Վարոս Խաչատրյան

Վարոս Խաչատրյան
Ծնվել է	մայիսի 26, 1933(1933-05-26) (90 տարեկան)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	ՀԱՊՀ (1955)
Կոչում	պրոֆեսոր
Գիտական աստիճան	տեխնիկական գիտությունների դոկտոր (1974)
Աշխատավայր	Էներգետիկայի գիտահետազոտական ինստիտուտ և ՀԱՊՀ

Վարոս Սարգսի Խաչատրյան (մայիսի 26, 1933(1933-05-26), Երևան, Հայկական ԽՍՀ, ԱԽՖՍՀ, ԽՍՀՄ), հայ էներգետիկ։ Տեխնիկական գիտությունների դոկտոր (1974), պրոֆեսոր (1979):

Կենսագրություն

Վարոս Խաչատրյանը ծնվել է 1933 թվականի մայիսի 26-ին, Երևան քաղաքում։ 1955 թվականին ավարտել է Երևանի պոլիտեխնիկական ինստիտուտը։ 1978-1981 թվականներին՝ էներգետիկայի ինստիտուտի տնօրեն, 1981-2001 թվականներին՝ Հայաստանի պետական ճարտարագիտական համալսարանի էլեկտրական կայանների, ցանցերի և համակարգերի ամբիոնի վարիչ։

Աշխատանքները վերաբերում են բարդ էլեկտրական համակարգերի կայուն և լավարկային ռեժիմների մաթեմատիկական մոդելների կառուցման և իրացման մեթոդներին, բաշխված պարամետրերով երկար էլեկտրական գծերի կայուն և անցումային ռեժիմների հաշվարկին։ Համահեղինակ է «էլեկտրաէներգետիկական համակարգերի օպտիմալ զարգացման մաթեմատիկական մոդելները և նրանց իրացումը» (2001) ուսումնական ձեռնարկի։

Երկեր

• Էլեկտրաէներգետիկական համակարգերի կայունացված ռեժիմների հաշվման և վերահաշվման մեթոդները, Երևան, 1997 (համահեղինակ)։
• Էլեկտրակայանների ավտոմատ կառավարման համակարգեր։ Ուս. ձեռնարկ, 1988 (համահեղինակ)։

Ծանոթագրություններ

Վիքիդարանն ունի նյութեր, որոնք վերաբերում են «Վարոս Խաչատրյան» հոդվածին։