Վասիլի Գրոսման

Վասիլի Գրոսման
Ծնվել է	նոյեմբերի 29 (դեկտեմբերի 12), 1905
Ծննդավայր	Բերդիչև, Berditshev County, Կիևյան գուբերնիա, Ռուսական կայսրություն
Վախճանվել է	սեպտեմբերի 14, 1964(1964-09-14) (58 տարեկանում)
Վախճանի վայր	Մոսկվա, ՌԽՖՍՀ, ԽՍՀՄ
Մասնագիտություն	ռազմական թղթակից, լրագրող, գրող, վիպասան և սցենարիստ
Լեզու	ռուսերեն
Քաղաքացիություն	ԽՍՀՄ
Կրթություն	Մոսկվայի պետական համալսարանի քիմիական ֆակուլտետ
Ուշագրավ աշխատանքներ	Կյանքը և ճակատագիրը
Անդամակցություն	ԽՍՀՄ Գրողների միություն
Աշխատավայր	DNMU
Պարգևներ	«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ Կարմիր դրոշի շքանշան Կարմիր Աստղի շքանշան Աշխատանքային Կարմիր դրոշի շքանշան Մեդալ «Ստալինգրադի պաշտպանության համար» «Վարշավայի ազատագրման համար» մեդալ և «Բեռլինի գրավման համար» մեդալ
Vasily Grossman Վիքիպահեստում

Վասիլի Սեմյոնովիչ Գրոսման (ռուս.՝ Васи́лий Семёнович Гро́ссман, նոյեմբերի 29 (դեկտեմբերի 12), 1905, Բերդիչև, Berditshev County, Կիևյան գուբերնիա, Ռուսական կայսրություն - սեպտեմբերի 14, 1964(1964-09-14), Մոսկվա, ՌԽՖՍՀ, ԽՍՀՄ), ռուս խորհրդային գրող։

Առաջին վիպակը՝ «Գլյուկաուֆ»-ը (1934), պատկերում է Դոնբասի ածխահատների կյանքը։ «Ստեպան Կոլչուգին» քառահատոր վեպը (1937—1940) ռուսական բանվոր դասակարգի կյանքի համայնապատկերն է: Հայրենական մեծ պատերազմի ժամանակ եղել է խորհրդային բանակի շարքերում։ Զինվորական թերթերում, հատկապես «Կրասնայա զվեզդա»-ում տպագրել է ակնարկներ («Գլխավոր հարվածի ուղղությունը» և այլն)։ «Ժողովուրդն անմահ է» (1942) վեպը պատերազմական թեմայով առաջին ծավալուն գործն է։ «Հանուն արդար գործի» (1952) անավարտ վեպի գաղափարական հիմքը խորհրդային ժողովրդի բարոյական ուժն է, բարոյալքված ֆաշիզմի կործանումը։ 1961 թվականին ռուսերենի է թարգմանել Հրաչյա Քոչարի «Մեծ տան զավակները» վեպը։

Գրոսմանը բազմիցս եղել է Հայաստանում, ուսումնասիրել հայ ժողովրդի պատմությունն ու մշակույթը, գրել «Բարին ընդ ձեզ» գիրքը, որը լույս տեսավ ետմահու (1966)։

Վասիլի Գրոսմանը հայերեն

• Գլխավոր հարվածի ուղղությունը (ակնարկ), Ե., Պետհրատ, 1943, 41 էջ: Ռուսերենից թարգմ.՝ Մ. Զաքարյան:
• Ստալինգրադի ճակատամարտը, Ե., Պետհրատ, 1943, 69 էջ: Ռուսերենից թարգմ.՝ Վահե Միքայելյան:
• Ժողովուրդն անմահ է (դրվագներ Հայրենական պատերազմից), Ե., Հայպետհրատ, 1949, 250 էջ: Ռուսերենից թարգմ.՝ Ժ. Հարությունյան:
• Հանուն արդար գործի (վեպ), Ե., Հայպետհրատ, 1958, 843 էջ: Ռուսերենից թարգմ.՝ Աշիկ Ղազարյան:
• Բարին ընդ ձեզ (տպավորություններ Հայաստանից), Ե., «Հայաստան», 1966, 111 էջ: Ռուսերենից թարգմ.՝ Ռաֆայել Ավագյան:
• Կյանք և ճակատագիր (վեպ), Ստեփանակերտ, «Ոգի-Նաիրի», 2014: Ռուսերենից թարգմ.՝ Ներսես Աթաբեկյան:

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 236)։