Վարդան Դեմիրճյան

Վարդան Դեմիրճյան;
Ծնվել է	ապրիլի 20, 1939 կամ 1939
Ծննդավայր	Բեյրութ, Լիբանան
Մահացել է	սեպտեմբերի 9, 2004 կամ 2004
Մահվան վայր	Անթիլիաս, Մաթնի շրջան, Լեռնային Լիբանան, Լիբանան
Կրոն	Հայ Առաքելական Եկեղեցի
Կրթություն	Սուրբ Ժոզեֆի համալսարան
Մասնագիտություն	հոգևորական, բանասեր, մատենագետ, խմբագիր, հոգևորական և արքեպիսկոպոս
Աշխատատու	Ատրպատականի թեմ և Հունաստանի հայոց թեմ

Վիքիպեդիայում կան հոդվածներ Դեմիրճյան ազգանունով այլ մարդկանց մասին։

Վարդան Դեմիրճյան (ավազանի անունը՝ Հովսեփ, ապրիլի 20, 1939(1939-04-20) կամ 1939^[1], Բեյրութ, Լիբանան - սեպտեմբերի 9, 2004(2004-09-09) կամ 2004^[1], Անթիլիաս, Մաթնի շրջան, Լեռնային Լիբանան, Լիբանան), եկեղեցական գործիչ, արքեպիսկոպոս, մատենագետ, խմբագիր։

Կենսագրություն

1952-1958 թվականներին Վարդան Դեմիրճյանը սովորել է Անթիլիասի դպրեվանքում, իսկ 1958-1961 թվականներին հետևել է Բեյրութի Սեն Ժոզեֆ համալսարանի աստվածաբանության և իմաստասիրության դասընթացներին։ Եղել է Անթիլիասի Մայրավանքի տպարանի, ապա՝ գրատան վարիչ, 1961-1963 թվականներին՝ Հայաստանյայց եկեղեցու կիրակնօրյա վարժարանների վարիչ-տնօրեն և «Դրազարկ» տարեգրքի հիմնադիր-խմբագիր^[2]^[3]։

1963-1969 թվականներին Վարդան Դեմիրճյանը եղել է Ատրպատականի, 1969-1971 թվականներին՝ Հունաստանի հայոց թեմերի առաջնորդ։ 1972 թվականից գործել է Անթիլիասում, 1977 թվականին ձեռնադրվել է եպիսկոպոս, 1982-1984 թվականներին եղել է «Նոր Այնթապ» պարբերականի խմբագիրը, ցկյանս վարել է մատենադարանի և թանգարանի տնօրենի պաշտոնները^[2]^[3]։

Աշխատություններ

Վարդան Դեմիրճյանը կազմել է «Ցուցակ ձեռագրաց Մեծի Տանն Կիլիկիոյ կաթողիկոսութեան» (1959), «Ցուցակ ձեռագրաց Թաւրիզի Մելիք-Թանգեան ազգային եկեղեցական թանգարանի» (1977, Անթիլիաս) մատենագիտությունները, «Ծաղկեփունջ քարոզներու եւ ուսումնասիրութիւններու (1957-1981)» (1981, Բեյրութ, «Տոնիկյան» տպարան), «Դիմաստուերներ» (1983, Բեյրութ, «Արազ» տպարան) ուսումնասիրությունները^[2]։

Աշխատակցել է «Հասկ» և այլ պարբերականների^[2]։

Ծանոթագրություններ

1 2 3 4 Deutsche Nationalbibliothek Record #1139670409 // Gemeinsame Normdatei (գերմ.) — 2012—2016.
1 2 3 4 Այվազյան, Հովհաննես, ed. (2015). Հայ գրատպություն և գրքարվեստ. հանրագիտարան. Երևան: Հայկական հանրագիտարան հրատարակչություն. էջ 336. ISBN 978-5-89700-042-5.
1 2 «ՊԱՏՄՈՒԹԵԱՆ ՄԷՋ ԱՅՍՕՐ. Վարդան Տէմիրճեան».

Աղբյուրներ

«Մահագրական. Տ. Վարդան Ս. Արք. Տէմիրճեան (1939-2004)», Հայկազեան Հայագիտական Հանդէս, հատոր ԻԴ, 2004, էջեր 415-417։

[_5e636f48d6a8b54c-1] 1 2 3 4 Deutsche Nationalbibliothek Record #1139670409 // Gemeinsame Normdatei (գերմ.) — 2012—2016.

[Հայ_գրատպություն_և_գրքարվեստ-2] 1 2 3 4 Այվազյան, Հովհաննես, ed. (2015). Հայ գրատպություն և գրքարվեստ. հանրագիտարան. Երևան: Հայկական հանրագիտարան հրատարակչություն. էջ 336. ISBN 978-5-89700-042-5.

[chap-3] 1 2 «ՊԱՏՄՈՒԹԵԱՆ ՄԷՋ ԱՅՍՕՐ. Վարդան Տէմիրճեան».

[1]

[2]

[3]