Վերջին հացկերույթ
Վերջին հացկերույթ (վերջին ընթրիք, անգլ.՝ last meal), հատուկ սնունդ, որը տրվում է մահապատժի ենթարկված դատապարտյալներին՝ մահապատիժն իրականացնելուց առաջ։ Վերջին հացկերույթի ճաշացանկը սովորաբար ընտրում են մահապատժի ենթարկվածները՝ խելամիտ սահմաններում։ ԱՄՆ շատ նահանգներում մահապատժի ենթարկվածներն իրավունք ունեն օգտվել վերջին հացկերույթից։ Այն բացառություն է կազմում Տեխաս նահանգում, որտեղ օրենքը հանվել է 2011 թվականին, այն բանից հետո, երբ մահապատժի ենթարկվածը շատ ուտելիք էր պատվիրել և ուտելիքներին չի էլ դիպչել[1]։ Մինչ 2013 թվականը Մերիլենդ նահանգը մահապատժի ենթարկվածներին վերջին հացկերույթ չի նախատեսել, իսկ 2013 թվականին մահապատժը վերացվել է այս նահանգում[2]։
ԱՄՆ շատ նահանգներում դատապարտյալների չափազանց տարաբնույթ պահանջներից խուսափելու համար կան որոշակի սահմանափակումներ։ Ալկոհոլային խմիչքները շատ դեպքերում արգելված է մահապատժի ենթարկվածների համար։ Ֆլորիդա նահանգում դատապարտյալների պահանջած ուտելիքները պետք է ձեռք բերվի տեղի խանութներից, դրանց ընդհանուր արժեքը չպետք է անցնի 40 դոլարից։
Վերջին ուտելիքից օգտվածներ[խմբագրել | խմբագրել կոդը]
- Աջմալ Ամիր Քասաբ․ ուտելիքից հրաժարվել է, բանտարկյալների համար նախատեսված սննդից մի քանի թարմ լոլիկ է ստացել։
- Սադդամ Հուսեյն․ հավի միս բրնձի հետ, տաք ջուր և մեղր։
- Թեդ Բանդի․ ուտելիքից հրաժարվել է, բայց նրան մատուցել են սթեյք, եփած ձվեր, կարագով նրբաբլիթներ, կաթով սուրճ և հյութ։ Նա ուտելիքներին ձեռք չի տվել։
- Ադոլֆ Այքման․ մեկ շիշ չոր գինի։
- Փիթեր Քուրթեն․ շնիցել տապակած կարտոֆիլի հետ և մեկ շիշ սպիտակ գինի։
- Չարլզ Ստարկվեդեր․ սթեյք և մեկ բանկա գարեջուր։
- Էյլին Ուորնոս․ ուտելիքից հրաժարվել է, խնդրել է մեկ բաժակ սուրճ։
- Ջոն Գեյսի․ տապակած ծովախեցգետիններ, հավի մսի կտորներ, կարտոֆիլ ֆրի և ելակ։
- Գերի Գիլմոր․ համբուրգեր, պինդ եփած ձու, շոգեխաշած կարտոֆիլ, մի քանի բաժակ սուրճ և վիսկի։
- Վելմա Բարֆիլդ․ մեկ տուփ չիպս և կոկա-կոլա։
- Ռոննի Լի Գարդներ․ ծովային տասնոտանի խեցգետին (օմար), սթեյք, պաղպաղակ, կարկանդակ։
- Ռիկի Ռեյ Ռեկտոր․ սթեյք, բալի գազավորված ըմպելիք, ընկույզով կարկանդակ։
- Թոմաս Գրասսո․ շոգեխաշած մոլլուսներ, այլ ծովամթերքներ, չիզբուրգեր, ելակ, դդումով կարկանդակ, կաթնային կոկտեյլ և սպագետտի։
- Ռոբերտ Բյուելլ․ մեկ ձիթապտուղ։
- Տիմոտի Մակվե․ անանուխով պաղպաղակ՝ շոկոլադե փշուրներով։
- Ուիլյամ Բոնին․ երկու պիցցա, շոկոլադե պաղպաղակ, 18 բանկա կոկա-կոլա և պեպսի։
Ծանոթագրություններ[խմբագրել | խմբագրել կոդը]
- ↑ «В Техасе отменили последний ужин смертника» (ռուսերեն). BBC News Русская служба. Վերցված է 2019 թ․ մայիսի 14-ին.
- ↑ «Власти американского штата Мэриленд отменили смертную казнь» (ռուսերեն). РИА Новости. 20130502T2220+0400Z. Վերցված է 2019 թ․ մայիսի 14-ին.