Վեսելին Ստոյանով

Վեսելին Ստոյանով
Բնօրինակ անուն	բուլղար․՝ Веселин Стоянов
Ի ծնե անուն	բուլղար․՝ Веселин Анастасов Стоянов
Ծնվել է	ապրիլի 20, 1902 կամ ապրիլի 7, 1902; Շումեն, Բուլղարիայի իշխանություն
Երկիր	Բուլղարիա
Մահացել է	հունիսի 29, 1969 (67 տարեկան); Սոֆիա, Բուլղարիայի Ժողովրդական Հանրապետություն
Ժանրեր	սիմֆոնիա
Մասնագիտություն	կոմպոզիտոր, դիրիժոր, երաժշտագետ և դաշնակահար
Գործիքներ	դաշնամուր
Կրթություն	Երաժշտության պետական ակադեմիա (1926)

Վեսելին Անաստասով Ստոյանով (բուլղար․՝ Веселин Анастасов Стоянов, ապրիլի 20, 1902(1902-04-20)^[1] կամ ապրիլի 7, 1902(1902-04-07)^[2], Շումեն, Բուլղարիայի իշխանություն^[2] - հունիսի 29, 1969(1969-06-29)^[1]^[2], Սոֆիա, Բուլղարիայի Ժողովրդական Հանրապետություն^[2]), բուլղարացի կոմպոզիտոր, դաշնակահար, մանկավարժ, ԲԺՀ ժողովրդական արտիստ (1962), ԲԺՀ սոցիալիստական աշխատանքի հերոս (1969)։

Կենսագրություն[խմբագրել | խմբագրել կոդը]

1926 թվականին ավարտել է Սոֆիայի Պետական երաժշտության, 1930 թվականին՝ Վիեննայի երաժշտության և բեմարվեստի ակադեմիաները։ 1937 թվականից դասավանդել է (1945 թվականից՝ պրոֆեսոր, 1943-1945 թվականներին և 1956- 1962 թվականներին՝ ռեկտոր) Պետական երաժշտական ակադեմիայում (1954 թվականից՝ Բուլղարիայի կոնսերվատորիա)։ 1953-1954 թվականներին եղել է Սոֆիայի ժողովրդական օպերայի տնօրենը։ «Կանանց թագավորություն» բուլղարական առաջին կատակերգական օպերայի (1935) հեղինակն է․ կատակերգական-գրոտեսկային են նաև «Խորամանկ Պետրոսը» օպերան (1952), «Բայ Դանյո» սիմֆոնիկ սյուիտը (1941) և այլն։ Երկերից են՝ «Սալամբո» պատմական օպերան (1940), 2 սիմֆոնիա, կանտատներ (դրանց թվում՝ ֆաշիզմի դեմ մղված պայքարին նվիրված՝ «Բալլադ հարսնացուի մասին», 1968), կոնցերտներ նվագախմբի հետ, լարային կվարտետներ, մասսայական երգեր և այլն։ Օգտվել է ազգային երաժշտության բանահյուսությունից։ 1951 թվականին ստացել է Դիմիտրովյան մրցանակ։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Archivio Storico Ricordi — 1808.

Սա կոմպոզիտորի (երգահանի) մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 146)։

[_043909a9e89fe371-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_0a68094f9220f143-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Archivio Storico Ricordi — 1808.

[1]

[2]