Վեներան Վուլկանի դարբնոցում

Վեներան Վուլկանի դարբնոցում;
տեսակ	գեղանկար
նկարիչ	Անտոնիս վան Դեյք
տարի	1630
բարձրություն	220 ± 1 սանտիմետր
լայնություն	145 ± 1 սանտիմետր
ժանր	դիցաբանական գեղանկարչություն
նյութ	յուղաներկ և կտավ
գտնվում է	Room 850?
հավաքածու	Լուվրի գեղանկարի բաժին
սեփականատեր	Լյուդովիկոս XIV
	պատկերված են
	https://livres.louvre.fr/vandyck/cats/16/ կայք
	Ծանոթագրություններ;
	Venus Asks Vulcan to Cast Arms for her Son Aeneas - Anthony van Dyck - Louvre INV 1234 Վիքիպահեստում

Վեներան Վուլկանի դարբնոցում (անգլ.՝ Venus asking Vulcan for the Armour of Aeneas), հոլանդացի նկարիչ, բարոկկոյի կարկառուն ներկայացուցիչ, գրաֆիկ Անտոնիս վան Դեյքի նկարներից։ Հեղինակը կտավը վրձնել է 1630-ից 1632 թվականներն ընկած ժամանակահատվածում։ Յուղաներկով կտավի չափերն են՝ 220 × 145 սմ։ «Վեներան Վուլկանի դարբնոցում» ստեղծագործությունն այսօր պահպանվում և ցուցադրվում է Լուվրի թանգարանում (Փարիզ, Ֆրանսիա)^[3]^[4]։

Ստեղծման պատմություն[խմբագրել | խմբագրել կոդը]

«Վեներան Վուլկանի դարբնոցում» ստեղծագործությունը հեղինակը վրձնել է Անտվերպենում ապրելու տարիներին։ Այստեղ Անտոնիս վան Դեյքն աշխատել է էրցհերցոգուհի Իզաբելլա Կլարա Եվգենիայի արքունիքում^[5]։ Ի տարբերություն իր ուսուցիչ Ռուբենսի, Դեյքը սկսում է նկարել առանց թանձր ներկերի ու լաքերի, քանի որ, ըստ իրեն, այդ ներկերը խամրեցնում են կապույտ և կանաչ երանգները։ Այդ պատճառով, իր շատ կտավներում, այդ թվում և «Վեներան Վուլկանի դարբնոցում» նկարում, հեղինակը նկարել է ընկույզի յուղի և սպիտակ կապարաներկի խառնուրդով։ Կապարաներկի՝ տաք յուղում ամբողջությամբ լուծվելուց հետո, Անտոնիս վան Դեյքը քամել է այն և լրիվությամբ սառեցել լաքը, որից հետո օգտագործել է կտավի վրա՝ մինչև թանձրանալը։ «Վեներան Վուլկանի դարբնոցում» ստեղծագործությունը վրձնելիս հեղինակը կիրառել է «ալլա-պրիմա» տեխնիկան, որը բացառում է կտավի վրա կրկնակի նկարումը։ Արդյունքում հեղինակը օգտագործել է գորշ շագանակագույն նախաներկում, սևաշագանակագույն ստվերներ, կիսերանգ գրունտ և սպիտակեցրել կապարաներկով։ Այս ամենի արդյունքում հեղինակը հասավ գույների անթափանցիկության^[6]։

Սյուժե[խմբագրել | խմբագրել կոդը]

Վերգիլիոսի «Էնեական» (8:370-385) ստեղծագործությունում պատմվում է այն մասին, թե ինչպես Վեներան գալիս իր ամուսնու՝ Վուլկանի դարբնոցը։ Այստեղ Վուլկանը աշխատում էր կիկլոպների հետ միասին։ Վեներան գալիս է դարբնոց խնդրանքով, որպեսզի ռազմական հանդերձանք պատրաստել տա Էնեասի համար (Վեներայի և Անհիսի արտամուսնական կապից ծնված որդին)։ Ռազմական հագուստներն անհրաժեշտ էին Էնեասին դեպի Լացիա արշավանքներ կատարելու համար։ Հանձնվելով Վեներայի սիրային խորամանկություններին՝ Վուլկանը կռում-կոփում է զենք ու զրահ, որոնց մեջ կար վահան, որտեղ պատկերված էր Հռոմի ապագա պատմությունը։ Կտավում պատկերված է այն պահը, երբ Վեներան Էրոսի ուղեկցությամբ գտնվում է դարբնոցում և խնդրում, որ զենք ու զրահ պատրաստեն որդու համար^[7]։

Նկարագիր[խմբագրել | խմբագրել կոդը]

«Վեներան Վուլկանի դարբնոցում» ստեղծագործությունը հեղինակը վրձնել է բարոկկո ժանրում։ Այս նկարը յուղաներկով հաստոցային նկարչություն է, կտավի հենքը բնական բամբակ է։ Նկարը ուղղահայաց է։ Էրոսը պատկերված է կոմպոզիցիայի կենտրոնում՝ կիսադարձ կանգնած վիճակում։ Վեներան գտնվում է կտավի աջ հատվածում, ամբողջ հասակով։ Վուլկանը նկարված է կտավի աջ հատվածում՝ գործի թեժ պահին։

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 ^1,17 ^1,18 ^1,19 Joconde (ֆր.) — 1975.
↑ http://cartelfr.louvre.fr/cartelfr/visite?srv=car_not_frame&idNotice=9835
↑ Maria Tsaneva Anthony van Dyck: 130 Paintings and Drawings. — Lulu Press, Inc, 2014. — ISBN 9781304825254
↑ P. T. Eden A Commentary on Virgil: Aeneid VIII. — BRILL, 1975. — С. 19. — 221 с. — ISBN 9004042253
↑ Мария Кузнецова (18 октября 2013). «Художник недели: Антонис ван Дейк». Художник недели. ARTinvestment.RU.
↑ А. Викторова Антонис ван Дейк. — Великие художники Т.68. — К: Иглмосс-Юкрейн, 2003. — С. 22-23. — 32 с.
↑ Перевод с латинского С. А. Ошерова под ред. Ф. А. Петровского. Комментарий Н. А. Старостиной. «Вергилий ЭНЕИДА КНИГА VIII». Античная литература. ancientrome.ru.

Վիքիպահեստն ունի նյութեր, որոնք վերաբերում են «Վեներան Վուլկանի դարբնոցում» հոդվածին։

[_2c0852a80a7a2355-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 ^1,16 ^1,17 ^1,18 ^1,19 Joconde (ֆր.) — 1975.

[_32f1f38a5b26ad87-2] ttp://cartelfr.louvre.fr/cartelfr/visite?srv=car_not_frame&idNotice=9835

[3] Maria Tsaneva Anthony van Dyck: 130 Paintings and Drawings. — Lulu Press, Inc, 2014. — ISBN 9781304825254

[4] P. T. Eden A Commentary on Virgil: Aeneid VIII. — BRILL, 1975. — С. 19. — 221 с. — ISBN 9004042253

[5] Мария Кузнецова (18 октября 2013). «Художник недели: Антонис ван Дейк». Художник недели. ARTinvestment.RU.

[6] А. Викторова Антонис ван Дейк. — Великие художники Т.68. — К: Иглмосс-Юкрейн, 2003. — С. 22-23. — 32 с.

[7] Перевод с латинского С. А. Ошерова под ред. Ф. А. Петровского. Комментарий Н. А. Старостиной. «Вергилий ЭНЕИДА КНИГА VIII». Античная литература. ancientrome.ru.

[1]

[2]

[3]

[4]

[5]

[6]

[7]