Վասիլի Պուստովոյտ

Վասիլի Պուստովոյտ; Василий Пустовойт
Ծնվել է	հունվարի 2 (14), 1886; Տարանովկա, Զմիյովի շրջան, Ուկրաինա
Մահացել է	հոկտեմբերի 11, 1972 (86 տարեկան); Կրասնոդար, ԽՍՀՄ
Գերեզման	Սլավոնական գերեզմանատուն
Քաղաքացիություն	Ռուսական կայսրություն և ԽՍՀՄ
Մասնագիտություն	գենետիկ
Հաստատություն(ներ)	Կուբանի պետական ագրարային համալսարան
Գործունեության ոլորտ	Արհեստական ընտրություն
Անդամակցություն	ԽՍՀՄ գիտությունների ակադեմիա և Լենինի անվան ՀամԳԳԱ
Ալմա մատեր	Կուբանի պետական ագրարային համալսարան
Գիտական աստիճան	գյուղատնտեսական գիտությունների դոկտոր
Պարգևներ	; ; ; ; ; և
Կուսակցություն	ԽՄԿԿ
	Vasily Pustovoyt Վիքիպահեստում

Վասիլի Ստեպանովիչ Պուստովոյտ (ռուս.՝ Василий Степанович Пустовойт, հունվարի 2 (14), 1886, Տարանովկա, Զմիյովի շրջան, Ուկրաինա - հոկտեմբերի 11, 1972(1972-10-11)^[1], Կրասնոդար, ԽՍՀՄ^[1]), խորհրդային սելեկցիոներ, ԽՍՀՄ ԳԱ (1964) և ՀամԳԳԱ (1956) ակադեմիկոս, սոցիալիստական աշխատանքի կրկնակի հերոս (1957, 1963), ՌՍՖՍՀ գիտության վաստակավոր գործիչ (1969)։

Կենսագրություն

Ավարտել է Կուբանի գյուղատնտեսական ինստիտուտը (Կրասնոդար, 1926), որտեղ եղել է գենետիկայի, սելեկցիայի և սերմնաբուծության ամբիոնի վարիչ (1926-1930)։ 1912 թվականին Կուբանի գյուղատնտեսական դպրոցին կից կազմակերպել է «Կրուգլիկ» սելեկցիոն փորձադաշտը, որը 1932 թվականին վերակազմվել է Ձիթատու կուլտուրաների համամիութենական ԳՀԻ-ի։

Աշխատանքներ

1935-1972 թվականները այս ինստիտուտում եղել է ձիթատու կուլտուրաների սելեկցիայի և սերմնաբուծության բաժնի ու արևածաղկի սելեկցիայի լաբորատորիայի վարիչը։ Պուստովոյտը արևածաղկի ձիթատու սորտերի սելեկցիայի նախաձեռնողներից է։

Մշակել է արևածաղկի սերմնաբուծությունը բարելավող նոր, բարձր արդյունավետ սելեկցիայի համակարգեր։ Ստեղծել է արևածաղկի բարձր ձիթատու (բացարձակ չոր սերմերի յուղայնությունը մինչև 57%), վարակադիմացկուն 20 սորտ։ 1974 թվականին Պուստովոյտի ստեղծած սորտերը ԽՍՀՄ-ում զբաղեցնում էին արևածաղկի սորտային ցանքերի կեսից ավելին, արտասահմանյան երկրներում՝ մոտ 1 միլիոն հա։ ՌԽՖՍՀ 3-5 և 8-րդ գումարումների Գերագույն խորհրդի դեպուտատ։

Պարգևներ

Պարգևատրվել է Լենինի 3, Հոկտեմբերյան հեղափոխության և այլ շքանշաններով, մեդալներով, արտասահմանյան երկրների 3 շքանշաններով։ ԽՍՀՄ պետական (1946), լենինյան (1959) մրցանակներ։

Ծանոթագրություններ

1 2 3 4 Пустовойт Василий Степанович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

Վիքիպահեստն ունի նյութեր, որոնք վերաբերում են «Վասիլի Պուստովոյտ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 465)։

[_6899193ef8aec8cc-1] 1 2 3 4 Пустовойт Василий Степанович // Большая советская энциклопедия (ռուս.): [в 30 т.] — 3-е изд. — М.: Советская энциклопедия, 1969.

[1]