Վերա Կոմիսարժևսկայա

Վերա Կոմիսարժևսկայա
Ծնվել է	հոկտեմբերի 27 (նոյեմբերի 8), 1864
Ծննդավայր	Սանկտ Պետերբուրգ, Ռուսական կայսրություն
Մահացել է	փետրվարի 10 (23), 1910 (45 տարեկան)
Մահվան վայր	Տաշքենդ, Թուրքեստան, Ռուսական կայսրություն
Գերեզման	Տիխվինսկոե գերեզմանատուն
Քաղաքացիություն	Ռուսական կայսրություն
Մասնագիտություն	դերասանուհի, թատրոնի դերասանուհի, դրամատուրգ, գրող և գործարար
Աշխատավայր	Ալեքսանդրինյան թատրոն և Novyj dramatičeskij teatr?
Ակտիվ շրջան	1891-1910
Ծնողներ	հայր՝ Ֆեոդաո Կոմիսարժևսկի
Ամուսին(ներ)	Vladimir Muravyov?

Վերա Ֆեոդորովնա Կոմիսարժևսկայա (ռուս.՝ Вера Фёдоровна Комиссаржевская, հոկտեմբերի 27 (նոյեմբերի 8), 1864^[1]^[2], Սանկտ Պետերբուրգ, Ռուսական կայսրություն^[1] - փետրվարի 10 (23), 1910^[1]^[2], Տաշքենդ, Թուրքեստան, Ռուսական կայսրություն^[1]), ռուս դերասանուհի։

Գործունեությունը

Բեմական գործունեությունն սկսել է 1888 թվականին, Պետերբուրգում, ապա հանդես եկել Նովոչերկասկում, Վիլնյուսում։ 1896 թվականին հրավիրվել է Պետերբուրգի Ալեքսանդրյան թատրոն, հռչակվել ամենից առաջ Նինա Զարեչնայայի դերակատարմամբ՝ Ա. Չեխովի «Ճայը» պիեսում (1896)։

1904 թվականին Պետերբուրգում բացել է սեփական թատրոն, հանդես եկել Մաքսիմ Գորկու (Վարվառա Միխայլովնա, «Հովեկներ», Լիզա, «Արևի զավակներ»), Հ. Իբսենի պիեսներում։ 1906-1907 թվականներին Վ. Մեյերխոլդի հետ սիմվոլիստական պայմանական թատրոն ստեղծելու որոնումները սուր տարաձայնություններ են առաջացրել նրանց միջև (միակ նշանակալից կատարումը եղել է Բեատրիսան Մ. Մետեռլինկի «Քույր Բեատրիսա» պիեսում)։

Կոմիսարժևսկայան հյուրախաղերի է մեկնել Հյուսիսային Ամերիկա (1908), ապա՝ Ռուսաստանի քաղաքները (1908-1910)։ Չնայած այդ ելույթների հաջողությանը, ժամանակակից թատրոնի վիճակից դժգոհ՝ Կոմիսարժևսկայան հուսահատություն է ապրել։ 1909 թվականին վճռել է թողնել բեմը և նվիրվել նոր դերասանի դաստիարակման, ստուդիադպրոցի միջոցով նոր թատրոն ստեղծելու գործին։ Սակայն վախճանվել է հյուրախաղերի ժամանակ։ Ս. Ադամյանին կոչել են հայ բեմի Կոմիսարժևսկայա։

Ծանոթագրություններ

1 2 3 4 5 6 7 8 Большая российская энциклопедия (ռուս.) — М.: Большая российская энциклопедия, 2004.
1 2 3 4 Литераторы Санкт-Петербурга. XX век (ռուս.) / под ред. О. В. Богданова

Վիքիպահեստն ունի նյութեր, որոնք վերաբերում են «Վերա Կոմիսարժևսկայա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 538)։

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

[_bd6aea62c2051885-1] 1 2 3 4 5 6 7 8 Большая российская энциклопедия (ռուս.) — М.: Большая российская энциклопедия, 2004.

[_19bae8dfcef7ce9d-2] 1 2 3 4 Литераторы Санкт-Петербурга. XX век (ռուս.) / под ред. О. В. Богданова

[1]

[2]