Վարդաս Փոկաս
| Վարդաս Փոկաս | |
|---|---|
| Ծնվել է | 940 կամ անհայտ |
| Ծննդավայր | Cappadocia, Բյուզանդական կայսրություն |
| Մահացել է | ապրիլի 13, 989 |
| Մահվան վայր | Abydos, Բյուզանդական կայսրություն |
| Քաղաքացիություն | Բյուզանդական կայսրություն |
| Մասնագիտություն | սպա, ռազմական գործիչ և պաշտոնյա |
| Ծնողներ | հայր՝ Leo Phokas the Younger? |
| Զբաղեցրած պաշտոններ | ստրատեգոս և Դուքս |
| Երեխաներ | Նիկեփորոս Ծռվիզ և Leon Phokas? |
 Bardas Phokas Վիքիպահեստում | |
Վարդաս Փոկաս (հունարեն՝ Βάρδας Φωχάς, 940 կամ անհայտ, Cappadocia, Բյուզանդական կայսրություն - ապրիլի 13, 989, Abydos, Բյուզանդական կայսրություն), 10-րդ դարի հայազգի բյուզանդական զորավար։ Փոկասների ընտանիքից։ Նիկեփորոս Փոկաս կայսեր եղբորորդին։ Եղել է Խաղտիք բանակաթեմի դուքս։ 970 թվականին ապստամբել է Հովհաննես I Չմշկիկի դեմ և իրեն հռչակել կայսր, սակայն ընդառաջելով իր խնամի Վարդաս Սկլերոսի կոչին, հանձնվել է վերջինիս։ Կայսրը Վարդաս Փոկասին աքսորել է Քիոս։ Երբ Վասիլ 2-րդի դեմ է ապստամբել Վարդաս Սկլերոսը, կայսեր սենեկապետ Վասիլը 978 թվականին աքսորից ազատել է Վարդաս Փոկասին, նրան շնորհել մագիստրոսի պատվաստիճան և, սպարապետ նշանակելով, ուղարկել է Վարդաս Սկլերոսի դեմ։ Փոքր Ասիայի Ամորիոն քաղաքի մոտ և Խարսիանոն բանակաթեմում Վարդաս Փոկասը պարտվել է, սակայն օգնություն ստանալով Դավիթ Կյուրոպաղատից Հալիս գետի մոտ՝ Պանկալիա վայրում, պարտության է մատնել Վարդաս Սկլերոսին։ 987 թվականին Վարդաս Փոկաս ապստամբել է Վասիլ 2-րդի դեմ և իրեն հռչակել կայսր։
Կայսրը դիմել է Կիևյան Ռուսիայի իշխան Վլադիմիրին և նրանից զինական օգնություն ստացել։
Աբիդոսի մոտ մարտի ընթացքում Վարդաս Փոկասը հանկարծակի վախճանվել է․ նրան թունավորել էր կայսեր կողմից կաշառված մեկը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 326)։  |
 |
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |