Վենետիկի ռազմածովային պատմության թանգարան

Վենետիկի ռազմածովային պատմության թանգարան
Տեսակ	ծովային թանգարան
Երկիր	Իտալիա
Տեղագրություն	Կաստելլո
Վայր	Կաստելլո
Հասցե	Castello (sestiere di Venezia) 2148Riva San Biagio?
Հիմնադրված է	1919
Կայք	marina.difesa.it/venezia/index.asp

Վենետիկի ռազմածովային պատմության թանգարան (իտալ.՝ Museo Storico Navale)՝ թանգարան, որը գտնվում է Վենետիկում։ Այն նվիրված է Վենետիկյան Հանրապետության ու Իտալիայի ռազմածովային նավատորմի պատմությանը։

Պատմություն[խմբագրել | խմբագրել կոդը]

Ֆրանչեսկո Գվարդի, Բուճինտորո Սուրբ Նիկոլայի եկեղեցու մոտ Համբարձման օրը (1775—1780)

Թանգարանը հիմնադրվել է 1919 թվականին Իտալիայի Թագավորական Ռազմածովային նավատորմի կողմից.^[1] ։ Թանգարանի նախատիպը եղել է Վենետիկյան Արսենալի «Նորաձևության տունը»։ Այնտեղ պահպանվել են Արսենալում պատրաստված նավերի նմուշներ, որոնք կազմել են նավաշինության նախագծման և շինարարական գործընթացի մի մասը^[2] ։

Հավաքածուի մեջ ընդգրկվել են նաև ծովային մասունքներ, ռազմածովային գերեվարված իրեր, որնք նախկինում պահպանված են եղել Արսենալում և Դոժերի պալատում։

1964 թվականին թանգարանը տեղափոխվել է 15-րդ դարի կառուցած հինգ հարկանի մի շենքի զինանոց։ Ժամանակին այնտեղ պահվել է հացահատիկ, որից պատրաստել են թխվածքաբլիթներ և դրանք հիմնականում ձիավարների ուտելիքի մասն են կազմել։

Հավաքածու[խմբագրել | խմբագրել կոդը]

Հիմնական շինությունը 4000 քմ է, իսկ ցուցադրությունները ներկայացված են 42 սրահներում։

1961 թվականից շենքի գլխավոր մուտքի առջև ցուցադրվում է Առաջին համաշխարհային պատերազմի ժամանակ գրավված ռազմական իրեր ՝ Ավստրո-Հունգարիայի ռազմածովային ուժերի երկու ռազմական նավեր ՝ SMS Viribus Unitis-ը և SMS Tegetthoff-ը։

Երկրորդ հարկի Վենետիկյան դոժի շքերթային պատկերասրահում առանձին սենյակ նվիրված է Բուչինտորոյին (իտալ.՝ Bucintoro), այն օգտագործվում Վենետիկի հանրապետության ամենամյա «Նշանդրեք ծովի հետ» արարողություն ժամանակ։

Չորրորդ հարկում է գտնվում «Շվեդական սրահը» (իտալ.՝ Sala svedese)՝ նվիրված իտալական և շվեդական նավատորմի հարաբերություններին։

Թանգարանում կա նաև «Նավերի սրահ» (իտալ.՝ Padiglione delle navi), որտեղ ցուցադրվում են տարբեր դարաշրջանների նավեր (սրահը բաց է միայն հատուկ հատուկ առիթների համար)։