Բեռնարդո Բելլոտտոյի կտավներից: Հեղինակը կտավը վրձնել է 1759-ից 1761 թվականներն ընկած ժամանակահատվածում: Յուղաներկով կտավի չափերն են՝ 135 × 213 սմ: «Վիեննայի տեսարանը Բելվեդերից» ստեղծագործությունն այսօր պահպանվում և ցուցադրվում է Արվեստի պատմության թանգարանում (Վիեննա, Ավստրիա), (գույքագրում՝ №GG 1669):

Պատմություն[խմբագրել | խմբագրել կոդը]

Բեռնարդո Բելլոտտոն իտալացի նկարիչ Ջովաննի Անտոնիո Կանալետտոյի (1697-1768) զարմիկն է. երիտասարդ տարիքում հենց նրա մոտ է ուսանել: Այս կտավը մեկն է այն տասներեք նկարներից, որոնք մտնում են վիեննական շրջանի մեջ: Հեղինակը դրանք բոլորը ստեղծել է Սրբազան Հռոմեական կայսրության կայսրուհի Մարիա Թերեզայի (1717-1780) համար: Բեռնարդո Բելլոտտոն դրանք նկարել է հընթացս երկու տարիների, որոնք նա անցկացրել է Հաբսբուրգների մայրաքաղաքում: «Վիեննայի տեսարանը Բելվեդերից» ստեղծագործությունը գտնվում է կայսերական հավաքածուում ստեղծման օրից:

Նկարագիր[խմբագրել | խմբագրել կոդը]

«Վիեննայի տեսարանը Բելվեդերից» կտավում ներկայացված տեսարանը պատկերված է Վերին Բելվեդերից՝ պալատից, որը Ներքին Բելվեդերի հետ միասին ստեղծվել է 18-րդ դարի 20-ական թվականներին: Նկարն առանձնանում է բացառիկ տեղագրական ճշտությամբ և, հնարավոր է, որ հեղինակն աշխատել է կամերա օբսկուրայի օգնությամբ, ինչով հաճախ էին օգտվում նկարիչ-վեդուտիստները ճշգրիտ պատկերներ ստանալու համար: Բեռնարդո Բելլոտտոն նկարը ստեղծել է դետալային ճշգրտությամբ. հեռանկարը, շինությունները մարդիկ և ստվերները կառուցված է որոշ ազատությամբ: Ձախ կողմում պատկերված է Կարլսկիրխեն, աջից՝ Սալեզինյան մենաստանը: Այդ երկու շինությունների միջև՝ կտավի կենտրոնում, վեր է խոյանում Սուրբ Ստեփանոսի մայր տաճարը, որն իր գոթական աշտարակով առանձնանում է երկնքի ֆոնին: Նրա դիմաց նկատվում են Ներքին Բելվեդերն ու Շվարցենբերգի դղյակն իր ջերմատներով: Հետին պլանում երևում են Կալենբերգի և Լեոպոլդսբեգի բլուրները:

Ներքին Բելվեդերի սֆինքնսները՝ առյուծի մարմիններով և մարդկային գլուխներով, մարմնավորում են բանականություն՝ միավորված ուժի հետ: «Վիեննայի տեսարանը Բելվեդերից» ստեղծագործության համար բնութագրող հանգամանք է երկրաչափական ճշգրտությունը և մարդկանց մելանխոլիկ ոգին:

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Вольфганг Прохаска. «Венский музей истории искусств. Живопись». — Лондон: Scala Publishers, 2011. — 128 с. — («Музеи мира»). — 7000 экз. — ISBN 978-34-065-2756-2
  • «Музей истории искусства. Вена». Под ред. Сильвии Боргези. = Kunsthistorisches Museum. Vienna. — /Пер. с ит. — М.: ЗАО «БММ», 2007. — 144 с. — (Великие музеи мира). — 3000 экз. — ISBN 978-88-370-2769-8