Վերա Ասևա

Վիքիպեդիայից՝ ազատ հանրագիտարանից
Jump to navigation Jump to search
Վերա Ասևա
Вера Ацева
Vera Aceva.jpg
 
Քաղաքացիություն՝ Flag of North Macedonia.svg Հյուսիսային Մակեդոնիա
Կուսակցություն՝ Հարավսլավիայի կոմունիստների միություն
Մասնագիտություն՝ քաղաքական գործիչ և կոմիսար
Ծննդյան օր նոյեմբերի 24, 1919(1919-11-24)
Ծննդավայր Oreovec, Պրիլեպ մունիցիպիալիտետ, Պելագոնիսկի շրջան, Հյուսիսային Մակեդոնիա
Վախճանի օր նոյեմբերի 10, 2006(2006-11-10) (86 տարեկանում)
Վախճանի վայր Սկոպյե, Հյուսիսային Մակեդոնիա
 
Պարգևներ

Հարավսլավիայի Ազգային Հերոս, Commemorative Medal of the Partisans of 1941, Order "For Merit to the People", Եղբայրության և միասնության շքանշան, Q2671719?, Order of Labour և Order of the People's Hero

Վերա Ասևա (24 նոյեմբերի, 1919, Պրիլեպ - 10 նոյեմբերի, 2006, Սկոպյե), հարավսլավացի պետական գործիչ, Երկրորդ համաշխարհային պատերազմի մասնակից, ազգային հերոս։

Կենսագրություն[խմբագրել | խմբագրել կոդը]

Վերա Ասևան ծնվել է 1919 թվականի նոյեմբերի 24-ին Պրիլեպում։ Ֆինանսական խնդիրների պատճառով չկարողանալով ավարտել գիմնազիան՝ նա սկսում է աշխատել ծխախոտի արդյունաբերությունում[1]։

16 տարեկանում մասնակցել է երկրի աշխատավորական շարժմանը։ 1940-ական թվականների սկզբին դարձել է Հարավսլավիայի կոմունիստական կուսակցության անդամ։ Նույն թվականի սեպտեմբերին կուսակցության գավառական կոնֆերանսում ընտրվել է Հարավսլավիայի կոմունիստների միության Մակեդոնիայի տարաշրջանային կոմիտեի անդամ։ 1940 թվականի սեպտեմբերից մինչև 1941 թվականի նոյեմբեր Պրիլեպում եղել է տեղի կոմիտեի քարտուղար։

Երկրորդ համաշխարհային պատերազմի տարիներին Վերա Ասևան եղել է Պրիլեպի պարտիզանական ջոկատի կազմակերպիչ։ 1942 թվականի սկզբից նա Սկոպյեում աշխատել է Հարավսլավիայի կոմունիստական կուսակցությունում, այնուհետև եղել է կուսակցական խորհրդատու Ստրումիցայում, Բիտոլայում ու Ստիպում։ 1943 թվականի օգոստոսին դարձել է ջոկատի կոմիսար, իսկ նույն թվականի նոյեմբերի 11-ից, երբ Կոսովոյում կազմավորվել է Մակեդոնիայի առաջին ջոկատը, դարձել է քաղաշխատող։ Այնտեղ նա աշխատել է մինչև 1944 թվականի հունվար, երբ ընտրվել է Մակեդոնիայի կոմունիստների միության Երրորդ ու Չորրորդ շրջկոմների քաղաքական քարտուղար։ 1944 թվականի օգոստոսին նա մասնակցել է Մակեդոնիայի ժողովրդական ազատագրման հակաֆաշիստական ժողովի առաջին նստաշրջանին, որում ընտրվել է նախագահության անդամ[2]։

Երկրի ազատագրությունից հետո Վերա Ասևան աշխատել է ղեկավար պաշտոններում։ 1948 թվականին նա եղել է Սկոպյեի քաղաքապետ։ 1948 թվականի հուլիսին Հարավսլավիայի կոմունիստական կուսակցության հինգերորդ համագումարում ընտրվել է Հարավսլավիայի կոմունիստների միության Կենտրոնական կոմիտեի անդամ։ 1949 թվականի մարտին՝ Մակեդոնիայի Ժողովրդական Հանրապետության կառավարության կազմավորման ժամանակ, Վերա Ասևան ընտրվել է գյուղատնտեսության նախարար[3]։ Նա եղել է նաև դաշնային գործադիր խորհրդի անդամ, Մակեդոնիայի Ժողովրդական Հանրապետության խորհրդարանի մի քանի գումարումների անդամ։

1960 թվականին Վերա Ասևան վիճել է Մակեդոնիայի Կոմկուսի ԿԿ այդ ժամանակվա քարտուղար Լազար Կոլիշևսկու հետ։ Վերա Ասևան Լազար Կոլիշևսկուն մեղադրել է նրա համար, որ վերջինս որոշումներ է ընդունել Վիդոե Սմիլևսկի-Բատոյի հետ՝ առանց հաշվի առնելու Մակեդոնիայի կոմունիստների միության գործադիր կոմիտեի անդամների կարծիքը։ 1960 թվականի հոկտեմբերի 18-ին Բեկգրադից եկել է Ռանկովիչը՝ մասնակցելու կուսակցական ժողովին, և անցել է Կոլիշևսկու կողմը։ Վերա Ասևան ստիպված է եղել զիջել և կուսակցական աշխատանքի է տեղափոխվել Բելգրադ[4]։

1991 թվականին Վերա Ասևան հրատարակել է «Սվետոզար Վիկմանովիկի նամակը» գիրքը։

Վերա Ասևան մահացել է 2006 թվականի նոյեմբերի 10-ին Սկոպյեում։

Մրցանակներ[խմբագրել | խմբագրել կոդը]

  • Ազգային հերոսի շքանշան
  • «Հայրենիքին մատուցած ծառայությունների համար» շքանշան
  • Եղբայրության ու միասնություն շքանշան
  • «Խիզախության համար» շքանշան
  • Պարտիզանական փառքի շքանշան (1941)

Ծանոթագրություններ[խմբագրել | խմբագրել կոդը]

  1. Darko Stuparić «Revolucionari i bez funkcija», «Otokar Keršovani», Rijeka, 1975, 405 str.
  2. Службен весник на федералната единица Македонија во Демократска и Федеративна Југославија, 1/1945, 47-48 стр.
  3. Службен весник на Народна Република Македонија, 8/48, 1 стр.
  4. Крсте Црвенковски, Мирче Томовски «Заробена вистина», «Култура», Скопје, 2003, 149—151 стр.