Վերաապահովագրում

Վիքիպեդիայից՝ ազատ հանրագիտարանից

Վերաապահովագրում, ապահովագրական ընկերությունների միջև տնտեսական ապահովագրական հարաբերությունների համակարգ, որի դեպքում ապահովագրական ընկերությունն իր կողմից ապահովագրված ռիսկերն ամբողջությամբ կամ դրանց մի մասը փոխանցում է մեկ այլ ապահովագրական ընկերության։ Վերաապահովագրություն սովորաբար կատարվում է այն ժամանակ, երբ առանձին ապահովագրական ընկերությունը չի կարողանում կատարել ապահովադիրների հանդեպ իր պարտավորությունները, երբ տեղի են ունենում խոշորածավալ վնասներ (օրինակ, օդանավի վթար, մրրիկներ, ջրհեղեղներ, երկրաշարժեր և այլն)։ Վերաապահովագրության ժամանակ վնասների փոխհատուցմանը մասնակցում են վերաապահովագրական ընկերությունները։

Վերապահովագրության ժամանակ տեղի է ունենում ապահովագրված ռիսկի երկրորդային տեղաբաշխում, որն իրենից ներկայացնում է միևնույն ապահովագրական ռիսկի նոր ապահովագրություն։ Վերաապահովագրության պայմանագիր կնքած ապահովագրողները մնում են պատասխանատու ապահովադիրների հանդեպ ապահովագրության պայմանագրով սահմանված ամբողջ ապահովագրական պատասխանատվության չափով։

Ռիսկի փոխանցումը մի ապահովագրողից մյուսին կատարվում է վերաապահովագրության պայմանագրով։ Վերաապահովագրության պայմանագրի նկատմամբ ընդհանրապես կիրառվում են ձեռնարկատիրական ռիսկի ապահովագրության կանոնները։

Վերաապահովագրական ռիսկի փոխանցման գործընթացը կոչվում է վերաապահովագրական ցեսիա (cession

Միջազգային պրակտիկայում վերաապահովագրվողին անվանում են ցեդենտ (cedent), իսկ վերաապահովագրողին՝ ցեսիոներ։ Վերաապահովագրողի վերաապահովագրության ընդունած ռիսկն ամբողջությամբ կամ մասնակի մեկ այլ վերաապահովագրողի փոխանցելու գործընթացն անվանվում է ռետրոցեսիա, իսկ առաջին վերաապահովագրողը կոչվում է ռետրոցենտ, երկրորդ վերաապահովագրողը՝ ռետրոցեսիոներ։

Վերաապահովագրողներ[խմբագրել | խմբագրել կոդը]

Վերաապահովագրող 2012 թ. բրուտտո պարգևավճարներ (մլն ԱՄՆ դոլար)[1]
Munich Re $37 251
Swiss Re $31 723
Hannover Re $18 208
Lloyd's of London $15 785
Berkshire Hathaway /General Re $15 059
SCOR $12 576
Reinsurance Group of America $8 233
China Reinsurance Group $6 708
Korean Reinsurance Company $5,113
PartnerRe $4 712
Everest Re $4 311
Transatlantic Re $3 577
London Reinsurance Group $3 319

Ծանոթագրություններ[խմբագրել | խմբագրել կոդը]

  1. «Թոփ 50 վերաապահովագրողները». «Ինշուրանս նետվորքինգ նյուզ». Արխիվացված է օրիգինալից 2015 թ․ ապրիլի 3-ին. Վերցված է 2013 թ․ օգոստոսի 23–ին-ին.

Գրականություն[խմբագրել | խմբագրել կոդը]

  • Կիրակոսյան, Կարեն (2011). «Ապահովագրական գործ», Երևան, «Կռունկ», ISBN 978-9939-9008-7-2