Վեդրան Սմայլովիչ
| Վեդրան Սմայլովիչ | |
|---|---|
 | |
| Ծնվել է | նոյեմբերի 11, 1956 (67 տարեկան) Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ |
| Երկիր |  Բոսնիա և Հերցեգովինա |
| Ժանրեր | դասական երաժշտություն |
| Մասնագիտություն | երաժիշտ և կոմպոզիտոր |
| Գործիքներ | թավջութակ |
 Vedran Smailović Վիքիպահեստում | |
Վեդրան Սմայլովիչ (բոս․՝ Vedran Smailović, հայտնի է «Թավջութակահար Սարաևոյից» անունով (անգլ.՝ Cellist of Sarajevo), նոյեմբերի 11, 1956, Սարաևո, Բոսնիայի և Հերցեգովինայի Սոցիալիստական Հանրապետություն, ՀՍՖՀ), պրոֆեսիոնալ երաժիշտ Բոսնիա և Հերցեգովինայից։
Սարաևոյի պաշարման ժամանակ Վեդրան Սմայլովիչը շարունակել է ամեն օր (նույնիսկ գնդակոծությունների և դիպուկահարների կրակոցների ժամանակ) նվագել՝ դառնալով մարդու և երաժշտի ոգևորող օրինակ։ 1993 թվականին՝ սարսափելի պաշարման երկրորդ տարում, որը տևել է 1992 թվականի ապրիլի 5-ից մինչև 1996 թվականի փետրվարի 29-ը (1425 օր)[1], նրան հաջողվել է դուրս գալ պաշարված Բոսնիայից և հայտնվել Հյուսիսային Իռլանդիայում[2]։
Անգլիացի կոմպոզիտոր Դեվիդ Ուայլդը Վեդրանին է նվիրել Յո-Յո Մա-ի կողմից ձայնագրված «The Cellist of Sarajevo» երաժշտական պիեսը[3]։ Savatage խմբի «Dead Winter Dead» ընդհանուր ալբոմը ևս ոգեշնչված է Սմայլովիչի պատմությամբ։
Բոսնիա և Հերցեգովինայի ազգային համալսարանական գրադարանի վերակառուցումից հետո՝ 2014 թվականի մայիսի 9-ին, Սարաևոյի ֆիլհարմոնիկ նվագախմբի և Վեդրան Սմայլովիչի մասնակցությամբ տեղի է ունեցել գրադարանի հանդիսավոր բացումը։
Ծանոթագրություններ[խմբագրել | խմբագրել կոդը]
- ↑ «Photo Gallery: The Siege Of Sarajevo»։ RadioFreeEurope / RadioLiberty։ Վերցված է հունիսի 7, 2017
- ↑ «The Story of the Sarajevo String Quartet with Dr. Dijana Ihas»։ Welcome to the website of Music for Young Violinists!։ Արխիվացված է օրիգինալից 2017-09-07-ին։ Վերցված է հունիսի 7, 2017
- ↑ Sharrock David (հունիսի 17, 2008)։ «Out of the war into a book and into a rage»։ The Australian։ Վերցված է հունվարի 31, 2012